صباح يوم جديد....
علاء: تي وينك من أمس نتصل بيك ياراجل 😡
هيثم: أهلين علاء 😁 سامحني كنت في مكان ضعيفة فيه التغطية
علاء: يوم كامل؟! 😒
هيثم: اي والله مشينا للخمس بنزورو لبدة وقعدنا في مكان التغطية زفت عندهم
علاء: هاذي النص ساعة اللي بتمشي فيهم وتجي 😒
هيثم: سامحني والله مش عارف كيف جت 😅
علاء: باه روحتو والا مازال ؟!
هيثم: قاعدين في الطريق...لجين كيف حالها؟!
علاء: كويسة 😒
هيثم: 😁... باه...خلاص تو نجوكم غاديكا طول أول مانوصلو
علاء: اوكي تم...لجين قاعدة بروحها راه...أني في الشقة
هيثم: تي كيف؟!
علاء: عندي حاجات ضرورية بنديرهم بعدين نمر عليكم 😡
هيثم: تم 😒
علاء ممتد علي سرير ألاء ومغمض عيونه حاسس بحيرة ومضايق ...يفكر في حاجات هلبا ومختلفة وعلي رأسهم موضوعه هوا ولجين...كيف بينهيه..
فتحت لجين عيونها واستغربت إنها في سريرها كل اللي مذكرته أنها غفت ع الكنبة...
لجين: معقولة علاء قامني 😨... يااااي ياريتني كنت واعية ياريتني حسيت بيه...زي الافلام 😍😂
نطت من ع السرير بفرحة...خدت التليفون واتصلت بيه ...
فتح علاء عيونه وقعمز...طلع التليفون من جيبه وتنهد لما شاف الرقم: أيوه
لجين:ايوه....قصدي صباح الخير😓
علاء: صباح النور
لجين: .......
علاء: .........
لجين: أأ...قاعد تحت إنت؟!
علاء: لا روحت...تبي حاجة؟؟
لجين؛ أه... لا غير قصدي...قصدي..لا لا خلاص...وسكرت بسرعة
علاء؛ 😕😕
لجين: غبية غبية 😣 توا علاش اتصلت بيه بس...اووووف 😪😪
انفتح باب الدار وخشت دودي تجري: هيييييي أني جيت 😁
لجين: أهلا 😁
خشت نجاح: صباح الخير
لجين بفرحة: عمتو 😍
نجاح: ياروح عمتو...قربت سلمت عليها وقعمزت ع السرير: خيره وجهك منفوخ؟!
لجين: اسكتي بالله ياعمتو...قريب متت 😢
نجاح: بعيد السو 😨 شن صار؟؟
لجين: هاذا بعد مامشيتو **********************
نجاح: سامحيني ياعمتو...لو كنت نعرف والله ماكنت خليتك 😢
ردينة: خلاص عمتو أحسن سي نلغوها الخطة وخلاص 😌😋
نجاح: 😳
لجين: خطة شنو !!
ردينة: عسان عمو علاء يقعد يحب فيك 😗
نجاح: دودي 😱
لجين: شن تقصد دودي ياعمتو مافهمتش ؟!
نجاح: ماتاخديش عليها تبصر 😅...تعالي دودي ننزلو نشوفو بابا
ردينة: باه ☺
نزلت نجاح هي وردينة ...كان هيثم امقعمز في الصالون
نجاح: غبارة بنتك بتفضحنا 😀
هيثم وقف بعصبية ونحا السبته: قصدك قاعدة تبي تقول للجين ع الخطة 😡
ردينة خافت وتهز براسها: لا لا هاذا أيهومي مس أني 😢
هيثم: تعرفي مازال نسمعك متكلمة ع الخطة تشوفي في السبتة هاذي نقطعها عليك
ردينة: 😱 خلاص أني ماقولتس يابابا 😢 وجت جنبه ادير في جو البراءة : أيهومي هاذا بيقول أني قتله لا بابا يضلبك بعدين حي عليك 😡
هيثم: وٱنتي 😒
ردينة: أني حبيبة بابا مانقولس 🙊
هيثم: 😁 باه بري ناديه أيهومي خلي بنضربه
ردينة: أه 😨... وطاحت فيها ابكي 😭😭
نجاح: حرام عليك هبلتها البنت...تعالي دودي حبيبتي تعالي
ردينة: 😭😭
~~~~~~~~~~~~~~~~~~~~~
روح علاء بأخته من المدرسة وخش يجهز في الغدي....
خشت عليه ألاء في المطبخ:نساعدك في شي علوش؟!
علاء: اغسلي الطماطم والخيار للسلطة
الاء: حاضر.... اي حقا علاء غدوة لمة بنت خالتي الساكتة جارتنا تعرفها؟! جابت ولد
علاء: باه الف مبروك عليهم...
ألاء: قتلي باش تجي انتي ومرت خوك 😌
علاء: انتي ومنو 😳
الاء: تقصد علي لجين
علاء: ومن قاللها اني تزوجت أصلا 😨
الاء: أني قلتلها 😓
علاء تنرفز: ومن قالك تقولليها...هي كلها قراية فاتحة وبس
الاء: ماهو انت قلت مش حنديرو عرس..يعني خلاص مرتك هي توا
علاء: استغفر الله العظيم من كل ذنب عظيم ياربي 😡
خش عليهم ابوعلاء: خيركم شن في؟!
حكتله الاء ع القصة
ابوعلاء: وعادي شن فيها؟! أختك ماغلطت في شي...وأصلا كان تبي الحق مفروض مرتك قداش ليها قاعدة معانا والناس كلهم مفروض يعرفو...لان الزواج ضروري من الاشهار...
علاء: يابوي انت شن تقول بس...إشهار شنو وزواج شنو؟!
ابوعلاء: شن شكلك رجعت في كلامك 😒
علاء: أه..لا لا...تي ماقلت شي يابوي 😣
ابوعلاء: خلاص العشية أرفع اختك ومرتك للسوق وخودلها البدلة الكبيرة ..من عوايدنا أول مناسبة تحضرها العروس ضروري تلبس البدلة الكبيرة...
علاء: 😪 يابوي لمة عادية هيا
ابوعلاء: هاذا سبرنا...شن بتغيره حضرتك 😏
الاء: حي حتطلع تجنن علي لجين 😍
ابوعلاء: وتشوف دار نوم زي ماقتلك...ساد من التمرميد كل واحد في جيهة... مايصيرش منه
الاء: عندي فكرة يابابا...تجي لجين ونديرو عزومة بسيطة للجيران وخلاص بدل العرس
ابوعلاء: فكرة حلوة ...خلاص اتفق انت ولجين..
علاء: 😳
ابوعلاء: خيرك فاتح فمك...هيا خف روحك عشان تلحقو علي مشوار السوق؟!
علاء: 😣
~~~~~~~~~~~~~~~~~~~~~~~
أنت تقرأ
ياريتني
Romanceالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
