#أنكسراتي_أنا
الحلقة الثانية عشر
عدينا شور رمزي ونحنا في طريق شفت أنور
أنور : يا هبله شن اديري هنا كيف بروحك سمآ : خير ياهمي ههههههه لا مش بروحي انت أعماء معايا بنت خالي تشوفش قصدك
أنور : تي نشوف بس قصدي خالك وين زلطتني انحرجت من بنت خالها وبنت انحرجت هبله هذي
سمآ : اها معانا خالو رمزي قاعد غادي بس جينا هنا ناخدو عصير عطشنا
أنور : اها تمام
سمآ : انت مع اهلك جاي او شن
أنور : لا مع اصحابي هيا شن عصير تبي انت وياها
سمآ : نبي برتقال انا وبنات مانجا وخالوا برتقال توا انا ناخده
انور : قولي طلبك بس ووخري
سمآ : باهي كنك
انور : اوقفن غادي
سمآ : باهي ..عدينا بعيد عن زحمة
امينة : تي طاح سعدك من هضا طرف
سمآ : تي ولد عمي هضا ياهبله كنك استكيتي
امينة : اها نحسابه حبيبك
سمآ : حبك برص بنصبي نقطف معه هك بلا خوف هبله أنتي
~~~~~~~~
جدي : اسمعي يابنتي انا دازيتلك وعندك خبر جيت بنقولك بكرا العرب جايين وخلاص موضوع تم وانا عطيتهم كلمة
ماما : بس ياباتي بنتي شن نديرلها كيف نقوللها خايفه تتعب
جدي : بنتك تقعد مع امك او تقعد عند جدودها بعدين حتي بنتك مصيرها يجيها نصيب وخلاص سكري علي الموضوع وربي يتمم علي خير
ماما : حاضر
اجديده : ان شاء الله خير وربي يكمل علي خير
جدي : انا طالع وبكرا يجوا العرب وتنقص حاجة قولوا لأحمد يجيبه توا بسلامة
اجديده : في امان الله ... باتك عدي كنك قالبه وجهك
ماما : خربتوا معيشتي وتريحتوا ان شاء الله ربي ياخذني هاليله قبل بكرا
اجديده : يابنيتي نحنا نبوا مصلحتك عليك اللبكاء والزعل بس
ماما :
اجديده ربي يهديك
~~~~~~~~
أحمد : كنت جاي في طريق رنت منال علي ...الو ها ياشينة
منال : خير يااحميده
احمد : كنك تبكي شن في
منال :
أحمد : تي كنك في حد مات او منال : لا ماحد مات بس متعاركه مع ماما
أحمد : عطك غمامة فجعتيني ازح
منال : بعيد السوو عليا
احمد : عليش متعاركات شن في
منال : تبني نعدي لعيت خالتي وانت قلت لا قعدت تهزب
أحمد : خلاص عدي والنبي مانقصني هم انا
منال : توا انا هم شكرا بارك الله فيك وسكرت
احمد : سكرت الفرخة دازيتلها رسالة تي وحق ربي ع تسكيرتك هذي توا تشوفي وكان مازلت ورقمي حذفي من عندك معد حنرد عليك باهي ووصلت الرسالة وقعدت ترن وانا فايتها دارته صامت وروحت
~~~~~~~
امينة : رمزي يرن ..الو ها خالو
رمزي : تي وينكن
امينة : هيا ناخدو في عصير
رمزي : اها باهي طولنش
امينة : حاضر وسكرت
سمآ : هيا اهوو انور جاء نعدو ناخذو عصير شكرآ تعبناك معانا بكم
أنور : عفوآ وخودي بلا طروح ردي فلوسك سمآ: تي كنك تفنص عنك مابيت بعدك ديما حنطلع للسوق بلاش كله
أنور : ههههههه هيا قدامي نوصلكن لخالك
سمآ: نعرفوا الطريق عدي لصحابك خطرها وين هما
أنور : عليك حناطة قدامي وانتي ساكته
سمآ : باهي .. وعدينا وكان معانا انور وصلنا لخالوا
رمزي : اوو انور شن جوك وكيف العيلة
أنور : بخير الحمدلله كيف حال اهل كلهم
رمزي : بخير الحمدلله
أنور : هيا نستأذن وصلت بنات وبنعدي اصحابي سلام توا
رمزي : صحيت سلام
سمآ : سلملي ع اهلك
أنور : يوصل تبي شي توا
سمآ : لا سلامتك شكرآ ع العصير
انور : ادللي بسلامه
سمآ : باي
~~~~~~~~~
ماما : رنيت علي امال اختي الو اموله
امال : خير يا اسومه كنك ان شاء الله خير
ماما : والله ضاقت الدنيا بيا مالقيت حد نشكيله
أمال : كنك أن شاء الله خير
ماما : قصة ولد خالتك اللي جاي يخطب من باتك
امال : ياخيتي عارفتها وعرة بس انتي عارفه باتك كيف ما اجبرك قبل وجبرني انا حيديرها توا وكان رفضتي يتبرآ منك
ماما :وسمآ بنتي ياناس مش حتحمل كنكم
امال : ربي يفرجها ياخيتي صلي وادعي ربي يسهل الخبر عليها وتقبله يارب
ماما : يارب فرجها عليا وعلي بنتي.. خلاص ياخيتي سامحيني ضايقتك
امال : عيب انتي خيتي وفي وقت رني
ماما : بسلامة توا
امال : بسلامة
~~~~~~~~
رمزي : خلاص كملتن حاجاتكن بنروحوا
سوسن : اها خلاص هيا
سمآ :نحنا طالعين شفت انور مع 4شباب كان مقابلني قعدت نشيرله بيدي انابش في هو داير الحوله خطمنا من جنبهم قعدت ندير في حركات هبله قعد يضحك بروحه وطلعنا روحنا وصلت قدام الحوش عطيت لخالوا رمزي هذيته .. خالو هاك هذي
رمزي : شن هذي قعد يقربج او عطر وساعة عليك جو شن مناسبه
سمآ : عشان تعبناك معانه
رمزي : هذي منك ع تعبك كلا وجوه البومه هذينا حرام مذكراني بحاجة
سمآ : هههههههه باه خلاص سلام توا
رمزي : تعالي هنا شن جبتي لأحمد قبل
سمآ : نفسك عطر وساعة بس اختلاف النوع العطر ولون الساعة
رمزي : نجيها ليا العادلة اهو الهبل جاء
أحمد : اهلين هذي المرواحة
رمزي : اها خلاص سلام توا بنعدي نوصل بنات
أحمد : اوكي سلام
سمآ : خير ياحلوو
أحمد : اهلا شن جوك غيرتي جو
سمآ :كنك مش عاجبني
أحمد : شي
سمآ : متعارك مع منال
أحمد : تي كيف عرفتي
سمآ : من مبكري ساكنة ترن بس انا فتها خليها تستاهل تزعل خالوا
أحمد : ههههههه شاطرة خطرها شوي اخري وتي ادبشك بنشيلك لجدودك رايفوا عليك
سمآ : قصدك نبات فوت نبش جو شين غادي كنت نحكي مع طلعت جدو من الحوش لقنا في جنان
جدو : كنكم قعدين هنا
أحمد : شي كيف روحنا وكنت نقول لسمسم بنشيلها لجدودها لها فترة معدتلهم زعلانين
سمآ : نعدي وانروح نبش نبات غادي
جدو : عدي واقعدي عند اجدودك لهم حق عليك وبعدين بلا دلع زايد مصيرك بتقعدي غادي عندهم مش ديما عندنا
سمآ : كان يحكي بنفترة وهزيبه وجعتني منه ..هيا انوتي دبشي بس وخشيت
أحمد : كنك بشواش ع البنت مش هك الحكي
جدو : انتم دلعتوها واسمع بكرا بيجوا العرب يخطبوا تصرف خبرها او اعزقها غادي لعند يتم الموضوع انا ماشي
أحمد : عليك قصة
~~~~~~~~
أنور : كنت مع الشباب رن نقال البنت الساكنة
صاحبي : من يرن رد
أنور : واحدة ساكنة من كم يوم معرفتهش
صاحبه : هات الرقم نجيبلك من
انور : اطلعه بس فكنا من اطروح ترن عليها وهك
صاحبه : عيب ياراجل والله نجيب من بس
انور : تم هك ........092
صاحبه : تم خلاص
~~~~~~~~
سمآ : خشيت لقيت وجه اجديده مقلوب وماما نفس جو خشيت طول لداري قعدت نجمع في دبشي في الشنطة
ماما : كنك تحطي في دبشك في شنطة
سمآ : بنعدي لعيت جدي نبات غادي
ماما : شن خطرلك توا
سمآ : هما شكوا لخالوا قاللهم نجيبها تقعد عندكم كم يوم وباتك توا شطح فيا قالي عدي ساد لصقه عندنا
ماما : غير متعارك مع جدتك فش الغل فيك بس
سمآ : لميت ادبشي وطلعت هيا نعدو
أحمد : هيا
سمآ : طلعت بدون مانبحث في ماما اصلا كنت بنبكي حتي خالوا مابحثش في وطلعنا برا وشفنا ...؛؛
يتبع ...
