شحال قدني نغوت وشحال قدني نزگي وشحال قدني نبكي وحتا طيلة مقديتها فينما كنقول زيانت من جيه كتخصر من جيه الصدمات ولاو عندي متابعين صدمة ورى صدمة في أول: لفراق ديالي معا لحبيب ديالي تائر لي مزال غير كنتفكرو لقلب ديالي كيبكي عليا من داخل حيت وليت كنبغيه بزاف بزاف ومنقدرش نعيش بلا بيه ومني كنتفكر بلي دبا هوا حقد عليا حيت خليتو نهار الخطوبة ديالي النفس ديالي كنتخنق
والصدمة تانية : الحمل المفاجا لي عاد خرج ليا من الجنب بلاما نكون موجدة ليه وممتوقعاهش نهائيا
والصدمة التالتة: هوا أني دبا في برازيل ومعامن معا هاد الشيطان لي في سيفت الأنسان لي صلط عليا الله لي منقدرش نوصف ليكم الكره والحقد لي كنكنو ليه ،هوا الشيطان الوحيد لي دمر ليا حياتي هوا الوحيد لي تعدى عليا وخدا ليا الشرف ديالي هوا الوحيد لي حملني وبسبابو تنازلت علا الزواج من الراجل لي كنبغي وهوا الوحيد لي خلا تائر كيكرهني حيت خليتو في النصف ديال الطريق
وزيد عليها وخا نحاول ولا نبغي نهرب مغادي نعرف حد هنا في لبرازيل ومغادي نعرف لفين غادي نصد وأينا باب غادي ندق 😭😭😭😭😭😭😭😭بان ليا گاع البيبان تصدات في وجهي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مفهمتش كيفاش حتا عطاتو خاطرو يجيبني لحتا لبرازيل ويزيد يتعدا عليا من لفوق ويربطني من معا هاد لخرى بلا حشمة بلا حيا ويديرني كألة باش نولد ليه ولدو لي محملاش ومقبلاهش ونتمناه غير أمتا يطيح ونتفك منو
دبا وخا يقتلني مكاين لي يسيق ليا لخبار واش حية ولا ميتة ولا كاينة ولا مكيناش وشكون لي غادي يسول فيا أصلا وفصلا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
