#أنكسراتي_أنا
الحلقة الواحد والعشرون
سمآ : ونحنا نبرموا في شباب سكنوا ينابشوا ضايقونا بكل
الشاب : خوديها
سما : لو سمحت حول من قدامي
الشاب : ياسموحه خوديها قلتلك
عمتي : عيب تحشم علي وجهك معندكش خوات
الشاب : قوليلها تاخذها نفوتها
سمآ : عدي امشي نقص عليا ناخد من شلتوت نفسك
الشاب : صار شلتوت صار
سمآ : قرب مني ونتل الاكياس من يدي طاحن واطرطش دبش وفجأة نسمع صوت انور من بعيد
أنور : أنت قدها الحركة هذي
الشاب : قدها ونص وعارف قد شن اخري
سمآ : قرب مني قعدت نوخر حسيت بقلب يدق بسرعة و تجي عمتي ادفه وأنور يشده ويضربه بوني ويقعدو ايتعاركوا مع بعضهم ناس تحز وعمتي تسحب في انور ولبني تعيط وأنا معش حسيت بشي طحت من طولي
لبني : وواااك ياعمتي سمآ طاحت
عمتي : جيت نجري ...سمآ ياسمآ افتحي اعيونك ياانور تعال شوفها
أنور : كنها سمآ كنك افتحي اعيون والله نقتله توا يشوف سمآ
صاحب محل : ياخوية دخلها جوا احسن
أنور : صحيت رفعتها ودخلتها جوا محل مقابل تكييف وخذيت من الشاب امياه قعدنا نبخوا فيها سمآاا افتحي عيونك
عمتي : الحمدلله بدت تفتح فيهن ياعميمه بحثي فيا خلاص انتهت مشكله
سمآ : فتحت اعيوني شن صار اه اي يدي
أنور : كنك يدك كنها طحتي عليها
سمآ : هيا نروحوا خلاص
أنور : توا نروحوا بس نشوف يدك شن صارلك
سمأ : مفهش شي
لبني : بعد طاحت جت تحتها
سمآ : ياعميمه بنروح قوليله
أنور : توا نروحوا عليش تبكي العركه انتهت ماتخفش
عمتي : هيا صبي بس نساعدوك
سمآ : صبيت وطلعنا
أنور : صحيت ياخونا معلش تعبتك معانا
صاحب المحل : ولا يهمك هضا الواجب
سمآ : طلعنا وركبنا في سيارة وفي طريق قعدنا ساكتين لعند انور قال
أنور : يدك اكويسه او نعدو المستشفي
سمآ : رديت ومنزله راسي ...مافهش شي كويسه ..روحنا نزلنا
عمتي : سمسم تعالي تغذي عندنا
سمآ : نحط الدبش ونبدل ادبشي بس
عمتي : خلاص نستنا فيك
سمآ : ركبنا انا ولبني في دروج
