#أنكسراتي_أنا
الحلقة الواحدة والخمسون
أنور : صبيت برمت جيت قدامها وخشيت
سمآ : بشواش يا هبل خبطتني في كراعي
أنور : هوبا ...وحضنتها هك كويس
سمآ : أها بككل
أنور : أسف حبيبتي عشان عصبت وخشي اللي تحبيه وأنا بروحي نشيلك نسجلك في أقتصاد
سمآ : راضي
أنور : أكيد حبيبتي
سمآ : حضنته وقعدنا نحكوا ورقدنا بس نضنا علي صوت نقال أنور يرن ...حبيبي نقالك
أنور : معلش هيا جاي لحظة بس ...طووط
سمآ : من
أنور : زبون نسيته بكل صبي حبي ديريلي قهوة بسرعة عشان ندوش ونبدل ونطلع
سمآ : هيا عطيني بوسه قبل
أنور : ههههه شن خطرلك
سمآ : ههههههه حلمت بيها
أنور : ااممووآآه ..بوستها ع خذها
سمآ :اااممموووآآه
أنور : عيب ياسخيفه علي فمي بوسه
سمآ : حلالي ياشاطر
أنور : صبي صبي عندي موعد وقت
سمآ : هههه عديت شور المطبخ ودرت قهوة وصبيتها في فنجان قهوة وحطيتله مقروض وحطيتها علي طاوله خشيت لقيته يبخ في عطره
أنور : دوشت لبست سروال أسود وسورية كحلية ودرت شعري جل وبخيت عطر خشت سمآ
سمآ : لا لا غير لبستك هك فش اطلوع
أنور : ههههه ليش
سمآ : نغار طالع طرف
أنور : هههه طرف شن بكلاوة او شن
سمآ : هههه مقروض نحبه أنا
أنور : تي ياهبله في قلبي أنتي بس ياحبي
سمآ : نجك ليا هيا عدي خود قهوة في مطبخ أنا بنخش حمام
أنور : هيا نشربها وطالع طول
سمآ : حبيبي أنا بننزل تحت باهي
أنور : باهي بس فكينا من عرايك
سمآ : كنك تقولي هك تقول أنا ندير في عرايك
أنور : مش قصدي بس مانبش مشاكل
سمآ : اوكي انا بنخش ندوش
~~~~~~~~~
ماما : نضت الصباح تعبانة بكل صداع راسي بدلت ادبشي وقعدت نبدل للعيال ونزلتهم تحت ركبت خذيت دواء ورقدت نضت علي صوت سامي
سامي : روحت شفت العيال تحت سألتهم شن يديرو قالوا من صباح تحت وسومة تعبانة ركبتهم معايا وخشيت لقيتها في دار راقده.....سومه سومه
