#أنكسراتي_أنا
الحلقة التاسعة
سمآ : هيا ..وخشينا للمطبخ وانفجعنا شفنا أمينة تحكي مع حبيبها أتصال فيديو
سوسن : سكري سكري ياحيوانة طاح سعدك طاح
أمينة : ككككنك بسسس كننتت نحكي مع صاحبتي
سوسن : اس ياكذابه شفته راجل انا طاح سعدك يضحك عليك كيف تحكي معاه فيديو وبدون حجاب يا حماااره كنك غبية
سمآ : تي اس نقصن حسكن عنشكلكن توا يسمعكم شي حد وانتي بطلي ابكاه اطلعن لدار هيا
سوسن : اطلع قدامي نهارك اسود يا احمارة وانتي ناديلي علي اماني
سمآ : باهي ..عديت ناديت اماني وركبنا ونسمعوا هرجتهن في دار خشينا نجرو اس نقصن الحس حي علمكن
سوسن : هذي مش اول مرة الشاطرة المضحكة يضحك عليك
أمينة : لا ميضحكش عليا ما انتي دايره علاقة واخطبك
سوسن : طول فترة معرفتي بيه حتي صورة ماطلبها مني مش اتصال فيديو ياعاهة مش هك الحب وولد الناس مايديرش هك
أمينة : خلاص معش نعاودها
سوسن : اماني عندك علم بجو هضا انتي
أماني : لا والله كان نعرف راهو سودتلها عيشتها وهذي فرصتك استغلي موقف قوليله تعال اخطب
امينة : بس ظروفه ما يسمحن توا
سوسن : مادخنش احسن مانفضح بيك
امينة : باه خلاص
~~~~~~~~~
أسماء : جيتكم احكوا كنكم شن في انا حسيت أن في حاجة من طريقة مروحتنا من غادي شن قصة
أحمد : ياستي اليوم باتي رن عليا يبيني عديتله غادي وقالي نحكي معك وانوصلك كلامه
اسماء : شن في احكي طول
أحمد : الموضوع علي الزواج والعريس اللي جايك
أسماء : عليك قصة وسريب اسود تي باتك هضا كنه خلاص عاد مش سكنان هوا
أحمد : اسمعي بلا اعياط نحنا بنتفاهموا وسمآ مش قاعده وعلي فكرة باتي ميلعبش انا شفته يحكي جد وقال قوللها مانلعبش ومش بجوها خلاص معش تقعدلي هك وانتي عارفه أن غصب عنك يديرها ومن قبل دارها في زواجك الاول
أسماء : لا قبل كان السبب بنقرأ وتوا السبب تغير انا عندي بنت تي انتم شن تحكوا
رمزي : ليش انتي رافضة فكري قبل وباتي عنده حق يا سومه باتي وامي مش دايميلك بعد عمر طويل و نحنا كل حد عنده حياته وسمآ مصيرها فترة وتزوج مش حتقعد حتقعدي بروحك ماحد جنبك ولا معك بالعقل الحكاية انتي شن مخوفك
أحمد : ايو هضا الواقع وهضا تفكير باتي و نحنا فهمتي
اسماء : ياناس افهموني كان تزوجت شن بيصير في بنتي اتبهدل بين الحوشين ساد ماصدقت أن تحسنت وردت كويسه نرد نقلب حياتها
