#أنكسراتي_أنا
لأيك قبل ماتقرأنها ♥
الحلقة الخامسة
ماما : لبست بتاع صلاة وطلعت نجري فتحت باب ونشوف مصرية جايين لعيت جيرانة عشان يشيلوا رمله انفجعت فجعه قعدت نبحث في شارع بنات مروحات من مدرسة ناديتهن ياماما تعالي شوي
البنات : نعم ياعمتي
ماما : معليش يابنياتي بس انت من مدرسة ال..... او لا
البنات : اها منها
ماما : مازال في طالبات مروحنش
البنات : نحنا اخر فصل طلع ياعمتي
ماما :شاطت فيا النار قالتله شكرا حبيباتي عدن لحوشكن بسرعة
البنات :عفوا يا عمتي
ماما : حي عليا بنتي وين خشيت نجري يا امي حي عليا بنات قالن كان اخر فصل فصلهن شن اندير بنت وين شن صارلها
اجديده : رني علي خوك طاح سعدك فيسع يانعليا بنت راحت
ماما : رنيت ..الو خير يا احمد
أحمد : خيرات كنا صوتك
ماما : سمآ معك روحت بيها
أحمد : كيف روحت بيها ماروحتش قصدك
ماما : ححححييي حي عليا بنت وين عدت ماروحتش وبنات قالن اخر فصل نحنا
أحمد : تي وين راقدة انتي ازح لعند توا فطنتي
ماما : نحسابها غير في طريق انا بنعدي مدرسة نشوف غادي خلاص سكر
أحمد : اقعدي مطرحك توا انانعدي كان جت رني عليا
ماما : به طمني بس
أحمد : خلاص صكري سلام ،،غريبه كيف ماروحتش مش عاويدها عديت جري شور مدرسة لقيتها مسكري عليك قصة أزح رنيت ع الحوش..الو ها روحت
ماما : لا شفت مدرسة
احمد : تي مسكره مدرسة مافش حد غادي
ماما : يانعليا يابنيتي وين عدت
اجديده : لقاها كنك تعيطي يافرخه
ماما : بنتي راحت يانعليا
اجديده : ياحي علينا ياحشمتنا مع هلها وااك عليا
أحمد : تي اسكتن عنشكلكن بلا اعياط وسكرت معش عرفت وين اندور خلاص غمت عليا وارتبكت مية فكرة وفكرة في راسي خطر عليا أنور رنيت عليه ..ألو
أنور : هلا
أحمد : أنت في الحوش قاعد
أنور : اها كنك شن في
أحمد : اسمع تخلش حد يحس
ماتخلش حد يحس أن انا واطلع برا جايك
أنور : تم هيا طالع نرجاك برا وسكرت
سعد : من هضا
أنور : أحمد
سعد :كنا شن في
أنور : لا شي موضوع شغل أنا طالع برا
سعد : أها .. باهي
أنور : طلعت مشغول صوت أحمد معجبنش قعدت نستنا
~~~~~~~~~
سمآ : طلعت روحت نقنا تعبانة ونعسانة انا في طريق وقبلوني شباب قدام حوشهم شكله عندهم فرح قعدو ينابشوا ما عبرتهمش خطمت جاء واحد وقف قدامي وقالي
الشاب : ياسمح غير عبرني
سمآ : حاولت نطلع من جنبه بس ماخلنش برمت بنرد ندور طريق اخري سمعت صوت
علي : سمآ استني
سمآ : كان صوت حد مآلوف ونادني بأسمي برمت نشوف من لقيته علي ولد عمي ناجي انصدمت
علي : ماتخافيش انا علي ولد عمك ناجي عرفتني
سمآ : فطنت لشاب هضك عدي فرحت بعدها رديت علي عليه ،،شن قالولك عندي الزهايمر اماله هههههههههه
علي : ضحكتني قالتلها لا بس عشان لنا فترة ما شفناش بعضنا
سمآ : ممممم امبآه معلش أنا بنعدي تنشغل ماما عليا
علي : امغير اصبري انادي باتي اكيد خاطره يشوفك
سمآ : اها معاك هنا عمو شن اديرو وكنت ماشيا معاه لحوش الفرح
علي : اها معانا هضا حوش خوالي عندنا عرس خالتي
سمآ : امممم به طبعا عمو ناجي مقاطع اهله عشان قصة زواجه من زوجته مش راضيين عليه بعد خذاها بغصب وحشم ناس يمونوا ع جدي وقنعوا وافق جدي يطلبها له تجوزها وصارن مشاكل طلبوا منه يطلقها بس عمو رفض وهنا قاطعوا طبعا كلهم قاطعوا ف اول الا بابا كان ديما يسألوا علي بعضهم خوته بعد اقناع من بابا قعدو يسألوا عليه بسيف طبعا عشان بابا ديما يعارك فيهم اما جدي راس مسكر مابش وبعد بابا توفه معش سمعنا شي عنه
علي : ياباتي تعال شوف من جبتلك بسرعة خشي يابنت
سمآ : تقولش بنت اسمي سمآ كنك شن تحق فيا
علي : مطول السانك خشي بس
سمآ : تي اطلق يدي بس،، انا تحشمت( علي اكبر مني عمره 24 سنة ولد عمو الوحيد )
ناجي : كنك ياليد تعيط نقص حسك شن في
علي : عرفت من هذي ياباتي
سمآ : عليك سؤال برد نفس وجهك قهرني قالتله ،..خير ياعمو انا سمآ بنت عادل خوك
علي : تي عليش حكيتي ازح
سمآ : تحشم ع وجهك عش تقول ازح
ناجي : سمآ بنت حياة عادل خيي
سمآ : بعد قال بنت حياة عادل حسيت أن جرحي نفتح يانعليا يابابا عبارة هذي واعرة عيوني تعبن ادموع وخنقتني العبرة
علي : حسيتها بتبكي ارتبكت بس كانت ماسكه روحها جيت قالتله اها هيا هيا سمآ الهبله
سمآ : كان خاطري نجري وانسيبهم خلاص اختنقت فجأة عمو حضني في وسط الشارع وقعد يبكي ع طول حسه هنا انا نهرت حسيت بحضن دافي وصادق حسيت بحد يموت في بابا حسيت بأنسان مجروح انحرم من حضور عزاء خوه اقرب انسان له ناجي : يااانعليااا ياريحت خيي يانعليا يا بنت الغالي يابنت سندي بعده ظهري انكسر يانعليا يا خوي فقدتك ياعدول فقدتك ياريحة هلي
سمآ : كان كلامه حار حسيت بيه قال كلام أنا حسيته فتحن فيا جروح كنت نكذب وانقول اسكرن بس لا نفس النار كانت
علي : باتي خلاص اسكت راك تمرض وخلاص رعشت البنت اسكت شوف بنت انهارت فكيتهم ودخلتهم جوا وقعدنا نشربوا فيهم في امياه
ناجي : خلاص يابنيتي اسكتي سامحيني بكيتك بس الله غالب وسامحني قصرت معك
سمآ : لا ولا يهمك انت سامحني قصرت معك مفروض انا سألت عليك وجيتك انت نفس بابا بعدها طلعت زوجة عمو ناجي هناء سلمت عليها وقعدو يحكوا وانا نسيت روحي معاهم
~~~~~~~~~~
أحمد : وصلت عند أنور كانت س 2 قالتلك خير أركب فيسع
أنور : تي كنك فجعتني
أحمد : تي اركب بس
أنور :ركبت واحمد عدي وقعد ساكت حسيت انا مرعوب قالتله احكي شن في
أحمد : سمآ وخبطت يدي ع دومان
أنور : كنها شن صارلها
تي احكي عنشكلك يبستلي عظامي
أحمد : مروحتش من مدرسة وحكيتله قصة ..قلت له وهضا اللي صار
أنور : حي علما تي وين عدت بلكي عند صاحبتها او عدت شو حوش باتك الثاني
أحمد : لا لا شفتها بس معندهش صاحبات ع حد علمي نعدو انبلغوا الشرطة وخلاص
أنور : أسأل عمتي أسماء بلكي تعرف صحباتها عدي شور حوش نشوفوا
أحمد : باه
~~~~~~~~~
ماما : ضاقت بيا خلاص عديت خديت عبايتي ولبستها وكنت طالعة ندور ع بنتي
اجديده : تي وين ماشيا يافرخة تعالي هنا استني خوك
ماما : شن نستنا بس بنتي مش عارفه وين وتقولي استني يا أمي هذي امانة من عادل حي عليا كان صارتلها حاجة وطلعت نجري فتحت الباب وطلعت
~~~~~~~~~~
سمآ : بحث لساعة لقيتها 2ونص حي علما نضت نجري
علي : كنك شن في
ناجي : كنك يابنيتي
سمآ : بنروح حي عليا اكيد امي مشغوله عليا ساعة 2ونص وطلعت نجري بنعدي
علي : أصبري بس توا نوصلك
سمآ : لا لا توا نعدي حوش مش بعيد واجد
علي : تي في عينك توا قايله شوارع فاضية استني سيارة اهيا
ناجي : توا نوصلوك اركبي بس
سمآ :بسرعة بس اكيد ماما وخالو مشغولين ركبنا وقعدت نوصف ف طريق ووصلنا في شارع
~~~~~~~~~~~
أحمد : وصلنا في الحوش وتصادفنا مع اسماء طالعه قلتلها ...وين طالعه تجري
ماما : بنعدي ندور علي بنتي
أنور : ماتخافش ياعمتي توا نلقوها بس هذي روحك
أحمد : خشي انتي بس وتوا نرن ع خوتك وعلي عمامها و انبلغ شرطة
ماما : حي عليا وواااك عليا بنيتي من خطفها شن صارلها
أحمد : بطلي اعياط وخشي جو
أنور : ماتخافش ان شاء الله خير كنت نحكي وشفت سيارة دارست قدام حوش
أحمد : خشي بس توا
أنور : أحمد شوف
أحمد :بحتث شفت سيارة وفجأة ...!!
يتبع ...
