🔪شمكارة زووهرة 🔪 (مكتملة )

البارت 24

بعد جوج ديال السويع ونصف تقريبا

بديت كنفيق علي شي يد⁦🖐️⁩⁦ كتحاول باش تفيقني من النعاس ولا لغيبوبة لي أنا فيها بديت كنحل عينيا كان كيتصحاب ليا راني غير كنحلم ولا شي حاجة خرى ولاكن صدقت غالطة مني سمعت واحد الصوت غريب عليا هوا لي كيهضر حدا راسي ديالمن الله وعلم ؟

المجهول : واي نتي وااااااااااي نتي واااااااي نتي وااااااااي وفيقي أبنتي وااااش بقا حية

بديت كنحل في عينيا غير مناصص.....نشوف أش واقع ليا تاااااني ،بان واحد الصباط ديال شي واحد واقف ليا حدا راسي ،صباط بالي وقديم وعامر غايس هوا لي كنشوف حاليا قدامي معا مغطا علي كرشي ،بديت كنهز في راسي لي مقديتش نهزو معا قوت الدوخة ولا نقولو معا أخر دربة خديت ....لي تصبات لي في غيبوبة ،وهوا يبان ليا واحد الراجل شارف ومسخ وهاز في أيدو واحد لعصا غير شافني حليت عينيا وهوا يفرح وحط أيد علي قلبو ويبدا يهضر معا راسو

الراجل : الحمدو لله حمدو الله أبنتي ربي كبير كان كيتصحاب ليا غير ميتة حمدو لله مني بقا حية ومميتاش

زووهرة : (بعدم فهم كنشووف فيه وكنرجع نشووف في جناابي قلت ليه بصووت شبه مسموووع )شكون نتا ؟وأنا فين دبا ؟فين أنا ؟ (وبديت كنشوف في جنابي بالخلعة )

الرجل : ( قرب حدياا وحااول يوااسيني ) متخافيش أبنتي متخافيش غير بشوية عليك نودي بركي بعدا شوية وغادي نشوفو أش كاين

ماط ليا أيدو لي كلها مگشبرة ومسخة وحالتها حالة ،بقيت كنشوف فيها واحد العداد عاد تشجعت وشديت فيها وندت بركت على قزيبتي وبديت كنضور في عينيا وفي نفس الوقت كنين بالألم حيت مقديتش نجلس على تر...  بالحريق ،بقيت كنشووف وكحنك في أيديااا لي كلهم لاطرااس ديال سنسلة لي كنت مربووطة فيهاا ......كتبان ليا غير الشجر في الشجر🌳 يعني أنا باقا في الغابة وممشيت فين

بقيت كنشووف  وهيا تجيني الذوخة بزاااااف شديت راسي بين أيديا وزيرت عليه .... راسي حسيت بيه غادي يتفرگع ممنهاش صدااع صداااع .... يمكن حيت هادي يومين محاطة الماكلة في فمي وزيد عليها هادي يومين وأنا مقطوعة من گارو🚬🚬 ولحشيش غير الله يصبرني وصافي

ولي باقي مفهمتوش أش كندير أنا هنا دباااااا ؟ ......واش بوندبة لي لاحني تاني هنا ولا شنو ؟ .....ولي مفهمتوش كتر أشنو كيدير ليا حتا مكنبقا عاقلة على وااااااالو ؟؟......بقيت شادة راسي بين أيديا سوأل يديني لسوأل وحتا سوأل معندي ليه جواب حتا راسي كان غادي ينفاجر وصط أيديا...... بقيت على نفس الوضعية حتا تكلم الرجل لي واااااقف حدايااااا

الرجل : ( قال بسؤوال ) شكون لي دار فيك هوكا أبنيتي؟ .....شكون لي لاحك هنا وصط الغابة بلاما يشفق عليك ؟واش بغاو عندك بعدااا ؟

زووهرة  : ( رجعت شفت فيه ملقيت منقوول ليه حيت الأسئيلة لي قال لياا أنا برااسي معنديش ليهم جوواب قلت ليه وأنا مخنزرة ) شكون نتا بعدا ؟؟؟؟