#أنكسراتي_أنا
الحلقة 81
سمآ : طلعنا كان أنور برا مابحتش فيه بكل وطلعنا شور اجدودي وخشيت خدتني اعميمه حطتني رقدت في دارها ماحبيتش نحكي شي معاهم نسمع في عميمه تعارك في أنور هيا وجدي وعمي ناجي ورقدت لعند ثاني يوم نضت خشيت الحمام وصليت ورقدت في فراشي مش مصدقة شن صار قعدت 3 ايام علي نفس روتين خوالي غاطسين مع سوسن وأنور قالوا في الحوش وخالوا يرن يسأل عليا بس ماحكيتش شي بس تعب قلت ودكتور قالي الزمي سرير و بعد 3 ايام نسمع في هرجتهم برا في جنان صبيت طلعت من دار وقعمزت معاههم غيرت جو وخشيت فجأة وانا بنخش صبيت فم باب وانشوف يونس قعدت نرعش ونبكي
علي : جيتها نجري.. كنك بسم الله شن في مفنصه ومفجوعه ... بحتث شفت يونس ....سمآ كنك شن في
سناء : طلعت من مطبخ شفتها مقعمزه وساندها علي وترعش وتبكي ...كنك سمآ
علي : كان جوها كويس فتح باب بحتث بعدها هك قعدت
سناء : من فتح ألباب
علي : ولد عمي
سناء : أنور قلناله متجيش هنا
علي : لالا يونس
سمآ : نبي أنوور
سناء : كنك بسم الله
سمآ : انهرت ابكاء
علي : خلاص اهدي أنا نروح بيك صبي
سناء : استنا نجيب عبايتها ودبشها ...جبت لبستها وعلي طلع دبشها وجااء
سمآ : من في برا
علي : مافي حد
سناء : من شن خايفه
سمآ : نبي أنوور أنا
سناء : شيلها لأنور
علي : هيا طلعتها وركبنا وعدينا شور الحوش نزلتها ودقيت علي الباب
~~~~~~~~~~~
أنور : من أول ماعدت وصارت قصة قعدت في حوش ليا 3 ايام في حوش نطلع بس صباح شور مكتب وانروح ونقني رأيفت عليها وعلي صوتها وبصارتها ودلعها وحسها في الحوش كرهت روحي كيف درت هك فيها كنت مقعمز نتفرج علي صور عرسنا رن جرس الحوش حطيت صور فوق السرير ونزلت نفتح .......من
علي : أنا علي ولد ناجي
أنور : فتحت اهلا عليوه شن جوك
علي : تمام جبت سمآ تبيك
أنور : كنها
علي : فجأة قعدت ترعش وتبكي تقول نبي أنور
أنور : جيتها فتحت الباب واضح ترعش وخانقتها العبرة ....سمسم كنك شن فيه
سمآ : بنخش
أنور : هيا صبي
سمآ : مسكني ودخلني
