#أنكسراتي_أنا
الحلقة 7
أنور : سيبتها في الدار وطلعت في البركوني ندخن طولت وبعدها خشيت نتفرج رقدت في الصالون معش حسيت بشي لعند ساعة 7 صباح نسمع في اسوو تعيط نطيت خشيت جوا الدار لقيت سمآ علي سرير متغطية جيت رفعت اسوو وجيتها سحبت الغطاء من فوقها ونفجعت شفت كرعيها مطرح راسها والغطاء الابيض تحتها دم معبي نفجعت ......سمآاا سمآاا ...حطيت اسوو في سرير عطيتها لهاية وجيت جهة راسها ...سمآاا صبي فيسع العيل نزل سمآ صبي
سمآ : أبعددد بنرقد
أنور : العيل نزل
سمآ : كنت نعسانة وجت العبارة في وذني نطيت ....ششن نزل
أنور : شوفي دم تحت كراعيك شكله بداية نزيف
سمآ : بحتث فيه قلتله ... تريحوا ...برمة رقدت
أنور : أنصدمت من ردها ...تي صبي نعدو اسعاف
سمآ : مش شور العيال هضا دم كتفي انت خبطتني قعد دم بس هذي قصة
أنور : بعد هك قالت طحت ع السرير....فجعتيني
سمآ : احسن تستاهل
أنور : معقوله هك
سمآ : انت دفيتني متوحش
أنور : اسف بس عصبتي
سمآ : مش مسامحتك ومش تقرب مني مش طايقتك أنا
أنور : نسمع فيها ومنصدم كانت تحكي بجد ....مش قصدي أنا
سمآ : ولا يهمني من قبل مديتها يدك عليا قلت من الجن بتاعك بس امس رديت درتها لا أنا مش حنسامحك
أنور : سمآ خلاص عاد اسف قنا
سمآ : الاسف تنقال بعد تغلط بس بعد تضرب ماتمشيش معايا
أنور : باهي شن ندير عشان تسامحيني
سمآ : شي عشان مش مسامحتك ولا حنديرها ابعد ترا ....دفيته وخشيت الحمام
أنور : طلعت للمطبخ درت قهوة وقعدت نشرب وانفكر لا رسمي معصبه وتحكي بجد اوووف جت طلعت ادير في رضاعة لأسوو
أنور : هاتي نعطيها لها
سمآ : لا توا أنا نعطيها
أنور : كنك عاد
سمآ : بنتعود ....عديت وسيبته
أنور : شكله يوم سمح اووف ....خشيت لقيتها تفتش في دبش ...شن اديري
سمآ : نطلع في دبش نحطه في شنطة
أنور : بكرا تروحي
سمآ : مش عارفه ع جو
أنور : اها باهي انا بندوش وانتي جهزي دبش واعيالك عشان نحطك وانعدي شور سوق
سمآ : تحطني وين
