#أنكسراتي_أنا
الحلقة العشرون
سمآ : يقعد باب الحوش يدق بقوة طلعت نجري لبست لبسة الصلاة وفتحت ووشفت عمتي ولينا وراها .. كنكن بسم الله قريب كسرتن الباب
عمتي : لمي أدبشك توا
سمآ : كنكم شن في صارت حاجة في خوالي
عمتي : اها ترعشي عليهم معرفوش يربوك لمي دبشك وعديلهم معش تقعدي في الحوش هضا
سمآ : وعليش هضا كله
عمتي : عشان نقصك تربية
سمآ : من جاء شورك انتي وهذك
لينا : احترمي نفسك اسمي لينا
سمآ : عجينة مش لينا انزلي لخاربك احسن
لينا : مش حوشك
سمآ : لا حوشي وغصب عنك هي انزل لحوشكم
عمتي : شن حوشك هذي هضا حوش خوية وعندنا فيه ايوا
سمآ : بطلي اعياط واحترمي نفسك انا قعدة محترمتك عشان أكبر مني وانا ماغلطتش فيك
أنور : سمعنا هرجه طلعنا نجرو شفنا عمتي ولينا فوق يتعاركن مع سمآ ... كنكم شن في صوتكم عالي
عمتي : جاية نبي نربيها قليلة التربية
سمآ : قعدت ساكته نبحث فيهن
أنور : لا عيب ياعمتي سمآ متربية احسن تربية وبعدين شن دارت قولي
عمتي : احسن تربية تخش عليا تحط اكل برا وتحكي معايا طشه وتركب تعطيه لكم وتقول تستاهلوا احسن من فجعنة عمتي قليلة أداب
سمآ : اول حاجة من قالك حاجة هذي اكيد مش انتي سمعتي واكيد اللي قاعدة وراك
لينا : بطلي كذب انا سمعتك
أنور : انفجعت من كذب لينا .. هي انتي شن هضا يافرخة كيف تكذبي هك
لينا : منكدبش انت كنك انا اختك راهو كنك تقول ساحرتك هذك
أنور : سكري فمك ياكذابه خزي ماتحشمي علي وجهك تعالي هنا مسكتها من يدها
عمتي : اطلقها عنك مش شورك سيبها
سمآ : كنت طاهرة متوضية خشيت جبت المصحف وطلعت وحطيت يدي علي مصحف وحلفت أن اللي حكاته لينا كله مصارش بكل ومديته لي لينا حطي يدك واحلفي أن صار
لينا : لا مستحيل
عمتي : ليش لا
لينا : مش متوضية
عمتي : كيف كنتي تصلي في عشاء قبل مانركبوا
أنور : عشان كذابه
سمآ : فجأة يجي كف من عمتي علي وجه لينا ونزلت لينا تبكي
أنور : تستاهلي كذابه
