علاء: شن ياآنسة مش ع أساس الكلية
لفت لجين بصدمة: 😳
علاء فتح الباب ونزل: تفضلي قدامي ع السيارة 😒
لجين حاولت تبان شجاعة رغم صدمتها: ماليكش علاقة بيا
علاء: بتركبي بهدوء والا نجبدك بالسيف 😒
لجين: انت بجد إنسان غريب...شو هيدا 😣...اتركني لحالي 😡
علاء بغضب: اوكي....قرب وجبدها من إيدها بقوة تقول متغلل عليها: اركبي قتلك
لجين : آه..إيدي يامتوحش 😢
سكر الباب وركب من الجيهة الثانية...متعصب وطايرلته
لجين بصوت عالي: أفتح الباب أفتح...أحسن مانلم عليك الناس ونقول خاطفني 😣
علاء ماردش عليها....شغل السيارة وانطلق بيها بسرعة
لجين: نزلني نزلني😡 وشداته من شعره بقوة : نزلني ياواطي
علاء خدي يمينه و شد فرينو علي غفلة خبط راس لجين في الكرسي الأمامي...
فتح الباب ونزلها بعصبية: انزلي مش تبي تنزلي تفضلي 😡
لجين ماسكة خشمها من قوة الخبطة: والله لما نخبر بابا يامتوحش 😢
رجع علاء للسيارة شغلها وإمشي...خلا لجين واقفة في الشارع
لجين شافت إيدها لقتها دم خافت : هاذا وين إمشي 😨
علاء يشوف فيها في المراية لو تحركت من مكانها او لا ...وقبل ماتغيب عليه: استغفر الله العظيم...ياعليك خدمة هالخدمة😪...نقص سرعته ولف رج.فتح الشباك وبدون مايشوفلها: اركبي 😒
لجين ركبت بدون ولا كلمة....شادة أنفها ورجعت راسها علي ورا...
انتبه علاء للدم في المراية ولف بخوف: خير دعوتك 😳
لجين شافتله بنص عين: ماليكش علاقة 😏
علاء: اوكي وفي خاطره" ان شاء الله تنحرقي الحق فيا 😒" ...خدي طرف منديل ورمهولها ع الكرسي...
خداته لجين ومسكت بيه خشمها....
علاء: انتي ماتشعفيش تبي بوك يكسرلك رقبتك 😡 وبعدين مافيش احترام وتقدير لسمعتك وسمعة بوك مسكين..ماتخافيش من اللي خلقك....انتي اللي إنسانة غريبة بجد 😏
لجين لسانها ارتبط ومعاش عرفت شن ترد: انت مادخلكش 😢 عيونها تعبو دمووووع وطاحت ع الكرسي تبكي وتشهق: ان شاء الله نموت يارب 😭😭
علاء ارتبك:" اييييح علينا بدت في البكي هاذي 😓"...حاول يتجاهل الموضوع بس ماقدرش....امشي جيهة البحر وقف السيارة ونزل: لما تكملي قوليلي 😒
لجين: 😭😭
نجاح بأستغراب خشت للمكتب: شن عبدالله مش ماشي للشركة اليوم؟؟
عبدالله يشتغل ع اللاب: لا لا عندي شغل مهم ع النت
نجاح: باه...ربي يعاونك
عبدالله سكر اللاب: قعمزي نبيك شويا
نجاح: ان شاء الله خير
عبدالله: احتمال الاسبوع الجاي نمشي للبنان
نجاح: بالسرعة هاذي...😨
عبدالله: عندي اجتماعات ضروري نحضرهم بروحي
نجاح: وباه كيف يصير فينا؟!
عبدالله: مش عارف تقدرو تباتو بروحكم والا نكلم لؤي...يبات في الملحق برا 😕
نجاح : انت انجنيت والا شنو...بصفته شنو لؤي يقعد معانا😒 وعلي فكرة أني مش متقبلته نهائي وبصراحة خايفة علي لجين منه...خصوصا انك قلت طلبها كذا مرة وانت رفضت.
عبدالله: مايقدر يدير شي ماتخافيش...والله نكسرله رقبته يغلط اي غلطة
نجاح: ولو.. مانحطوش البنزينة جنب النار وبعدين نقولو ياريت...لجين اصغيرة وماتعرفش مصلحتها
عبدالله: باه كيف الحل تقعدو بروحكم 😕
نجاح: مش السواق قاعد معانا للمغرب...اهو يقضيلنا حاجاتنا ويونسنا..وفي الليل شوف حد يمسك علي عم محمد البوابة
عبدالله: تو نشوف علاء بالك يعرف حد...
نجاح: اي ياريت يكون زيه....ولد محترم الحق...عيونه في الوطا لما يكلمني...والا لما يشوف لجين..يعني ماتخافش منه
عبدالله: مش قتلك هالولد مطمنله بشكل غريب 😊
نجاح: صدقت والله.... باه بتحضر عيد ميلاد لجين والا بتفوته كالعادة
عبدالله: والله مانعرف بس نحاول 😩
نجاح: حرام عليك ياعبدالله...ليك 5سنين كل مرة تفوت في عيد ميلادها بسبب شغلك والبنت ترقد ودمعتها علي خدها
عبدالله: نحاول والله نحاول... 😩
نجاح: يصير خير....خلي نمشي نجهز الغدي وانت كمل شغلك
عبدالله: مش كان نجيبلك حد يساعدك في التطييب خير
نجاح: انت عارفني...المطبخ عشقي ومانتعبش منه 😁
عبدالله: ربي يعطيك الصحة...معناها علي طريقك ديريلي اقهيوة خلي نعدل بيها راسي..
نجاح: حاضر من عيوني
أنت تقرأ
ياريتني
Romanceالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
