#أنكسراتي_أنا
الحلقة الثالثة عشر
وطلعنا برا وشفنا أنور جاي
أنور : خير يامعلم وين ماشيين
أحمد : بنشيلها لكم
أنور : اووو سمآ بتجينا لحظت أن جوها مش تمام وحطه عيونها في الارض
أحمد : أنت شن جابك
أنور : بنعطيك اورق هذي جمال قالي ضروري نجيبهن لك توا
إحمد : اها معلش تعبتك بعد جيت بتعدي تروح لحوش توا
أنور : اها طول كنك
أحمد : بعد ماشي شيل معك سمسم مافيا ما شحورت
سمآ : اها مش جو شحورة ركبت في سيارة انور طول
أنور : كنها
احمد : زعلانة من باتي وزعها بطريقه شينة
أنور : اها باهي توا اوكي بكرا نتلقوا
أحمد : تم اوكي
~~~~~~~
ماما : كنكم حرام عليكم بطفشوني انا وجبرتوني علي الزواج بنتي شن ذنبها بطفشوها
اجديده : كنك يابنيتي من جاء شورها
ماما : باتي قلقها طلعت زعلانة قالت تريحوا مني ساد ماتحب جوهم يبال تقعد ديما غادي تتعب نفسيتها حسوا بيا حرام عليكم خلطوها عليا
أحمد : كنك بسم الله تعيطي شن في
ماما : عليش خليتها تعدي غادي عارفها ماتحبش تقعد غادي
أحمد : اول حاجة حقهم عليها حتي هما اهلها ثاني حاجة بكرا بيجوا العرب يخطبوك شن بتقولي تخبريها ترا قولي
ماما : باهي عندك حق وباتي ليش يزعلها
أحمد : عشان طالع متعقد منكم شافني نجده فيها قالي انت مدلها هزبها وحتي انا تهزبت مش قصده
ماما : اها باهي قولي شن اندير انا مجبورة وكيف نقول لبنتي وباتك خلاص عط كلمته وكمل الموضوع ومحدد كل شي انا رافضه وقلتله وهزبني وقال غصب عنك كان هضا نغضب عليك ماعندش ماندير بس انا شاغلتني سمآ
أحمد : ربي يساهل عليها ادعيلها بس
~~~~~~
أنور : من أول ماطلعنا في السيارة كانت اتبحث من الروشن وسرحانة زعلانة قعدت نبحث فيها في المرآية الجانبية
سمآ : كنت مضايقه قعدت سرحانة نفكر كنهم قالبين عليا فطنت علي صوت أنور يحكي
أنور : شن رايك ندهورو شوي ونوقفوا علي حلواني ناخذو ايس كريم
سمآ : علي راحتك
أنور : دارسنا قدام الحلواني نزلت جيت فتحتلها الباب هيا انزلي
سمآ : لا فوت عدي انزل انت جيب وخلاص
أنور : غير انزلي بلا طروح
سمآ : ههههههه باهي ياسكان نزلنا وكان محل زحمة أغلبهم شباب شديت في يد انور بلا مانفطن نفس ماندير مع خالو
أنور : كانت زحمة وشدت في يدي عرفتها خافت دخلهتها قدامي في تركينا فاضية طلبت بسرعة وطلعنا بعد طلعنا فكت يدها وعدت شور سيارة لحقتها وركبنا ووقدعنا ناكلوا
سمآ : كان مصقع برد عليا حسيته قعدت ناكل بسرعة
أنور : شفتها تاكل بشراها قلتلها صحة صحة
سمآ : ههههههه سلمك جاء في وقته
أنور : ههههههههه حسيت أن وقته توا بس بنسألك
سمآ : اسأل
أنور : بس بلا زعل وقلب وجه
سمآ : ههههههه شكله حاجة تزعل بس اسأل وعد منزعلش
أنور : ليش ماتبش او بالاصح ماتحبش اتجي عند اجدودك وعمامك
سمآ : مش مانحبش بس جوكم نقصد اجدودي واهلك مش سمح وماناخذش راحتي في شي وابسط شي يهزبوا فيا انا كبرت مش صغيرة في حاجات تغيرن بس هما لا عقد وعمتي ديما تهزب هك ديري نقعد بس نمسح في هزايب وتفايل حشاك من ع وجهي
أنور : عندك خواتي وبنات عمامك الاخرات
سمآ :تزعلش مني حول لبني بس والباقي مافهنش جو
أنور : ليش
سمآ : يقعدن يعزقن في الحكي واينابشن
أنور : نفس شن
سمآ : فوت نقولك حاجة أنت ومحمد بس فيكم جو
أنور : هههههه ليش يعني
سمآ : عشان جوكم نفس خوالي تحبوش النفاق وتفرحوا بالناس
أنور : اها توا نغيرو اقامة معاهم
سمآ : هههههه حتي انا ووصلنا الحوش نزلنا وخشينا للحوش جوا لقيناهم راقدين
انور : هههههه الدجاج راقد
سمآ : هضا اول سبب منحبش نقعد عندهم ساعة 10 نوم
أنور : هيا اركبي قدامي لحوشنا
سمآ : باهي ركبنا وفتح الحوش قالي صبي لعند نقولك خشي
سمآ : باهي
أنور : خشيت لقيتهم في وسط الحوش ياكلوا في ثورته السلام وعليكم
كلهم : وعليكم السلام
أنور : شن مناسبه
ام انور : اختك صفت موادها
أنور : مبروك انا جبتلكم مفجأة
كلهم : شن
أنور : خخششش
سمآ : سمعته خشيت عليهم بس انصدمت ....
يتبع ...
لأيك ورأيكن في الحلقة وتوقعاتكن ياريت تتفاعلن مع الرواية عشان حسيت أن تفاعلها بسيط وشكرا لك بنت تفاعلت حتي بلايك
