*نرجعو عند ختكم الزوهرة*
لي دخلوها لبيجو وهيا مونطيا غير وصلوها حدا الباب ديال السيلون وردخوها حدا شي طفلات كانو تماك حتا هوما شادينهم معرت علاش معرت ولاكن باينة شادينهم على الفساد وعلى داك الشي تعت زق لق باينة ق.....
💞الزوهرة 💕
أنا ولا عندي عادي نجي هنا صافي ولفت وتأقلمت معا الوضعية حيت ماشي هادي أول شدة ليا دازو بزاف ديال الشدات قبل ....حتا نسيت شحال منهم .
مشيت جلست فوق واحد الكرسي ديال السيما كان تماك وبديت نذور في عينيا كيف القاعدة نستكشف شكون معايا في الشونبر بانو ليا كاين غير هادوك طفلات بينات من صحاب الحاال طالقين زغيباتهم لي مشوشرينهم مزال ريحت شيشواار فيهم .... وصابغين الضفران في لحمر ولبس gرطيط لحم غادي يخرج من لكسوة معري كتر من المغطي ومشلقمين لفام بالعكر حمر ومعاا قوت البوساان لعكر ولا مطلس .... أنا غير شفتهم وأنا لقط الغوبشة ناوية على خزيت حيت مكنحملش بنات بحال هااادووو حيت كيفكروني في كريمة, بغيت نودها معاهم ولاكن دوماج قلت غادي نجبدها على راسي ويصدقو مدخليني السيلون تاني , وأنا نبرد السوق ودخلت سووق رااسي
أنا :( شفت فيهم وقلت بالأمر حااد ) هاي شوفو نتوما أنا غادي نتكااا شي شوية منبغيش نسمع حسكم, ( تكيت فوق دااك الكرسي ديال السيماا وتوصدت أيدياا وكملت بالأمر حااد ) ياله سيلاونس دبانة منبغيهاش تزنزن ليا حدا راسي والى تكلمت شي وحدة مغادي يعجبها حال معايا
بلحق غير شافو ليا في سيفتي وهوما يتخلعو بحالي خافو مني وهوما يقطعو الحس رجعت تجبدت فوق داك الصداري ديال السيما وتقول مجاني النعاس صديت عينيا وبقيت نخمم في هااد المشااكيل لي ديماا حطاا لياا على رااسي فين غاادي تخرجني وفين عگوبتهاا .....هوما كيتصحاب ليهم نعست بداو يشوفو فيا ويوشوشو معا بعضياتهم حتا تكلمات الأولة غير بشوية في ودن صاحبتها ولايني لي معرفينوش هوا أني راه أنا عندي لبلوتوت صحيح ودنيا كيلگطو الندى في أي بلاصة
بنت أولة قالت لتاانية : معرت أش كيتصحاب ليها راسها تنفخ علينا وجها دير بحال خرية ديال واحد فيه القبط غير حشمت ولا حتا نتفها من داك الشعر لمقمل ونوريها خيزو من حلاه
نقزات عليها تانية وهيا كضحك غير بشوية وحابسا الضحكة بأيدها .....لا تعود تسمعها
التانية : ياختي أنا قتلاتني بهاد الريحة لي فيها مالها مكتعومش أنا بعدا نفسي داقت عليا صافي تقجيت..........يععع شوفي شوفي ضفرانها كيف هازين لوسخ هادي يمكن كدخل الطواليط ومكتغسلش بزاف على الريحة ديال الصنان الى بقينا معاها ساعة خرة غادين ندير الرابوز مفيهاش أختي ههههههههه
أنا خليتهم حتا كملو هضرتهم مزيان عاد التگعدت وبركت على ترمتي وبديت نهدر معاهم غير بشوية وبي برودت الأعصاب وأناا رااه لقروودة كيشطحوو فووق رااسي بالعصااب
أنت تقرأ
🔪شمكارة زووهرة 🔪 (مكتملة )
General Fiction💞بقلمي أنا الكاتبة ميراااال 💞 ⛔⛔لا أحلل النشر بدون ذكر أسمي ⛔⛔⛔ 💞قصة مغربية 💯في 💯 كتحي على فتاة عانات بزااااف في حيااااتها _فتاة عمرها عااااشت حياتها بحال باقي لبنات ولا دوزات مرهقتها بحال باقي فتيااات -قصة لفتاة مراهقة ومشاغبة ومتسلطة ف...
