#انكسراتي_أنا..
الحلقة التانية
الساعة 5ونص عقاب الليل كنا راقدين الحوش هادئ كانت اجديده راقدة في دارها وخالو في داره وأنا وماما في دارها
ماما:كنت راقدة في عز نومي نطيت علي صوت اعياط..سمآ..وتقول يابابا نفجعت عديت نجري سحبت الغطاء عنها لقيتها راقدة وتبكي وتعيط..وعيتها بس ماافش فائدة سمآ افتحي عيونك ياماما كنك ردي عليا حرام مسمعتني وكل مانخضها تزيد تعيط قعدت انادي علي أحمد يأحمد يااااااحمد لحق عليا
أحمد:كنت راقد سمعت صوت اعياط كان صوت أسماء تنادي فيا واعياط مافهمت شئ طلعت نجري فتحت باب دارها وخشيت بس شفت منظر ليا سنتين ماشفته كان منظر سمآ راقدة وتعيط وتبكي وقفت مفجوع
ماما:تعال شوفها معد ناضت حي عليا كان مردت نفس حالتها
أحمد: لا لا مستحيل اسكتي بس سمآ ياااسمآ ياخالو افتحي عيونك بخيتها باامياه مافش فائدة كانت تبكي وتقول بابا بعبرتها تبكي اذكرت اول وفاة باتها رفعتها وحضنتها وقلت أسماء ولعي قرأن
ماما : ولعته وقمعزت قدامهم ومسكت يدها كان منظرها يوجع قلب
أحمد : ياحبيبت خالو افتحي عيونك سمااا حسيتها بدت تهدأ
ماما : فتحت عيونها يابنيتي كنك ياماما
أحمد : الحمدلله ياخالو بحثي فيا
سمآ :فتحت عيوني شفت ماما قدامي وخالو حاضني ماكنتش فاطنه لشي كنكم
ماما :كنك انتي راقدة وتعيطي فجعتينا عليك ياماما
أحمد : خلاص صار خير انتي كويسه ياخالو توا
سمآ :شن صار ياخالو فهمتش
أحمد :كنتي تحلمي تقولي يابابا
سمآ : أذكرت الحلم قعدت نبكي ياخالو شفت بابا كنا في سيارة ودرنا حادث انادي في بابا متحركش بعدها طلعت نجري عشان نساعده جيت من شوره مالقيتش قعدت نعيط وانادي فيه بس مافش حد بابا أختفي فجأة شفته بعيد عديت نجري شوره بس ماقدارتش نوصل طخت وكرعيا تعبت طحت كان بعيد ياخالو كان يبكي ويقولي ديري بالك من روحك ومن ماما تزعلهش يابنيتي وفجأة اختفي قعدت نجري وانعيط بس اختفي تعبت وما وصلت في ياخالو وانهرت
ماما :كنت نسمع فيها وساكته ماعندي مانقول كيف بنواسيها
أحمد : ياخالو هضا آمر الله وقضاء الله وقدره صبي صلي وادعيله وأقريله قرأن عشان تفرحي هيا صبي ياخالو تخوفنش عليك
سمآ : حاضر ..خشيت للحمام
أحمد : أنا في داري كان صارت حاجة ناديني
ماما :باهي ..طلعت نجيب امياه
سمآ : توضيت وطلعت مالقيتهمش صليت وقعدت ندعي كنت مضايقه وثأترت بالحلم خنقتني العبرة كنت مرايفه علي بابا قعدت ندعي ونبكي يارب ارحم بابا واغفرله ونور قبره وخفف التراب عليه واسعده عندك كيف ما اسعدنا في حياتنا عشان ماشفتش سعادة بعد بابا يارب صبرنا هضا أمتحان منك وامتحان ووواعرر هضا الموت خسرت سندي في الدنيا وانا في حاجته يارب كون معايا وفرج عليا وعلي ماما تعبتها معايا فجأة وأنا نبكي وندعي حد من ورايا حضني ألتفتت لقيت.....ماما عرفتها كانت تسمع فيا
ماما : سمعتها تدعي وتبكي عارفتها مرايفه علي باتها حرقني أدعاها ووجعتني كسرتها في سندها بوها حضنتها وقعدت نبكي قالتلها ربي يصبرك يابنيتي سلم بنتي معد تبكي أستغفري ربك وادعيله ربي يصبرك
سمآ : حاضر وخلاص ماما معد تبكي هيا صبي نرقدو خشيت جنب ماما في حضنها وقعدت نستغفر ورحت في النوم
ماما : شفتها راقدت غطيتها وطلعت برا الدار في الصالون وخديت المصحف وقعدت نقرأ طولت لعند فجأة سمعت صوت
يتبع .....
رأيكن في الحلقة التانية منوصيكنش ع التفاعل يابنات😘😘
