#أنكسراتي_أنا
الحلقة الرابعة والثلاثون
محمد : بنعدو البحر تعدي معانا
سمآ : لا شكرا مانبش نعدي توا نعدي لخوالي انبسطوا انتم سلام ...ركبت وانا بنخطم من قام حوش عمي طلع أنور طبست راسي ومشيت من جنبه وركبت حوشنا
أنور : انا طالع كانت راكبه بحتث فيها بس طبست راسها وركبت .... اووووف اكيد زعلانة نزلت لقيتهم تحت ..... ..شن قالت بتعدي
محمد : لا وانت السبب البنت زعلانة منك
لبني : اووووف منظرها تسخف
أنور : كيف تقعد بروحها
لبني : بتعدي لخوالها
أنور : اها ....كان خطرها في البحر عليك قصة
~~~~~~~~~~
أحمد : كنت في الحوش التاني مع اهلي وامال نتفقوا علي زردة رن نقالي سمآ .......الو سمسم
سمآ : خالوا أنت وين
أحمد : قاعد في الحوش التاني اسمعي
رمزي ،سلوي،أمجد،أنس ،امينة : سمسم
سمآ : تعال خودني نبيكم
أحمد : نحنا منبوكش ههههههه صح
رمزي ،سلوي ،أمجد ،أنس،أمينة ،أماني : صححح.
اجديده أمينة : بطل اهبال جيب نقال هنا...هاسمسم تعدلش عليهم توا ندازلك جدك تعدليش عليهم
سمآ : نجك ليا انتي خير من ضرتك فاطمة كان هيا راهو ضحكت هههههه
اجديده أمينة : هههههههه
سمآ : طاح سعدك تعلمتي منها ههههه
أحمد : هاتي يا أمي نقال ..... سمسم البسي توا نجوك
سمآ : باهي ياتقيل انساها سلوي مافش
أحمد : عنشكلك اسكتي
سمآ : نبش هههههه خلاص نستنا فيك طولش
أحمد : اوكي طوووط ...... انس والنبي عدي جيبها تعرف الحوش ماعندش جهد
أنس : حاضر هيا (انس ولد خالتي اماني عمره 23 سنة)
~~~~~~~~~~
سمآ : حطيت دبشي في شنطة وبدلت ادبشي لبست سروال اتش دي اسود وبدي وردي وجاكه طويله سكرية ودارت مكياج خفيف ولبست وشاح وكويش حطيت نقال في شنطتي والروايات ومكياجي وفصلت المفتاح الرئيسي وسكرت الباب ونزلت كانوا بيعدو كلهم كلهم يستنوا في الجنان .....خير يااجديده كيف حال صحتك اليوم
اجديده : الحمدلله كيف جيتي توا انتي
سمآ : لا لا توا بنعدي لخوالي
اجديده : اها كنك مانزلتي ليا ايام ماشفتك
سمآ : لا بس كان عندي برد معش طلعت من الحوش
