خدي منه لؤي المفتاح وضغط علي lock وسكرها: وتوا ادردح من اهني وريني عرض كتافك 😏
علاء: نعم 😒
لؤي: زي ماسمعت وجهك معاش نبي نشوفه...
علاء بسخرية: لما نخدم عندك معاش تشوف وجهي...عطيني المفتاح خير مايصير فيها تصرف ثاني 😏
قرب منه لؤي وقابله بتحدي: وريني شن هوا التصرف الثاني 😎
علاء قدم ووخر وعطاه بوكس علي قووته....جابه طايح وفك منه المفتاح....ولف بيمشي للسيارة
لؤي: تمد إيدك عليا ياحيوان 😡...وردله البوكس
قعدو يضاربو ويتعافرو والناس يحزو عليهم....
لؤي شادينه مجموعة شباب : قسما بالله لما نوريك ياكلب 😡
علاء يتلاحق فيه: مافيش كلب غيرك...بالك تحسابني مش فاهم اللي في بالك...بس نجوم السمي أقربلك مادام فيا عرق ينبض
لؤي: انت منو أصلا ياتافه عشان تحاسبني 😡
علاء فتح الدرج وطلع المسدس: قسما بالله تقدم خطوة لما نصفيك
لؤي خاف وتراجع...يمسح في الدم من فمه: اوكي ياعلاء تو نتفاهمو ...أقسم بالله لما تندم....بعدو عليا 😡..دف الشباب وامشي....
كذلك علاء مسح وجه من الدم وركب السيارة.....
~~~~~~~~~~~~~~~~~~~~~
لجين: طولو ياربا😓....علاش ماجي حد منهم طمنا علي عمتو..
ربا: الغايب عزرو معو....أكيد رح يطمنونا
لجين: ياريتني امشيت مع لؤي.. 😢
ربا: لجين بكفي...وبعدي عن لؤي بليز...😡
لجين: اووووف رجعنا لقصة لؤي
ربا: اوووف مابعرف ليش انتي كتير عنيدة...😒
سمعو صوت سيارة ....نزلو يتجارو...فتحو باب الحوش ونزل علاء من السيارة
ربا شهقت: شو صاير معك علاء 😱
علاء خدي منديل ويمسح في الدم: بري انتي ولجين جيبو حوايجكم بتمشو معايا
لجين: وين بنمشو؟! ولؤي وين؟! 😕
علاء: بري زي ماقتلك 😒
ربا: اوكي...يلا لجين...
لجين: لا 😡..مش طالعة من حوشنا
علاء: شوفي يابنت انتي بتطلعي بهدوء باهي...كان هاذا والله العظيم نطلعك بالسيف 😡
ربا: لجين لاتعاندي يلا نروح...
هيثم: خيرك شن في؟!
علاء: هاذا الحيوان اللي أسمه لؤي....وأكيد حيرجع..فالاحسن نرفع البنات للحوش غاديكا
هيثم: اوكي زي ماتشوف...وأني حنقعد اهني
علاء: اوكي....هيا ربا 😣
~~~~~~~~~~~~~~~~~~~~~
وصلو لحوش أهل علاء....بعد ماكانو ساكتات طول الوقت في السيارة ومستغربين شن سبب القرار المفاجئ..
علاء: تفضلو ...
نزلت ربا ووراها لجين...فتحلهم الباب وخشو
لجين كانت تتأمل في الحوش وخصوصا تنسيق الجنان بالورد والنظافة بالرغم من أنه حوش أقل من العادي
علاء: معليش حوش مش من مستواك سامحينا 😏
لجين شافتله بصدمة معقول متوقع هكي تفكيرها....
ربا: بالعكس حلو كتير...
علاء: خشو لداخل....إتصلت بألاء وأكيد مجهزتلكم مكانكم ....الاء يا ألاء
طلعت الاء: اهلين علوش....اهلين يابنات تفضلو
علاء؛ بوي وين؟!
الاء: في المربوعة...هو وضياء
علاء: اوكي تمام...
خشو ربا ولجين...وعلاء امشي للمربوعة
الاء: هيا الدار تفضلو...ولو احتجتو شي نادو عليا اني في المربوعة 😊
ربا: ليش مابدك تنامي معنا؟!
الاء بأبتسامة: لا لا خودو راحتكم...والتواليت اهو جنبكم.... وطلعت بعد ماسكرت الباب...
قعمزت لجين ع الفراش: زعما علاش جابنا اهني؟! 😕
ربا: أكيد لان عمتو بالمستشفي ومابدو يانا إنام لحالنا
لجين تتأمل في الدار: حاسة بأحساس غريب تصدقي...هالحوش فيه شي مختلف
ربا: اي بتحسيه كتير حميمي...بالرغم من إنو كتير متواضع
لجين: حي نسيت نسأله علي عمتو 😨
ربا: هلأ بنتصل فيه وبنطمن...بس خلي نغير تيابنا بالاول
لجين: ياتري لؤي علاش ماجي معاه...😕
ربا خدت حوايجها: بدي روح غير تيابي 😏
~~~~~~~~~~~~~~~~~~~~~~
أنت تقرأ
ياريتني
Romanceالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
