#أنكسراتي_أنا
الحلقة السادسة والخمسون
سمآ : حبيبي أبعد اسمع الصوت
أنور : ااأممموووآآه فوتي شن دخلنا
سمآ : دفيته ... تي صوت هرجة رجالة اسمع
أنور : اها ياساتر شن في لبست وطلعت نجري في روشن شفت طحنة برا وحمادي فيها ،،طلعت نجري ..؛سمآ البسي سكري الحوش عليك كان صارت حاجة رني علي أحمد ياخذك وطلعت نجري
سمآ : لبست سروال وبدي وعباية وطلعت نجري تحت ...عميمه شن في
سناء : خشي بس
سمآ : فجأة سمعنا واحد يعيط
الشاب : أنور انضرب
سمآ : سمعتي حي عليا ياعميمه
سناء : تعالي هنا وين طالعة
سمآ : ابعدي بنشوف أنور ..قعدت نعيط
سناء : معش قدارت نمسكها تعيط وتخبط وترعش ...اهدي ياسمآ
سمآ : نبي أنووور سيبيني أبعدي ياعميمه بنطلع ياااانور
~~~~~~~~~~
أنور : سيبتها وطلعت نجري وجيت حمادي طلع بس يحز قعدنا نحزو والناس تجمعت وجو أهل شباب وفحاة نضرب أنور جارنا وكبرت قصة وخشوا الرجالة لكبار في موضوع وخذيت حمادي وروحنا وقربنا من الحوش نسمع في أعياط ...شن صوت من حوشنا
حمادي : صوت سمآ
أنور : نفجعت فتحت الباب نجري وخشيت لقيتها تعيط وعميمه شادتها بعد خشيت فنصت فيا وداخت جيتها نجري ....،بسم الله كنها ياعميمه
سناء : تي فجعتونا في واحد يعيط انور انضرب نحسابوك أنت قعدت تعيط بتطلع شديتها ...سمآ سمآ
أنور : حمادي جيب عطر بسرعة
حمادي : به
أنور : سمآ سمآ أفتحي عيونك سمآ
سناء : سمسم صبي
حمادي : هاك
أنور : بخيتلها وقعدت نشمم فيها في عطر
سناء : بدأت تفتح في عيونها
أنور : سمآ
سمآ : اه
انور : كويسه انتي
سمآ : فتحت اعيوني شفته نطيت ...انت كويس
أنور : اها مافيا شي أنا ، أنور ولد جيرانة انضرب مش أنا
سمآ : حضنته وقعدت نبكي
أنور : انحرجت قدام عمتي ...سمآ بطلي أهبال كويس أنا
سمآ : خفت تسيبني بروحي
أنور : ماتخفش انا كويس
سمآ : وحمادي
