#أنكسراتي_أنا
الحلقة السادسة والأربعون
المصوراتيه : خشي بشواش باه
سمآ : باهي ...ولعوا موسيقه هادية
ماما : خشي
سمآ : باهي مش هاربه ،.خديت نفس ...بسم الله ....وخشيت وكان قلبي بيطير ووصلت في المسرح ركبت وقعدت نصور في لقطات وبعدها قعد الديجي يربخ جيت قعمزت وقدموا العشاء جت اميرة فوق جنبي
أميرة : طالعه سمحة
سمآ : شكرا
أميرة : ع فكرة
سمآ : كنك
أميرة : انا وراجلك كنا ع علاقة
سمآ : شن تخرطي أنتي
أميرة : ها شوفي اتصالات ها هضا رقمه
سمآ : بحتث صاح رقمه واتصالات مدتهن مش طويله ركبت فيا نار بس حبيت نقهرها كيف ماقهرتني ...اها عادي كسد عليك قبل مايخطبني وأنا تزوجته يامسكينة
أميرة : احترمي نفسك ايوا
سمآ : تعرفي تنقلعي من قدامي احسن ما نمسح بيك الارض
أميرة : نازله يانفسية
سمآ : النفسية خذت حبيبك وجك
أمينة : شفت سمآ وجهه مش طبيعي وفرخه هذك مش عارفه تحكي وبعدها نزلت ركبت نجري ....شن في
سمآ : شي نبي امياه نشفت ريقي التافهة
أمينة : كنها
سمآ : جاية تقولي كنت ع علاقة مع راجلك
أمينة : طاح سعدها تافهة
سمآ : اها
أمينة : ونقال شن قصته
سمآ : ورتني سجل مكالمات
أمينة : كذابه
سمآ : مدة اتصالات مش طويله عارفتها اطج بس بنعرف ليش يحكي معاها
أمينة : نقولك حاجة بنت هذي حأطه ع أنور وتحبه وهوا مش عاطيها وجه من يوم تفريش الحوش فطنتلها
سمآ : اووووف نقصني هم أنا
أمينة : اضحكي وانبسطي اقهريها
سمآ : هههههه نبي امياه بنشرب
امينة : هيا توا نجيبلك ...نزلت نجيبلها
لبني : ركبتلها ...ياسمح شن جوك متريحه
سمآ : بصراحة لا خايفه وكراعي
لبني : كنها
سمآ : قريب طحت وانا بنركب سيارة بعد طلعت من كوفيرة شوفيها
لبني : طبست شفتها ،...حي عليك منخرطه خرط نقنا عين في حنة طالعه تهبل
سمآ : انتي تهبلي طالعه سمحة خطرها خالوا رمزي قوليله سمآ عدت زعلانة منك واجد
