🔪شمكارة زووهرة 🔪 (مكتملة )

البارت 20

                        تسريع الأحدات

موصلت لفاس حتا المغرب غير وصلت وهوا يطيح الضلام
رجعت تاني لبريطمة ديالي المتواضعة الصراحة هيا لي قابلة عليا وقابلة على هبالي منساش خيرها غير دخلت ورجع ليا الملل في الملل في الملل دازت يومين وأنا غير الدار لا خروج لا دروج غير تمغاط ونعاس والمكالة ولقص .... وحتا. من رجلي باقي كنحس بيها كضرني وعطياني الصداع ...وخاا شريت ليهاا مرهم ومرى مرى كنضهنهااا وبااقي كضرني

بقيت علي ديك الحال صافي حسيت براسي جاني الاكتأب ممنهااااش معا قوت الجلسة في الدار حسيت براسي غادي نتسكن حتا من فمي وليت كنحس بيه غادي يخنز عليا حيت مكنهدر معا حد منتكلم معا حد غير مرى مرى ...كنهضر معا سليم في النهار ومرة كنهدر معا خالي رشيد لي ولات علاقتي معاه مزيانة وديما كنهدر معاه وحتا هوا كيهدر معايا يوميا وكيسول فيا وخا هكاك قنطت بزااااف وطلع ليا الدم قلت نود نبدل عليا شي شوية الجو ونخرج نشم شوية لهوى عل الله وعسا نسا الهم
وقفت غير بزز مشيت لماااريو ديالي لبست عليا سروال جينز واسع ومقطع ولبست معاه قبية في لحمر  وصبادرية كونفيرس حتا هيا في لحمر شعري خليتو مطلوق وضرت كسكيطة نوااااغ ودرت عليها القب ديال القبية ودرت النضاضر ديالي باش نغطي كمارتي حيت مبغا نضارب معا شي حد في هاد الساعة.... وخديت الساروت ديال السيارة وخرجت لوجهة غير معروفة مهم نخرج نبدل عليا الجو شي شوية كان الحال زوين خارج ومبرذ وبحالي كاين لغمام بقيت ندور نذور وخا هكااااك معجبني حال ومعجباني خرجة أشمن خرجة ونتا دور غير راسك ممعاك حد بحال لمصطي .....شوية بانت ليا الكافي لي كنجي ليها أنا وسليم وأنا نمشي ليها بانت ليا عامرة شي شوية مشيت خذيت ليا واحد الكرسي بعيد علي البشار وخديت ليا قهوة كحلة وبركت نتمزك عليها ونحزز في الناس وفي العشاق لي باركين يتمعشقو قدامي ملقيت مندير خديت تيليفوني وبديت كنهدر معا سليم فيديو وتساب غير باش نحيد الملل ومنبقاش وحيدة وقال ليا سليم بلي غادي يكمل من هنا ليومين وغادي ياااخد طيارة وغادي يرجع لفاس الصراحة فرحت مني سمعتو غادي يرجع لفاس وخا هكاك ولفت عليه وليت كنحسبو بحال خويا لكبير لي معطاهش ليا الله بقا كيعاود ليا في المشاكيل لي وقعو ليه في القشلة معا العسكر وأنا كنضحاااااك بقينا كنضيو ونجيبو في لكلام ونقرقبو في الناب وهوا يبدا يصوني التيليفون ديالي بواحد النمرة غريبة

زووهرة : شوف سليم أنا غادي نقطع دبا حيت تيليفوني كيسوني مني غادي نسالي مكالمة غادي نرجع نهضر معاك صااافي

سليم :🤗 صافي وخا أنا غادي نتسنا الاتصال ديالك
متعطليش عليااا

قطعت عليه وجاوبت على الخط لي مكنتش متوقعة شكون لي كان مولاه .
غير سمعت صوتو وأنا ودنيا يقلشو عليا وحواس ديالي كاملة وقفات عن الحركة غير النفس لي بقات تمشي وتجي معرفش شنو وقع ليا مني سمعت صوت ديالو من ورى الخط يمكن هدا هوا لي كيقولو ليه الحب ( راهم قالو وسيرو أفراقين الحب الله يعطيكم مرض القلب مكدبوووووووش )