🔪شمكارة زووهرة 🔪 (مكتملة )

البارت 21

نرجعو عند الزويهرة لي بقات جالسة في القهوى كتساين في تااااائر على أحر من جمر التوتر باان في وجههاا لي ولا مزنك وحميمر .........بقاات جالسة  وكضور👀 في عينها ....واحد العداد وهيا باركة وكل مرة تهز التيليفون تشوف شحال داز ديال الوقت باش هضر معاها أخر مرى ، .....كتلقااا شي سااعة ونص تقريبااا وباقي مجا حتا لدبا.

بقات جالسۃ جالسۃ جالسۃ حتا صافي طلع ليها الدم ولخز لراااااس نييييت🤯 ، عااااااودات هزات تاني تيليفون بملل ......وهيا تلقا بلي دبا ساعۃ 10 ونص ديال الليل وهيا باقا باركة كتساين ومزال مجااا  .
قالت معا راسها دبا هادي تلاتة ديال السوايع وأنا نتسنا فيه..... وخا يكون جاي من مريكان🗽 كونا راه وصل ولا جاي علي حمار عرج.... كونا راه وصل ولا جاي علي البيض 🥚كونا راه وصل شحال هادي .
بقات باركة تخمم وهيا تفهم راسها بلي غير ضحك عليها باش يستفزها وهيا تنود تهز قااافزة من فوق الكرسي وهيا مغدۃ فوق لقياس محملتش رااسهاا تحط في دااك المووقف .....هزت كسكيطتهاا تيليفونهاا سواارتهااا كوولشي الأشغال ديالهاا لي كانوو فوق الطبلة هزاااتهم وتمت غاادة لكيس بااش تخلص وهياا كتصووط

الزويهرة : ( دخان غاادي يخرج ليهاا نن ودنيهااا ) أنا يضحك عليا زا.... لاخر أنا، أنا الزوهرة بنت القاع والباع يجي ويقول ليا غادي نجي عندك ويخليني بلاكة،........بالحق سري سري أنا لي عطيتو وقت وتحليت ليه بلا قياس سري...... سري أنا لي خليتو يدخل لگلبي وعفط عليه ،أش داني لش حب ولا شي ل....... ولا شي خرة لي نطليه وراني طليتو درك هزيت لكسكيطة ديالي درتها فوق راسي وخلصت  وخرجت نسوط نسوط نسوط .......غادي ننفاجر محملتش الوضع لي حطني فيه محملتش يجي يضحك عليا حتا كنت قلت غادي نتعامل معاه عادي علا الوض الحب لي وليت كنحس بيه من جهتو هاد الساعة من خلاك وهوا كان ناوي غير الغدر وناوي غير باش يستفزني ويضحك عليا وأنا كيف لهبيلة دغية تيقتو وتقت بيه، قالك حگا محگا باغي يتلاقني باش نهضرو وهوا كان باااغيني غير يخليني بلاكة باش ينقص من قيمتي الله يخد فيه الحق الله يخد فيه الحق بقيت غادا معا الطريق وأنا مكشكة ومجنة وفي قمة العصاب ديالي محسيت براسي حتا بداو كيطيحو من عيني الدموع ....بدوون شعووور أصعب أحسااس تبكي ونتااا سيلووونس بديت كنبكي .....صارت وحدة تابعة وحدة تبعاهم شلال ديال دموع علاش كنبكي معرت المهم هاد الساعة بغيت نبكي ونفش گلبي وصافي.... وجهي كااامل مكيباانش فيه حتا تعبير ديال لحزن ولاكن تشووف عينيااا تفهم لبلان وخااا نحبس مشااعر ديالي لدااخل  عينياا ولاو كيفرشووني

ومني كنتفكر بلي وليت گنبغيه عادما كنزيد نبكي ونعطي لگلب

زووهرة : ( بداات كتهضر غير بحدهاااوصط طريق ) علاااش أسيدي ربي خليتيني نبغيييييييه............. كنبغييييييييييه علاش أربي علاش

صافي حسيت براسي وصلات ليا لعضم ولي عطا الله عطاه

شكون كان يقول غادي يجي شي نهار وغادي نولي نحب تأنا بحال لبنات المرهقات شكون كان يقول ديك الزويهرة لي معندهاش معا بوزيفور تولي حتا هيا تبغي وتحب رجالة شكون كان يقول غادي يجي هاد النهار