لجين مقعمزة هي وربا في الكافي بعد ماتمت المحاضرة....
شباب الكلية امعرمين في الكافي ويكحلو 😂
ربا: لجين شو بيك؟! ليش زعلانة
لجين: من قال إني زعلانة...راسي امصدع شوي
ربا: اوكي..يلا إتصلي بعلاء مشان يجي
لجين: مازال شويا...انخنقت من الحوش خلي نتسلو شوي
ربا: اوكي...
لجين: بس مش ملاحظة ان الكافي كلها شباب 😓
ربا: اي أنا كمان لاحظت 😕 غريية مع أنو الكلية كمان فيها صبايا
لجين: اي صح....خلي نطلبو حاجة ناكلوها جعت
نادو الشاب اللي في الكافي: لو سمحت شن في عندكم؟!
الشاب شاد ضحكته: ياأنسة هاذا مقهي للشباب ...الكافتيريا في الجيهة الثانية
لجين وربا: 😳😓
لجين: أأأ...ههههه شكرا 😓 هيا ربا....
طلعو من الكافي يضحكو علي غباءهم ......
ربا: 😂 يلا نروح فضحتينا
لجين: 😂
طلبو هامبورغات...وقعمزو ع الكراسي برا...
ربا: ياتري مين هيا سعيدة الحظ اللي خطبها علاء 😍
لجين: ...........
ربا: عم بحكي معك 😕
لجين: واني شن دخلني فيها يتهنو ببعض...لو سمحتي ربا فكينا من سيرته...تو يطب علينا خلينا رايقين شوي 😒
ربا: بتعرفي شو...ليش مانحكي مع عمتو نجاح تجي معو ونروح نتغدا بشي مطعم حلو...
لجين: فكرة 😉 وهكي علاء مايقدرش يتكلم 😈 ولايرفض
~~~~~~~~~~~~~~~~~~~~~
نجاح: الو علاء وينك انت؟!
علاء؛ مروح بأختي من مدرستها....خير في حاجة؟؟
نجاح: لا سلامتك بس البنات كملو محاضراتهم..فقلت كان تمر عليا نمشولهم وبنتغدو برا..
علاء؛ حاضر...نحط الاء في الحوش ع السريع ونجيكم
نجاح: جيبها معاك اوخيتك خلي نتعرفو عليها..
علاء: معليش مرة ثانية ان شاء الله
نجاح: لا أني مصرة جيبها معاك بالله عليك
علاء : باهي زي ماتبي...
نجاح: اوكي نستني فيك معناها..
علاء: شن للوش خاطرك بتمشي؟!
الاء: عادي ؟! والا في مشكلة 😓
علاء: لو انتي خاطرك عادي....
الاء: باه 😀 معناها نبي نمشي ....
مر علاء علي نجاح خداها وامشي للبنات في الكلية ...
لجين اول ماركبت انتبهت لأء بس حاولت تبان عادية....
ربا: هاااي أكيد انتي إختو لعلاء صح 😉
الاء: اي أني الاء اخته...
ربا: الاء وعلاء وضياء كلكن علي نفس الوزن حلوووو😀
الاء: ماما سمتنا..الله يرحمها
ربا: الله يرحمها 😩
لجين قامت عيونها للمراية تشوف لعلاء وفي خاطرها" حتي انت فاقد حنان الام زيني...معناها مفروض تكون اكثر شخص فاهمني وفاهم مشاعري" تنهدت ونزلت عيونها قبل ماينتبه علاء..
ربا: علاء بدنا مطعم كتير حلوووو وفيه اكلات لبناني 😁 اشتقت لأكلاتنا مابدنا بازين ومابعرف شو 😓
علاء: 😂 اوكي...
اختارلهم مطعم راقي وفيه اكلات متنوعة ليبي وشامي...نزلو وعلاء امشي بيدرس السيارة...
نجاح والبنات خدو طاولة وكيف بيقعمزو....جاهم علاء يجري: وين وين 😳
نجاح: بسم الله شن في ؟!
علاء: لا لا وين اهني صالات العائلات فوق😨
ربا: 😂 نفس عملتنا بالكلية
علاء: عملة شنو😕
لجين فنصت في ربا: مافي شي....مش ضروري تعرف كل كبيرة وصغيرة
علاء: 😒
ركبو لدور العائلات حجزلهم علاء طاولة ..وقعمز هو وأخته علي طاولة في جنبهم
نجاح بااستغراب: علاش ماقعمزتو معانا اللطف😕
علاء: لا لا هكي أحسن...اطلبو براحتكم
نجاح: باه خلي الاء معانا ع الاقل...علاش هكي مش حلوة منك الحركة بصراحة 😪
لجين: شن ناكلو في الناس قالولك 😏
علاء: مش هكي نقصد 😏
الاء ابتسمت وميلت راسها علي كتف خوها : علاء يبيني في جنبه لان زي ماتشوفو وضعي خاص وهو يساعد فيا الماكلة
لجين ونجاح انحرجو..
نجاح: اها اوكي سامحيني يابنتي...😓
ربا تلطف في الجو؛ انا كمان بدي اجلس معكم عادي 😂
علاء: لا 😑
ربا: 😩 ليش تكسر بخاطري ياقاسي 😁
علاء: هيا بسرعة اطلبو شن تبو😒
طلبت الاء سمك اما علاء طلب سلاطة ورز أبيض...وقعمز ينحي لاخته في الشوك وهي تاكل...
ربا حاطة إيدها علي خدها وتنهدت: بدي اتجوز علاء بيصير 😂
نجاح: اسكتي تو يسمعك 😁
ربا: والله بيجنن بصراحة كتير بحسدها خطيبتو 😍
لجين: يعني شن الزيادة فيه علي باقي الشباب...رجل والا إيد...في هلبا شباب زيه وأحسن منه معاها😏
ربا: بعرف بس أنا بدي ياه هوا 😍😙
لجين: بتاكلي والا نلبسلك الصونية في راسك 😒
ربا: هههههههه اوكي
~~~~~~~~~~~~~~~~~~~~~~
أنت تقرأ
ياريتني
Romanceالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
