#أنكسراتي_أنا
الحلقة الخمسون
سمآ : فطرنا بسرعة وطلعنا وعدينا شور المستشفي وحجزلي أنور وخشينا أنا كنت ساكته بس نسمع أنور فهمه أن زوجي وعطه العقد الزواج وقاله نبي موضوع بينا حتي أحمد مايعلمش سألني نفس شي رأيك قلتله أها فجأة رن نقال أنور
أنور : اسف حنطلع نرد برا
جمال : تفضل
سمآ : طلع أنور قعدت مع دكتور بروحنا
جمال : طلع أنور وقعدت بروحها معايا حسيتها ارتبكت ....ماتخافيش مانأكلش في الناس
سمآ : هههههه لا مش خايفة بس متوثرة
جمال : باهي نحكوا شوية علي ماجاء زوجك
سمآ : أنور أسمه
جمال : هههه عارف باهي أنتي فرحانة بزواج هضا
سمآ : اها
جمال : تحبيه
سمآ : أكيد ..دق الباب
جمال : تفضل
أنور : جيت
جمال : انست هههه حط نقالك صامت
أنور : كنت مطر انرد عشان احمد اللي اتصل
سمآ : كنه
أنور : شاف سيارتنا انشغل قال في حاجة قلتله بس استشارة عادية
جمال : اوكي نردو لحوارنا
سمآ : باهي
أنور : قعدت نسمع فيهم
جمال : أنور يحبك
سمآ : أها
جمال : ليش بعد سألتك اتحبيه قلتي أكيد وبعد سألتك يحبك قلتي أها
سمآ : عادي نحس في الجواب
جمال : باهي نغير صيغة سؤالي انتي متأكده من حب أنور لكي
أنور : حسيتها ارتبكت
سمآ : لا ، متأكدة لو بنموت يفديني بروحه لو حد فكر يأذيني أنور مستحيل يخليه يديرها هضا مش حب
جمال : ها شن هضا
سمآ : عشق
جمال : تمام ، احكيلي علي يونس
سمآ : شن نحكي
جمال : عليه
سمآ : من يومه منتريحش له رغم أن ولد عمي بس نشوف في نظراته تخوف نتجنب فيه ومنجيش شوره بكل اول مرة نحتك بيه كان بعد جيت لحوش بابا كنت فوق سطاح بروحي وحطيت سماعات نسمع في قرأن فجأة لقيته جنبي صبيت قعدت نهزب فيه ارتعبت منه
جمال : عليش ارتعبتي منه
سمآ : عشان كان يحكي باسلوب غريب
جمال : شن قالك وشن صار
سمآ : هضك اليوم كان زواج ماما كنت مضايقه وبكيت اضايقت من الحوش نحس في روحي متوثرة درت نسكافي وخديت نقالي وركبت فوق كانت ريح وجو هادي حطيت السماعات وقعدت نسمع في قرآن غمضت عيوني فجأة حسيت بحد جنبي نطيت فتحت اعيوني لقيته يونس .... بسم الله أنت شن ادير هنا
