#أنكسراتي_أنا
الحلقة السابعة
سمآ : في خاطري بعد اللي صار معتقدش يصير و فجأة نفتح عليا باب الدار طلعت ماما
ماما : صح النوم ياحلوة كيف نضتي
سمآ : سلمك اها نوضني نقال يرن
ماما : اها من رن عليك
سمآ : خالتو سوسن
ماما : كنها شن تبي
سمآ : شي بس قالت تعالوا غادي البنات جايات خالاتي وصبايا
ماما : اها تو نقول لأمي
سمآ : وأنتي وأنا
ماما : انا بنعدي بس انتي مش عارفه
سمآ : كيف مش عارفه يا تقولي نعدي أو لا
ماما : هذي شور خالك بعد اللي صار يخليك او لا شوفيه
سمآ : لا نبش عدي انتي واجديده انا بنقعد
ماما : اها شوفي بس
سمآ : لا نبش انا زعلانة منه اصلا كيف يحكي هك معايا وجعتني
ماما : لا انتي غلطانة وعنده حق
سمآ : لا مش غلطانة وانا معديتش وماحد فيكم فهم او سأل شن صار بس قعدتوا تهزبوأ فيا أنا تي كان بابا راهو سألني شن صارمعايا مش هك
ماما : أحمد كان خايف عليك ماحقيتش انتي نفس الهبل قعد يدور ويجري عشان خاف تقعد صارت حاجة معك
سمآ :
ماما : باهي احكيلي شن صار معك
سمآ : انا كنت مروحه في نفس شارع لقيت فرح وكان في شاب قعد ينابش انا بنفوته سكر طريق عليا وكنت بنرد سمعت صوت حد قال سمآ بحث لقيته علي ولد عمو اوو...وهضا اللي صار
ماما : عليك صدفة
سمآ : انتم انفصلتوا عليا وخاصة خوك بدون مايفهم شي انا ماغلطتش بس مافطنتش للوقت
ماما : اسمه خالو مش خوك وبعدين أحمد عصب من طريقت دوتك مع جدتك عيب
سمآ : اول حاجة انا كنت نغير في جوها كانت معصبه هيا وبس مش قصدي انكث عليها بس هو متسبل بعدين انتم اللي كنكم اجديده من الصباح تلز وتهزب مشفتش كيف تحكي معايا تقول مضايقه مني
ماما : امي وليه كبيرة وعادي متعدلش عليها وأحمد مش قصده
سمآ : قوليلها كان مضايقه مني توا نعدي الحوش بابا قاعد وامس اجديده تهزب وتفنص
ماما : فكينا من الزعل خلاص مش قصدهم وخاصة احمد
سمآ : لا اجديده قصدها انا حاسه أن هيا مش طايقتني وخالو أحمد اها وجعتني منه عشان مافهمش مني وقعد يهزب انا كنت نحس أن طبعه نفس بابا بس مبكري صدمني توا عرفت انا مافش حد نفس بابا وانا غبية كنت نحسابه ربي عوضني بخالو نفس بابا قعدت نبكي
