#أنكسراتي_أنا
الحلقة العاشرة
سمآ : تي عارفتك انا وفجأة نسمعوا اعياط اجديده طلعنا نجرو والقيناها طالعه من الدار تعيط
ماما : كنك بسم الله شن في
اجديده : طاح سعدها رعشتني يانعليا يا باتي زقبت عليا وانا راقدة
سمآ : تي من احكي وبطلي اعياط يأاجديده
ماما : خشي شوفي شن في جوا ياسمآ
سمآ : لا ياحنة خشي انتي امك ماقلتش مش غوله
ماما : طاح سعدك نهدي في جدتك عشان مايرتفع السكر عليها من فجعة
اجديده : يااانعليا ياباتي يانعليا رعشتني عطها موت رعش عظامها
سمآ : خشيت الدار وشفتها علي السرير قعدت نضحك وحق ربي ضحك بعلوا صوتي هههه هههههههههههههههههه
ماما : يافرخه كنك طاح سعدك اطلعي يابنت شن صارلك
سمآ : طلعت وفي يدي الهانم اللي رعشت اجديده ورعشتنا ههههههه ياماما شوفي شن طلعت
ماما : ههههههه قصدك قطوسه هذي حي عليك يا أمي تعيطي وتخافي ورعشتينا عشان قطوسه
اجديده : حيديها غادي يافرخه جلدي يرعش منها انتن باردات عزقيها برا وسكري روشن داري
ماما : هههههههه هذي تخاف مش تخوف
سمآ : خلاص يا اجديده بعد تعصبيني نجيبلك قطوسه هههههههه
~~~~~~~~~
أحمد : طلعت شور صاحبي خديت منه اوراق وعديت شور المكتب لقيت انور يجمع في اوراق بيسكر ...خير يامعلم
أنور : خيرات ياطيري شنجوك
أحمد : تمام قلت نشوفك وجبت اورق معايا هنا حصلتهن
أنور : تمام بكل هاتهن بكرا انجي صباح نعدو للراجل
أحمد : بأذن الله
أنور : شن صار في موضوع اسماء
أحمد : ياسيدي القصة .... هضا اللي صار أنور : يستر الله عنده حق باتك يفكر هك
أحمد : عارف انا مش خايف وانفكر في اسماء بس سمآ شاغلتني
أنور : اسمع انت احكيلها تسمع منك احسن وتعرف كيف تجيبها لها
احمد :بكرا بلكي نحكيلها يستر الله خلاص سكر وخلينا نطلعوا وشوف نقالك يرن من مبكري
أنور : عليك سكنان بنت هذي وقحة
أحمد : صدقني اكيد بنت تعرفك انت ماشيها وحطيح
أنور : انا حسيت صوتها نعرفه بس مضبط من فوتها هيا اطلع
~~~~~~~~~
سمآ : طلعنا القطوسه وخليت ماما مع اجديده وخشيت لدار لقيت نقالي يرن رقم غريب حطيته في الشحن وخشيت وتيت دبش المدرسة وحطيت جدولي وشفت اكتاباتي ماعندش شي خشيت سريري نستنا في ماما طولت فكيت نقال وحطيته جنبي ورحت في سابع نومه نضت ع صوت ماما
ماما : سمآ سمآ نوضي هيا وقت
سمآ : ساعة كم توا
ماما : 7 الا خمسة فيسع تاخرتي
سمآ : تي وقت نضت نجري خشيت لحمام حشاكم وطلعت صليت وبدلت وخديت شنطتي وبحث نقالي لقيت رقم يرن عديت فتحت الو الو الو ماحد رد سكرت وطفيت نقال وطلعت ...صباح الخير
أحمد : صباحو ياسمح
اجديده : صباح النور
ماما : افطري وقت عليك
سمآ : كيف حالك يااجديده من فجعة الغوله ههههههه
أحمد : غولة شن أعوذ بالله
اجديده : والله ماتحشمي يافرخة هضا الدلع خربتها شوفها
سمآ : ههههههنههه راهو نجيبها جنبك ياحبي
اجديده : تحشمي يا كلبه اطلعي يا...
سمآ : طالعه ههههه جاتك يا اجديده
أحمد : تي كنكم فهموني
اجديده : امشوا خزي قلة تربية غير يجي جدك بس
احمد : ضحكيني معك يافرخه
ماما : ههههه تي عدو توا يرتفع سكرهأ اطلعوا
سمآ : هههههه اطلع ياخالو نحكيلك برا وطلعنا وانا كل ما نذكر موقف اجديده نضحك
احمد : تي احكي نعنجد وجك بلا سهوكه
سمآ : القصة بديت نحكي ووقف انور قدام الحوش طلعنا ونحنا نضحكوا هههه
ااحمد : نعنجد فاتني الجو هههه
أنور : صباح الخير ضحكونا علي الصبح
سمآ : هههه صباح الورد
أحمد : صباح الضحك ههههه
أنور : دوم هيا اركب وقت بعدها احكيلي سبب ضحك
أحمد : هيا هههه صار غوله
سمآ : ههههه خطرها شيلوني للمدرسة معكم وقت عليا
أنور : أركبي فيسع بس
سمآ : نجكم ليا والله وقت
أحمد : ههههههه احكيله علي الغوله
سمآ : امس بعد روحنا ..حكيتها وقعدنا نضحكوا
أنور : ههههههههه خطيره قطوسه
احمد : عليا طلاق تمنيت روحي قاعد نشوف امي في لقطة ههههه
سمآ : ههههه والله نفجعت فجعة .. في نص حديثي جث عيني علي آمرآية و جت عيني في عين انور يبحث ارتبكت وهو نفس جو ليش مش عارفه وسكتت وبعدها نزلت علي مدرسة خشيت
أنور : كانت تضحك وجوها سمح لفتني شكلها مبسوطه فجأة جت عيني في عينها ارتبكت من لقطة وقعدت ساكته لعند وصلناها نزلت خشت وانا مش عارفه شن اللي صاير معايا سرحت و فجأة نطيت علي صوت احمد يعيطلي
احمد : انوووووور ...!
يتبع ...
