فتح علاء عيونه ومازال نعسان....استغرب لما شاف مكان لجين فاضي في جنبه: وين مشت هاذي؟ أكيد عند ربا....امممم حلو خلي ندير لقطة اقنينة نكفر بيها علي غلطتي.......نحا الغطا خش للحمام توضأ وصلي صلاته....
نزل للمطبخ ع أساس بيجهز الفطور للجين ويفاجئها...
ربا مقعمزة ع الكرسي تشرب في عصير فرش: صباحو علاء
علاء: صباح الخير...لجين وين؟
ربا: عندا محاضرة وراحت...
علاء: نعم 😨 منو رفعها؟
ربا: مابعرف😕 يمكن أخدت تاكسي..
علاء قرن حواجبه: تاكسي 😨
ربا: يمكن مو أكيد 😕
طلع علاء متنرفز ومش شايف قدامه...اذكر ان السيارة خداها ضياء: ياعليك نسوة 😣.... ضرب علي ضياء مرة واثنين وثلاثة مافيش فايدة ماردش عليه...
اتصل بهيثم وطلب منه يمر عليه بيمشي لشقتهم وياخد السيارة من ضياء....
هيثم: باه علاش متنرفز؟ عادي أكيدة ماتبيش اتعبك وعارفة ماعندكش سيارة...
علاء الموبايل علي وذنه يضرب علي لجين وماتردش: اتبصر صح؟!! تي كيف تمشي بروحها..مش حنقولك حرام ومايجوزش عشان ماتقولش عليا شيخ....بس لجين ماتقدرش تهني علي روحها نعرفها...وفروخ الحرام في كل مكان...
هيثم: لا لا ان شاء الله خير ياراجل ماتفاولش ع البنت
علاء: هالبنت مش عارف شن في راسها بس..
هيثم يضحك: تعاقب فيك علي عمايلك 😂
علاء تنهد: تبي الحق قدرت تعاقبني...قبل متأكد من حبها وعارفها ماتقدرش تعيش بلاي...بس توا خايف تتصرف تصرف يبعدها عليا 😩
هيثم: اوووووتطورات جديدة...شكلها علقاتك فيها 😉
علاء: سبحان الله ربك كيف يزرع المودة في قلوب المتزوجين ...تذكر كيف كنت نشوف العمي ولا نشوفها😁...توا خصوصا وهي زعلانة مني كان نلقاها جنبي وخلاص
هيثم: لا لا لا انت منتهي ع الاخر 😁
علاء تنهد: خليها في سرك..
هيثم سكت شويا: وربيعة !!!
علاء شافله بتركيز: ربي يستر عليها...كذب عليك كان نقولك نسيتها...حبيتها الحق واللي يقتل ان النصيب فرقنا مش حكاية غلطنا في بعضنا او حد فينا جرح الثاني...لكن لجين قدرت تنحي الجليد علي قلبي ومتأكد حتتربع فيه بروحها
هيثم: 😁😂😁 حي ياحي قريب تولي شاعر
علاء: أسمع فكني منك 😏...هيا بسرعة خلي بنمشي شن صار فيها 😣
~~~~~~~~~~~~~~~~~~~~~~~
خدي علاء السيارة من ضياء وطول امشي لكلية لجين وقعد يستني فيها في البركيدجو متاع الكلية....
طلعت لجين من محاضرتها وكانت مضايقة قعمزت علي واحد من الكراسي...
شافها علاء نزل من السيارة ومشالها: ماعندكش راجل تستأذني منه قبل ماتطلعي يامدام...😒😡
قامت لجين راسها بااستغراب....ولفت وجها عليه....
قعمز في جنبها: باه علاش مضايقة؟!
لجين:.........
علاء بحنية: باه هيا نروحو
لجين: نبي نزور بابا
علاء: حرام المراة تزور المقبرة
لجين بصوت باكي: استاحشته😢
علاء: عارف...حتي أني استاحشته
لجين تبكي وساكته.....
علاء: أسف سامحيني لجين
لجين: ..........
علاء: وان شاء الله عمي عبدالله يسامحني...لاني وعدته نحافظ عليك ونحس في روحي قصرت...بس نوعدك نعوضك علي كل اللي فات
لجين: نبي اروح
علاء: حاضر.. هيااا
طول الطريق لجين ساكته وخلاص....وعلاء مضايق علي حالتها بس مش عارف شن يرضيها او شن تبي.....
وصلو للحوش وكانت نجاح قاعدة هي والصغار وهيثم.....
لجين تعنقت عمتها وقعدت تبكي: استاحشتك عمتو؟ علاش خلتيني بروحي
نجاح بااستغراب: أني قاعدة حبيبتي....خيرك شن في؟
علاء تنهد بضيق طلع للمزرعة ولحقه هيثم....
~~~~~~~~~~~~~~~~~~~~~~
نجاح مع لجين وربا في المطبخ بيجهزو الغدي....
لجين مقعمزة ع الكرسي وحاطة إيدها علي خدها......
نجاح: لجين انتي مش عاجبتيني خيرك؟
لجين تنهدت::مش عارفة ياعمتو...بس مستاحشة بابا هلبا
نجاح:كلنا استاحشناه ياعمري... الله يرحمه ويسامحه
ربا: الله يرحمو
نجاح: كيف حالك انتي وعلاء؟
لجين: نبي نطلق منه 😢😢
نجاح: شنو 😳
ربا: خلص لوجي...لا تكوني غبية الرجال غلط واعتذر وندمان شو بدك اكثر من هيك
نجاح: فهموني شن اللي صار ؟!
ربا: انا بحكيلك عمتو........................
نجاح سكتت شويا: شوفي لوجي وأسمعيني كويس...ماننكرش ان علاء غلط بس اهو قاعدين نقولو فيها غلط مش مقصودة يعني.....وخلينا نكونو واقعيين وبعيد عن العواطف..مادام ندمان واعتذر خلاص مفروض الموضوع تم...
لجين: بس نحس في كرامتي انهانت ياعمتو 😢
نجاح: لجين حنكون قاسية معاك..إنتي من قبل غلطتي هلبا يالجين...قصتك مع لؤي وطيشك وتصرفاتك... علاش علاء ماحاسبك عليهم...لانه عارف وتصرفاتك توضح انك ندمانة...وربي يغفر
لجين بخجل: بس هاذا قبل مانحب علاء
نجاح: نعرف..وأني مش نحاسب فيك...بس نبي نوضحلك ان غلط علاء بسيط جنب اغلاطك السابقة...ومافيش داعي تاخديه بحساسية وتكبري الموضوع هكي...وبعدين حبيبتي مانقدروش ننكرو وجود ربيعة في حياة علاء في يوم ما.وماتكذبيش علي روحك وتقولي انه نساها نهائي و معاش يفكر فيها...انتي اللي مفروض تخليه ينساها
لجين: شنو يعني نسامحه وكأنه ماصار شي 😡
نجاح: تعرفي ان في نساوين ازواجهم يخونو فيهم جسديا ويسامحو فيهم.يتزوجو عليهم ويسامحو فيهم..يهينوهم ويضربوهم وبرضو يسامحوهم...مش القصد ان مفروض تضعفي وتسامحي وتتحملي علي خاطر انتي مراة... لا اني ضد تماما.. بس نبيك تشوفي غلطة علاء جنبهم وهل يستحق انك تسامحيه او تهدمي كل شي بينكم علي خاطر زلة لسان
لجين ساكتة وتفكر........
ربا: اي والله كلامك درر ياعمتو. هو صح علاء غلط بس شو بنئتلو يعني.. والله مسكين رح يجن مشان يرضيها...
نجاح: أكيد لا....بس هاذا مايمنعش انك تعاقبيه 😉 مادام حاس بالندم ويدور في رضاك بهدليه شويا بعدين سامحيه 😁
لجين: مستعدة نسامحه بس يثبتلي حبه.ويوضحلي انه مستعد يدير اي شي عشان مايخسرنيش
نجاح: خلاص ياحنة طلعيله عيونه بالطول وبالعرض 😁
ابتسمت لجين بمكر.......
~~~~~~~~~~~~~~~~~~~~~~~~
علاء واقف جنب الخيل وسارح.....
هيثم: أعطيها فرصة وحتهدأ وتنسي...
علاء: نضايق لما نشوفها تبكي تعرف.....
هيثم: حب ياعمي حب 😁😂
علاء: بالله عليك ياهيثم مش ناقصك 😒😏
هيثم: باه سكتنا 🙊...امتي بتسافر...
علاء: غدوة الصبح مفروض رحلتنا...
هيثم: وشنو لجين بترفعها معاك!
علاء: مش عارف...هي رافضة ومانبيش نغصبها
هيثم: قصدك بتخليها اهني😕...
علاء بحيرة: باه كيف بندير ؟!
هيثم: هي مرتك اجبرها تمشي معاك
علاء: مانبيش نضغط عليها اكثر من هكي...هي كارهتني من غير شي..وفي نفس الوقت مش عارف قداش تاخد وقت السفرية ومانبيش تباعد عليا طول هالوقت
هيثم: حبحب 😂😂
علاء: هيثم 😡😡
هيثم: 🙊🙊
علاء: تعرف كيف علي قولتك...حنرفعها معاي بالسيف تحب والا تكره 😡😡
أنت تقرأ
ياريتني
Romanceالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
