الصراحة مني شميت ريحت بلادي مكرهتش ندير جنحين ونطير في السما غير الهوا ديالها حسيت بيه كيدخل بارد الجسم ديالي عمرني كنت متوقعة غادي نرجع ليها من بعد الزواج معا داك الوحش ولاكن ربي كبير
هبطت من الطيارة لقيت السيارة خاصة كتسنا فيا بشيفور وجوج حراس وريا في سيارة خرة گول غاديني يخطفوني كان كيتصحاب ليا غادي نجي المغرب غادي نتفك منو هاد الساعة وخا بعيد باقي مزال كيتحكم فيا كيف بغا تفو علي بشار كيف داير
خديت نفس طويل ومشيت ركبت معاهم مقدا علي صداع الراس تاني حيت باينة الي مبغيتش وعكست ليهم في دقيقة والحين يرجعني لبرازيل وهاد الشي لي مبغيتش أنا
ركبت في المقعد للور ديال السيارة والشيفور القدام نطلق لوجها غير معروفة موقفت حتا وقف في أكبر وطيل في كزا الصراحة أنا كنت بغا نمشي لفاس باش نشوف سليم ونبقا معاه وحتا لغدا عاد نجي لكزا باش نحضر لختانة ديال ولد خالي رشيد هاد الساعة بدل ليا السيستام كامل لي كنت راسمة في بالي تلف ليا كولشي الله يعطيه ميتلفو علي القبلة أنشاء الله هبطت وأنا مجنة ومحملاش الوضعية لي وصلت ليها بسبابو ولا هوا لي يتحكم فيا وبلا شوراي يشطح فيا بحال القرد ولد الكلب لاخر
طلعت لقيتو حاجز ليا جناح كبير وخا كان زوين وعمرني تخايلت ندخل لبحال هاد لوطيل وخا كنت ديما كندوز عليه ودبا باركة في أحسن جناح فيه ومعا دالك مرشقاش ليا حسا براسي بحالي جالسة في الحبس بان ليا شوية النفس الي بغيت نتنفسها خاصني حتا نشاورو
حيدت لافيست ديالي لحتها فوق الناموسية وبركت علي الكرسي وبديت نخمم حتا سمعت التيليوني كيسوني هزيت التيليفون بانت ليا النمرة غريبة قلت نحاوب يقدر يكون سليم يمكن باقي يتصنا فيا حيت كنت قلت ليه بلي غير غادي ننزل من المطار غادي نمشي عندو هوا لول ولاكن طلع تحزيري مش في محلو كان هوا لي كيصوني عليا
أنا : ألو
أدهم : مرحبا كيفك حبيبتي
صدمني ولد الكلب كون كان يتصحاب ليا بلي هوا لي مصوني منجاوب ولاكن دبا لي عطا الله عطاه ولي طاح مشا علي عين گفاه
أنا : حمدو لله هاد الساعة ونتا لاباس عليك
أدهم : لااااا لست بخير لقد أشتقت لكي يا فتات بعدكي أصبح واقع مؤلم بنسبة لي
أنا في خاطري الله يعطينا وجهك نتقامشو بيه معا لمشاش قالك حبيبتي وشتقت ليك ايوا باز علي وجاه هاد الناس لي مكتمرگش بعدااااا....
تنفست وصرطت الريق ديالي مزيان وبقيت ساكتة مجوبتوش معرفت منقول ليه حتا هدر وكمل كلامو
أدهم : زارا هل ما زلتي تسمعيناني
أنا :( تنهدت )أه كنسمعك
أدهم : حسنا أسمعيني جيدا سأعطيكي بعض النصائح ولاكن يجب عليكي القيام بيها وأن عرفت أنكي لم تستلزمي بيها تعرفين جيداااا مادا سأفعل يا زرا لهدا قومي بهادا بدون مخالفة رأي .....أولا ممنوع أن تضعي مساحيق التجميل علي وجهكي بتاتا .....تانيا ممنوع لبس الكعب العالي تالتا..... ممنوع التكلم معا الرجال أو الشباب........ ربعا ممنوع عليكي أن تلبسي ملابس قصيرة أو ملابس بدون أكمام .........وخامسااااا ممنوع التدخين أو شرب الخمر أو الخروج وحدكي وأهم شيء من كل هدا ممنوع الدهاب لمنزل سليم وأن عرفتو أنكي فعلتي ما هوا ممنوع عليكي أقسم يا زارا بأن أذعكي ترين وجهي التاني الذي لا يرحم ........أدن الي لقاء سأركي غدااااا بعد أنتهاء أشغالي
أنت تقرأ
🔪شمكارة زووهرة 🔪 (مكتملة )
Tiểu Thuyết Chung💞بقلمي أنا الكاتبة ميراااال 💞 ⛔⛔لا أحلل النشر بدون ذكر أسمي ⛔⛔⛔ 💞قصة مغربية 💯في 💯 كتحي على فتاة عانات بزااااف في حيااااتها _فتاة عمرها عااااشت حياتها بحال باقي لبنات ولا دوزات مرهقتها بحال باقي فتيااات -قصة لفتاة مراهقة ومشاغبة ومتسلطة ف...
