#أنكسراتي_أنا
الحلقة 88
سمآ : طلعت سلوي وأنا رحت في سابع نومه لعند نضت علي اسوو سكنت اعياط قعدت نرضع فيها بعد شبعت قرعتها ورقدتها ورقدت نضنا ثاني يوم سوسن عدت مع أماني الكوفير وقعدنا نجهزو في عشاء وحاجات القاعة وجت ياسمين بدت في صبايا الحوش
سلوي : سمآ تعدي كوفير معايا
سمآ : شكرا نبش نعدي ياسمين قاعدة
سلوي : باهي سلام
سمآ : سلام ....ياسمين أنا جوا بعد تكملي ناديني
ياسمين : حاضر
سمآ : قعدت في دار نستنا لعند ساعة 5
ايلين : شن رأيك
سمآ : ماشاء الله تهبلي طالعة
ايلين : نجك ليا عدي انتي وانا نقعد جنب اعيال
سمآ : نجك شكرا عديت وبدت في شعري
أمينة : حي امتي صبغتي
سمآ : امس
ياسمين : طالع اللون يجنن عليك
سمآ : شكرا دارتلي شعري استشوار ودارتلي مكياج بسيط وحلوا ....صحيتي خشيت نغير لعيالي فجأة سمعت نقال يرن جيت لقيته حمادي ......الو حمادي
محمد : اهلا ياصقع
سمآ : شن جوك
محمد : تمام سمسم نرن ع امينة ماتردش وينها نشغلت
سمآ : قاعد ادير في شعرها توا نقوللها
محمد : تمام صحيتي
سمآ : ولا يهمك سلام ،،،طووط ....طلعت لأمينة قلتلها وجيت قعدت نغير لعيالي وجهزت دبشهم في شنطتهم ولبست فستان أحمر فاتح من عند الصدر مسكر وكم ومن عند الظهر نازل طرف من عند الكتوف لعن اخر الظهر وظهري عريان وومن عند كتوف في فصات لؤلؤ مطرطشه ومخصر وقصير لعند الركبه ولبست حذاء فضي كعب وبخيت عطري ولبست عبايتي ووشاحي وحطيت الخمار ورفعته لفيت العيال حطيتهم في سرايرهم وطلعت .....شن من قاعد مازال
أمينة : انا واماني وايلين وياسمين نرجوا في أنس
سمآ : باقي عدو
أمينة : أها
سمآ : اها ماما عدت مع من
امينة : أمجد عشان عمي سامي شايل أهله
سمآ : اها عليك قصة وأنا
أمينة : رني علي أنور
سمآ : نبش خشيت جوا دار رن نقالي لبني .... نعم
لبني : وينك ماجيتش أهلي جوا يسألوا عليك
سمآ : نرجه في بنات توا نجي
لبني : باهي
سمآ : سلام ،،،طوووط .....تي شن ندير توا اووووف
أنس : يابنات هيا
