أنا في خاطري ويلي ويلي ويلي ويلي أش هاد الشوهة لي تشوهت في أخر ياامي نولي ضحكة قداام لي يسوى ولي ميسوااش
حسيت برااسي بحال ديك ال....ة الحاصلة معا شي حد , وبلخصوص مني بان ليا داك الزين الزين لعدو وشكون ولدو لي ما منو جوج أينا وقفة وأينا قمامة وأينا حطة ضارب غير كلاس في لكلاس وريحة لبرفاان غاالي سبقاه بتلاتة ميترو مني دخل ضربت ريحتو في الكوزينة هربت ليا ريحت مطيشة ولبيض لي تشنشط ليا شي شوية غير شافني حالة فمي فيه فيه وهوا يخنزر
منكدبش عليكم غير شفتهم هاجمين عليا في لكويزينة وأنا نقندش صراحة مرضيتش مرضيتش مرضيتش وأنا في ديك الحالة والوضعية لي متبغيهاش لعدوك عدوك ومتبغيش ليه هاد حالة راه قالوها ناس بكري ( عمرو حبا ومني حبا طاح في البير) هيا عندي أنا دبا عمرني لبست البيجامة مني لبستها شوفو أش جرا ليا حسيت بلعرك ولا دايز ليا يگطگط معا ضهري حيت عمري تحطيت في بحال هاد الموقف المحرج وخاااااااايب
هوما غير عمرو عليا الباب ديال كوزينة وبداو يشوفو فيا ويطلعو ويهبطو كيف ديما
طلع ليا الدم بغيت غير نخرج نتسل بحاليتي لشي قرينة لي ميشوفوش وجهي فيها ولاكن واقفين ليا حدا الباب بحال ليگاردكور حتا هضرت الباتول
باتول : بنتي واش كتعرفي هاد الناس قالك بغاو يشوفوك
جوبتها أنا وبزربة وبورودة ديال الأعصاب وعينيا ممحيداااهمش من لرض
زوووهرة : بان ليا مكنعرف حتا قمقوم من هاد لوجوه وقولي ليهم مبغا نشوف حد هاد الساعة .....ولا عرفتي أش غادي يجيك مليح قولي ليهم مكينااااش گاع وهني الوقت
شديت البيرميدة لي لابسة لتحت باش مطيحش ونعود في خبر كان ودفعت لميدة حتا تقلبات وتقلب هداك الشي لي معاها كل كاس مشا في جيه وتميت غادة خارجة بحاليتي قبل منصدق مفوتا شي ضربة في شي ز.......
غير وصلت حداهم وهوا يبان ليا معاهم واحد الراجل كبير ياله جاي داخل من خارج تكون عندو شي 54 عام تقريبا كيبان أنيق بزاااف ..... لابس كستيم ولاگرافطة وماشط الگصة وخا كيبان شارف مهلي في راسو ولد الكيدار
قلت في خاطري,( هاي هاي شارف معا راسو ومجبض الحالة الله يعطينا وجهو ) غير شافني وتم جاي قزدني
رجل : بنتي واش نتي هيا بنت خويا ؟؟؟
جاوبو هداك لي قال ليا أنا خوك يخوي ليه الضراس
نزار: أه أعمي هيا هادي بنت خوك أش قلت ليك راك مغديش تيق راسك بداك الشي لي غادي تشوف قدامك
بقيت ساكتة وكنشوف فيهم حتا ستوعبت أش سيرين يقولو عليا هوما لي بداو ماشي أنا أنا كنت غاااااااادة مبدلة بساعة خرة هاد الساعة من خلاك
زوووهرة :( وأنا مخنزرة ) بلاتي بلاتي بلاتي نتا أش سيري تقول من الصباح كيفاش كتقول ليه مغاديش يصدق راسو مالي كي بنت ليكم بسلامة يكما ليحا حوايجي ولا سيرا نزني بحال داك كلب تع بوك
أنت تقرأ
🔪شمكارة زووهرة 🔪 (مكتملة )
Ficción General💞بقلمي أنا الكاتبة ميراااال 💞 ⛔⛔لا أحلل النشر بدون ذكر أسمي ⛔⛔⛔ 💞قصة مغربية 💯في 💯 كتحي على فتاة عانات بزااااف في حيااااتها _فتاة عمرها عااااشت حياتها بحال باقي لبنات ولا دوزات مرهقتها بحال باقي فتيااات -قصة لفتاة مراهقة ومشاغبة ومتسلطة ف...
