#أنكسراتي_أنا
الحلقة الثامنة والخمسون
أمال : سمسم تعالي تعشي حطيتلك
سمآ : نجك ليا ..جيت قعمزت جنبها
أحمد : خشيت شفتها جنب امال يحكن جيت قربت منهن
أمال : حسيت جوها مش سمآ الاوله ....سمآ كنك احكيلي شن في مش عاجبتني
سمآ : مش فرحانة ومضايقه من الحوش وانور يومين كويس بعدها عرايك نفسيتي تعبت عميمه عايده تهزب واميرة تعزق في كلام وأنا نتخبط في وسط امس تعركت مع أنور عشان مانفضحش بروحي قعد يهزب نزلت تزلحقت في دروج واليوم جوا سمح قعد نفس قبل أنا تعبانة ياخويله ياريتني ماتزوجت وياريت قعدت في حوش هنا ياريتني متت مع بابا تريحت من العيشة هذي وقعدت نبكي
أمال : استغفري ربك يابنيتي كنك حرام تحكي هك عادي مشاكل هذي تصير في كل حوش
أحمد : ليش ماحكيتي ليش ساكته
سمآ : نفجعت ..خالوا أنت هنا
أحمد : ليش ياسمآ ساكته نسأل فيك شن دايره تكذبي عليا انتي تكذبي علي خالوا
أمال : أحمد اهدأ واسكت الوقت هضا مش جو اعياط وبعدين شوف البنت بروحها ترعش
أنس : سمعت الهرجة خشيت ...كنكم خالي كنك صوتك عالي برا ،،فطنت لسمآ خايفه وترعش ....سمسم كنك
سمآ : انهرت نبكي
أمال : حضنتها... خلاص يابنيتي مترعشيش روحك متخافش خالك مايقصد
أحمد : أعوذ بالله من الشيطان الرجيم ...سمآ خلاص اسكتي ماعش تبكي اسف عشان عيطت عليك خلاص بعدين نحكوا
سمآ : وراس خالوا ماتحكي لأنور شي عشان خاطري وغلاتي عندك
أحمد : خلاص حاضر بس بطلي أبكاء سمآ عاد
أمال : خلاص انتي اسكتي وأنتم اطلعوا برا
أحمد : سمآ خلاص اسكتي معش تبكي أنا بنطلع
أمال : خلاص اطلع توا تسكت
أحمد : هيا انس
انس : هيا
أمال : خلاص طلعوا عليش تبكي
سمآ : حي عليا توا يقولها أنور حيزعل مني
أمال : لا مش حيقولها قالك مش حنقوله شي وبعدين ليش خايفة من أنور وزعلته
سمآ : عشان نحبه أنا نبيه صح هو اسلوبه اوقات غلط وبعد يعصب يقعد يفترش بس حنون
أمال : هههههه باهي ياصراحة أنتي ليش ماحكيتيش لماما
سمآ : نخاف عليها ساد ضغطها نبهش تخاف عليا
أمال : وأنا وين كنك ماحكيتيلي
سمآ : عشان معش جيت أنا ومافش فرصة
