#أنكسراتي_أنا
الحلقة الخامسة والعشرون
سمآ : بدينا نديرو في فطور فجأة الباب قعد يدق بقوة ... بسم الله شن في
أحمد : ياساتر من
سمآ : استنا توا نفتح ... طلعت نفتح لقيته جدي محمد ... كنك شن في ادق هك
جدي : كيف ادخلي راجل براني للحوش
سمآ : اي راجل براني شن تحكي أنت خالوا احمد عندي
جدي : وكان من المفروض استأذن قبل الحوش من اوتيل
سمآ : هو جاي عندي شن دخلكم
أحمد : سمعتها تهارج طلعت ..؛ خير ياعمي محمد ان شاء الله خير
جدي : اي خير معقوله تخش للحوش بدون ماتستاذن مش اوتيل حوشي
أحمد : عندك حق مش اوتيل وانا انسان متربي ومنديرش العيب انخش في حوش هك بدون استأذن .. بس سمآ قطعتني
سما : مش جايك في حوشك جي لحوشنا انت مدخلك بيه
أحمد : سكري فمك انتي وخشي جوا كيف تحكي هك مع جدك قليلة الادب
سمآ : بس
أحمد : نتيت فيها .. خششي جوا قلت انا
سمآ : خشيت قعدت نبكي ليش ديما يكسرو في فرحتي عديت رنيت علي انور .... الو ياأنور
~~~~~~~~~
أنور : سكرت قعدت ندير في شغلي بعد نص ساعة بنطلع رن نقالي سمآ .... الو كنك تبكي ....
سمآ : تعال جدي يلز في خالو أحمد من الحوش
أنور : تي شن تقولي عليش شن صار
سمآ : قاله ليش ماتستأذن تعال يأنور بسرعة
أنور : بطلي بكاء بس و انا طالع جايكم سكري
سمآ : بسرعة بس
أنور : باهي سكري ... سكرت ورنيت علي محمد ... الو وينك
محمد : قاعد في الشارع عند سامي
أنور : عدي شور الحوش تي ازح جدك يلز في خال سمآ وصوت هرجة وتبكي اركب سكته واحمد استأذن مني قبل مايجي قول الجدك هك وانا جاي في طريق
محمد : حي علي ام الفضايح انا ماشي
أنور : بسرعة وانا جاي في طريق توا
~~~~~~~~
أحمد : أنا جيت الصبح جبت سمآ وورنيت علي أنور استأذنت منه قبل مانجي حتي قدام الحوش وهو قالي تفضل خش وانا بعد جيت ركبت طول ومطلعتش لعند توا أنت جايت
جدي : هذي اخر مرة ومرة ثانية استأذن مني أنا بروحي صاحب الحوش
أحمد : كبرت عقلي الراجل كبر باتي وله احترامه ... عندك حق حاضر
