مني سمعني قلت ليه ديك الهدرة فصا فاص وبزربة بقا كيشوف فيا وهوا مخنزر وطالع ليه الدم باينة غير من الغوباشة لي لاگط لي مكتبشرش بالخير خلاني بلاكة وردخ الباب ديال البيت علي حر جهدو (يعني صدو )ومشا دخل الدوش لي كاين في البيت
الصراحة محملتش يدير معايا هكاك ولا كيعصبني التصرف لي كيدير أنا كنهدر معاه وهوا گعما في الهاد العلام ممصوقش حتا يهدر معايا ولا يجاوبني علي كلامي
مني شفتو دار ليا داك الستون دغيا لحت المانطة وصدقت واقفة وأنا مجنة وناوية علي خزيت صافي عمرت حتا لافان مالو أش غادي يدير في منام الله غادي يدربني كيف ديما صافي ولفت علي لعصا ولي بغا يديرها يديرها أنا أصلا كنكل لعصا كي درت كيف مدرتش
وصلت لعندو لدوش
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حليت عليه الباب لي كان مخليه محلول يعني غير مرضوض لقيتو مزال واقف كيحيد في المگانة من أيدو شافني مدار حتا ردت فعل بقا واقف وكيكمل أش كان كيدير هاد الشي لي زاد جعرني كتى
أنا : علاش ناوي وفين باغي توصل بالضبط فينما كنبغي نهدر معاك مكتجوبنيش واش بنت ليك أنا مونيكة ولا شنو حاطني ديكور فيما ترشق ليك عليا تجي تقتلني عصا فنما ترشق ليك تشبع في زامل بويا صبان ومني نجي نهدر معاك أنا دير راسك مسمعتينش وتصرف ببرودة ديال النفس والأعصاب وتخليني نتقلي في سمي راك صافي زدتي فيه وفوق لقياس ليوما نفرتكو هاد الرمانة وفين بغات توصل توصل راني كنهدر معاك أبنادم ولبشار
شاف فيا وقال بكل بورودة ديال النفس كيف ما قلت قبيلة
أدهم : هل أنتهيتي من كلامك الفارغ هدا هيا خرجي ودعيني أستحم
أنا :😠😠😠😠😠 مخرجاااااش أسيدي مخرجاش مغادي نمشي حتا نهدرو ونفرتكو هاد الرمانة ليوما قبل غدا
أدهم :حسناااا كما تشائين
قالها وخنزر فيا وكمل أشكان كيدير حيد المگانة حاطها فوق مصطرة حيد الصباط ديالو حيد المونطو وتبعو القبية لي كان لابس لتحت بقا في تيشورط صمطة بيض وسروال كحل شاف فيا لقاني باقيا مخنزرة فيه ومربعة أيديا جيهت صدري ناويا علي خزيت بدا كيتصرف عادي بحالي گعما كاينة معاه في الدوش بدا كيحيد في تيشورط حيدو وبقا عريان من لفوق شوية بدا يحل في الصمطة ديال السروال غير شفتو غادي ينترو وأنا نصدق مستسلمة وصدقت خارجة نسوط بحال الرابوز حيت عرفتو ضرها ليا بلعاني باش يستفزني أش خاسر ويقدر يبقا عريان شكون حرز عليه
