عبد الله: مقابل.....خداه بعيد ع السيارة شويا. ولؤي يتابع فيهم بعيونه بفضول.....مقابل تكون السواق الخاص لبنتي لجين....
علاء انصدم: نعم؟!
عبد الله: اي زي ماسمعت...بنتي اصغيرة وماتعرف شي ومحتاج شاب يكون قد المسؤولية ونقدر نعتمد عليه...
شاف علاء جيهة السيارة....وخطف نظرة سريعة للجين وتوقع إنه يتكلم عليها...
لجين شافتله بإستحقار ولفت وجها للجيهة الثانية
علاء في خاطره: استغفر الله ...هاذي شكلها كل شي عندها عادي مكياج والشعر عريان ولبس استغفر الله..
عبد الله: ها شن قلت؟!
علاء: معليش سامحني بس مانقدرش نشتغل عندك...وتبي الحق اني مرتاح في شغلي
عبد الله: باه لو زدتهم ل 900 في الشهر 😉
علاء ابتسم؛ الحكاية مش حكاية فلوس...أني أسف
عبد الله زاد تمسكه بعلاء: انت فكر بشويا عليك وما تتسرعش في الرد.. ومدله ورقة..هاذا عنوان الشركة متاعي اهني وكان غيرت رايك تعالا في أي وقت
علاء خدي منه الورقة: مع أن رأي مش حيتغير..لكن مش مشكلة
ركب عبد الله في السيارة....وخش علاء للمطعم
هيثم: تي وين مشيت يدورو فيك...؟!
علاء: خلي نكمل تنظيف ونحكيلك شن صار معايا
بعد ماكمل...قعمز وحكي لهيثم القصة كلها....
هيثم: تعرف انك غبي 😕 في حد يضيع فرصة زي هاذي
علاء : فكني منه....شن عرفني شن قصته...وبعدين بنته باين عليها استغفر الله وخلاص...منظرها متاع وحدة قايمة إيدها من ربي ...
هيثم: ومن امتي نحكمو ع الناس من مظاهرهم مرات البنت في داخلها كويسة...
علاء: بس اللبس والمظهر مراية الانسان انت بتحكم عليه علي أساسهم في البداية كيف بتعرف داخله؟! لكن لما تتعرف عليه ممكن نظرتك ليه تتغير وممكن لا
هيثم: خلاص بالك البنت كويسة لما تتعرف عليها 😕
علاء: لانتعرف عليها لا تتعرف عليا...انت عارف رأي في البنات الي زيها مانطيقهمش...وحدة تخالف أوامر ربها وماتسترش نفسها ماعنديش فيها ثقة ولا نتمني حتي نشوفها ونتعامل معاها..
هيثم: وانت شن ليك علاقة بيها...شن بتتزوجها...كل يوم ارفعها وروح بيها وتمت
علاء: باه علاش اختارني...معقولة ماعنداش سواقين يعرفهم 😕
هيثم: يمكن علي خاطر لقطة المحفظة...لان فعلا كان واحد مايخافش ربي كان خداها ولا من شاف ولا من دري
علاء: فكني فكني من تلقيط الذنوب....شكلهم عيلة كل حاجة عندهم ايزي وإني انسان علي قيس حالي
هيثم: براحتك بس فرصة زي هاذي ماتتفوتش راه
علاء: اللي كاتبه ربي حيصير
وصلو عبدالله واللي معاه للحوش اللي شراه وجهزه لؤي....
عبد الله: اووووو حوش ماشاء الله
كان حوش كبير علي دورين وسط مزرعة كبيرة...فيها إسطبل خيول ..بط ووز.. وحوض سباحة كبير...
لؤي: والله ياعمي في أحسن وارقي حي زي ماطلبت.
عبد الله: مشكور يالؤي...عارفك اتهني
نجاح: المهم رجعنا لبلادنا...ان شاء الله حتي براكة
لجين: مازال فيلتنا في بيروت أحلي😒
عبد الله: بيروت ولبنان أنسيهم...ماتحلميش تمشيلهم حتي في العطلات
لجين بحزن: وعلاش هاذا كله يابابا قتلك مليون مرة أسفة...شو هالعيشة 😢
عبد الله: مية مرة نقولك تكلمي لهجة بلادك 😡...خلاها واقفة وامشي يتفحص في باقي الحوش مع لؤي
نجاح: لجين حبيبتي...بابا زعلان منك هلبا فحاولي تتجنبي النقاش معاه هالايام
لجين: باهي اعتذار واعتذرنا شن نقتل روحي عشان يرضي عليا يعني 😢
نجاح: خليه هالايام وأكيد حيرضي...عارفتيه مايقدرش يخاصمك وروحه فيك...غير انتي ربي يهديك...خلي نمشي نطمن ع المطبخ اهم شي عندي 😁
لجين تتدهور في الحوش بملل وكان في حديقة فيها ورد وشجرات..امشتلها وقعمزت بينهم بفرحة...
قرب لؤي بحذر: طالعة تجنني لوجي
لفتله بأبتسامة: هااي حبيبي اشتقتلك كتير 😍...وحطت إيدها علي فمها: حي كان يسمعني بابا 😨
لؤي: هههههههه هااي ياعمري 😍... طالعة تهبلي طول الوقت ماقدرتش نشيل عيوني من عليك...وفي نفس الوقت خفت عمي عبد الله يكشفنا 😁
لجين بخجل: بعرف ياتؤبرني😍. نشوف في نظراتك 😉
لؤي: اوكي بسرعة قبل مايشوفنا حد....أني خديت شقة وحنقعد فيها بروحي...شن رايك نتفقو شي يوم وانديرو حفلة فيها أني وأنتي بس 😍
لجين سكتت وزي اللي خافت من موضوع يكونو في شقة بروحهم....
لؤي: ها لوجي شن قلتي
لجين بأبتسامة مصطنعة: اوكي نشوف ونرد عليك😊
لؤي: تسلميلي ياقلبي....بعدين حناخدلكم شفرات ليبيات وتو نخزنلك رقمي فيه اوكي
لجين: اوكي حبي 😍
أنت تقرأ
ياريتني
Romanceالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
