#أنكسراتي_أنا
الحلقة الثامنة والثلاثون
سامي : فتحت الدار وخشيت لقيتها تبكي جيتها .....عليش البكاء توا
ماما : كيف هيا تحكي هك مع بنتي عشان مش من دمكم تقوللها هك هذي بنتي انا منرضش فيها
سامي : هذي مش بنتك انتي بس هذي بنتي حتي انا وانا مستحيل نرضه فيها وانا قلتلها اعيالي الاربعة يركبوا قدامي حتي سمآ بنتي وخالتك مرآة كبيرة ماتعدلش عليها وانا بعد ننزل حنحكي معاها خلاص امسحي ادموعك
ماما : وربي يحفظك لنا وشكرا عشان متقبل بن....
سامي : حطيت يدي علي فمها،،،، اسس ماتكملش هذي بنتي أنا ومعش تحكي هك
ماما : سكتني حط يدي علي فمي انحرجت ...هزيت راسي بمعناه باهي
سامي : انا بنرقد حاس راسي مصداع
ماما : بعيد السوو عنك نجيبلك بندول ....فجأة سمعنا صوت ايه تعيط وتخبط علي باب
ايه : واوواك بم بم بم باااباا تما بم بابا بابا دق دق دق
سامي : كنها بسم الله ...صبيت نجري فتحت ...كنك يابابا كنك
ماما : ايه كنك عليش تبكي
أيه : تما تما بم بم
سامي : كنها سمآ والاء وين
ماما : طلعت نجري في صالة لقيت دم علي الفرشه ...حي ياسامي دم دم
سامي : شن وين دم
ماما : اهو واجد وين البنات
سامي : ويه وين خواتك
أيه : تما داره دم
سامي : عديت نجري شور دار سمآ شفت قطرات الدم علي الارض وصله لعند الحمام فتحت الحمام وشفت سمآ
~~~~~~~~~~
سمآ : خبطتني بعصا علي وجهي خشمي قعد دم عديت نجري لحمام داري نغسل في دم بعدها خش عليا سامي
سامي : بسم الله كنك
سمآ : خشمي طاحت عليا عصا
سامي : تي البلوة الاء صح ضرباتك
سمآ : لا لا طاحت عليا
سامي : اطلعي بس نشيلك مستشفي
سمآ : لا لا ساهل توا يوقف
سامي : تي نزيف خشمك لازم مستشفي
ماما : خشيت نجري لحمام شفت الدم .....حي علياا ا كنك شن هضا
سامي : اكيد الاء خبطتها بشي حاجة بسرعة اطعن نشيلها اسعاف فيسع خشمها نزيف شكله
سمآ : مافش داعي ساهله
ماما : شن شوفي الدم في الحمام اطلعي بس ....عديت نجري جبتلها وشاحها وعباية وطلعت لبست عبايتي ووشاحي وساعدتها علي اللبس حطيتلها منشف علي خشمها وطلعنا
