#أنكسراتي_أنا
الحلقة 85
سوسن : طلعت الصباح أنا أمينة جانا وسيم وأخته عشان ناخذو الفيلو برمنا لعند تعبنا وقرارنا نعدو المحل اللي شرت منه سمآ فيلوها وخشينا المول وعديناله واخترت واحد وطلع حلو خذيته وخذو مقاسي ع اساس يعدلوا ليا والطرحة والتاج معاه ودفعنا عربون وطلعنا عدينا محل احذية شرينا حذاء الفيلو وطلعنا وسيم وقف ياخذنا في عصير ونحن قعدنا نستنوا فجأة واحد قال سوسو برمة وشفت معاذ
ميادة : من هضا
سوسن : فوتيه هيا نعدو
ميادة : الشاب يعرفك وجاي شورنا
سوسن : هضا
معاذ : اخيرا شفتك ياحلوه
سوسن : خطاني وتحشم ع وجهك وامشي ترا من قدامي
معاذ : ماقدارتش ننساك ياعمري
سوسن : عصبني تافه مسكت يد ميادة أمينة وعدينا
ميادة : كنك
سوسن : تافه هضا كان خطيبي وغلطة عمري
ميادة : عليك وقاحة كيف يقولك ياعمري
وسيم : من قالك هك
سوسن : بنغير موضوع نبش نحكي قدام أخته ...هات العصير عطشانة
وسيم : احكي من قالك ياعمري سماعتكن
سوسن : بعدين نحكيلك مش توا
وسيم : عصباتني شاطت فيا نار وتبش تحكي ....من الصايع هضا احكي
سوسن : انفجعت بعد عصب ...هاااي نقص حسك الناس تبحث
وسيم : خلي أمهم يبحثوا من هضا
ميادة : وسيم اسكت الموضوع مش مستحق تعصيب فهمت غلط واسلوبك غلط بطل اهبال
وسيم : سكري فمك انتي مادة وجهك وصايع يعاكس فيها عاجبكن جو
سوسن : نقنا زودها ....هضا معاذ خطيبي السابق فهمت وأنا بنت ناس وعيب عبارتك عاجبكن الجوو ...وخذيت أمينة وطلعنا برا ورنيت علي أنس ...الو
أنس : نعم
سوسن : أنت وين
أنس : كنك مروح
سوسن : تعال روح بيا أنا في مول ال.... وبنروح
أنس : كنك صوتك في حاجة
سوسن : تعال بس
انس : انا في طريق قريب هيا هي
سوسن : تم ،،،طوووط....حطيت نقال قعدت نستنا
~~~~~~~~~~~
وسيم : بعد قالت خطيبي الاول حسيت بسطل امياه ساخنة نكب عليا
ميادة : شفت يا غبي أهبالك زعلت بنت عيب يا وسيم احرجتها
وسيم : اووووف احمار
