#أنكسراتي_أنا
الحلقة 64
أحمد : منظر سمآ كانت معصبه وأنور منظره معجبنش عدو وانا عديت شور سلوي ......كنك شن صارليش تعركتن
سلوي : هيا قليلة آدب كيف تحكي هك معايا بعدين استاذ انور كيف يتواقح يقولي سكري فمك من هوا عشان يقول هك بعدين أنا مغلطتش فيه بروحها طالقه لسانها
أحمد : أنور عارفه مايحكش هك الا انتي غالطه وسمآ ليش تعاركي معاها
سلوي : ياسلام توا بطلعني غلطانة هم غلطانين مش أنا
أحمد : نقصي حسك وتحشمي علي وجهك الناس تبحث تعالي اضربني وخلاص
سلوي : بس
أحمد : منبش نسمع حسك اسكتي احسن خير ما يصير خبر اخر
سلوي : هيا عصبتني
أحمد : اسكري موضوع بعد يروحوا حنتفهموا وانشوفوا من غلطان
سلوي :
~~~~~~~~~
سمآ : عدينا وصلنا في مطعم خشينا لقينا عرب واجد بنات بالحجاب وعائلات ...حبيبي ناس عرب
أنور : اها ...السلام وعليكم نبوا طاولة الشخصين
الشاب : تفضلوا
أنور : مسكتها من يدها ودخلتها قدامي ...قعمزي
سمآ : قعمزت وقعمز أنور
الشاب : تفضلوا هذي القائمة اختارو شو تحبوا وأندهولي
أنور : شكرا أختاري
سمآ : نبي مكرونة بشاميل ونبي بطاطا مقليه ونبي سلاطة هذي
أنور : السلاطة حارة فوتيها
سمآ : لا بالخضرة كويسه مش حارة
أنور : لو سمحت
الشاب : نعم
أنور : نبوا معكرونة باالبشاميل وبطاطا مقلية وسلاطة خضرة ورز دجاج ووشاورما
الشاب : بس
سمآ : نبي ببسي
أنور : لا خودي عصير كويس للحمل
سمآ : باهي
أنور : عصير طبيعي
الشاب : حاضر لحظة بس
أنور : خود راحتك
سمآ : حلو مكان
أنور : اها أيمن يفهم في الجو
سمآ : عايش هنا
أنور : اها له سنتين ومتزوج وعنده عيل وبنت
سمآ : عشان الشغل
أنور : توفت أمه وتعارك مع باته واهله سيبهم وجاء هنا عاش واشتغل
سمآ : الله يرحمها فجأة رن فايبر لقيتها ماجدة .....الو
ماجدة : سمآ معايا
