#أنكسراتي_أنا
الحلقة 80
سمآ : وأيام هذي سوسن تطلع تشري في دبشها ونجهزو في فرحها وقرارنا نعدي لجدودي اليوم حطني أنور وعدا مع جدي محمد كنت أنا وحمادي وعميمه في جنان فجأة خش علينا .....اوو عمي ناجي عديت نجري حضنته
أنور : منظرها يضحك وهيا تجري
جدي : بشواش ياهبله
ناجي : سمسم بنت الغالي كيف حالك ياعمو
سمآ : بشوفتك ودخلتك علينا بخير انت كيف صحتك وشن معدتك توا
ناجي : الحمدلله
جدي : عندك خبر كله عاد
سمآ : هههه مش حبيب بابا الغالي ديما بابتي يوصي فيا عليه من يوم شفته بصدفه نسأل عنه بس نقولش لحد بابا وصاني حتي ماما مانقوللهش
جدي : هابا عليك أنتي
سمآ : علاوي يامطرشق كيف حالك
علي : تمام يابطريق ههههههه
أنور : هههههه نقنك جبتها ياعليوه
سمآ : باااردين جدي قوللهم يقولولي بطريق
جدي : يالله انت وياها سمإ مش بطريق كتكوت صغير واكل واجد بس
كلهم : ههههههههه
سمآ : يابااااارد فطنت لروحي
جدي : هههههه دفيني
سمآ : ههههه نجك ليا اسفه ...جيت بوسته علي راسه
جدي : هيا خشوا
سمإ : عميمه هنااء وين
ناجي : بعدين تجي
سناء : خير ياخيي كيف حالك أنستنا ونورت الحوش
ناجي : هلا بنور عيوني أختي الغالية كيف حالك
سناء : ألحمد لله عليوه كيف حالك
علي : الحمدلله يا عمتي وأنتي
سناء : في خيرونعمة
جدي : خش هيا اقعد جوا عندنا وبكرا تركبوا شقتكم كان أنور فيها
ناجي : بأذن الله
أنور : سمآ هيا كان بتطلعي شور خوالك
سمآ : هيا هي......؛كنت طالعه حمادي كلمني
محمد : سمسم
سمآ : نعم
محمد : بنسألك
سمآ : شن
محمد : في عزاء جدتي بعد دختي في بنت طلعت تبكي وكلمت انس وامجد من هذي
سمآ : بنت خالتي أمينة ليش
محمد : بصراحة عجبتني
سمآ : هههه قصدك كبدت
محمد : هههه باهي كيف يصير
سمآ : أسمع أنا ماشيا غادي توا نسألها ونقولك
