مع المغرب....
فتحت لجين عيونها بثقل...تفاجأت بعلاء حاط إيده علي خده يتفرج عليها ومبتسم....
لجين ارتبكت : علاش تضحك 😒
علاء: نحبك
لجين الفرحة مش سايعتها اول مرة تسمعها منه بس في نفس الوقت ماتبيش تبين..قعمزت ع السرير ولمت شعرها المتطاير : الساعة كم؟!
علاء بصوت أحن: نحبك
لجين تحاول تمسك ضحكتها: نحي نحي بنمشي لأء...تو تقول.......
سكتها بقبلة طبعها علي شفافها برقة: نحبك يالجين...سمعتيني كويس يالجين عبدالله
لجين بشك: من قلبك😔
علاء: أقسم بربي من وسطه...باس خدها: وحياتك من صمصوم قلبي...
لجين ارتسمت ابتسامة خفيفة علي طرف فمها: باه جيعانة😪
علاء: شن هالنكد نقولك نحبك 😒 تقوليلي جيعانة بدل ماتقولي حتي اني نحبك
لجين نحت الغطا وناضت تضحك: لما يجي وقتها حتسمعها مني...خشت للتواليت
علاء: شريرة 😡
خدت لجين دوش وطلعت لابسة ديشمبر الحمام ولافة فوطة علي راسها: علاء نبي حوايجي من الدار...
علاء بخبث: هكي أحلي 😉
لجين بدلع: لا نمرض بعدين
علاء: ياحليلي من اللي بيمرض 😁...طق باب الغرفة...
علاء: خلي نمشي نشوف ممكن الروم سيرفس طلبت حاجة ناكلوها ...
لجين: ان شاء الله والله ميته من الجوع 😓
فتح علاء الباب وكانت الاء وجها أصفر وخايفة: خيرك للوش؟!
الاء: لجين ياعلاء لجين.... مش قاعدة في الدار قلبت عليها الدنيا مالقيتهاش
علاء: احم احم... لا ماتخافيش هيا قاعدة اهني ....
الاء حست روحها زي العبيطة:😒 رعشتني عليها.... ماهو من الاول خديتو غرفة مع بعض وريحتونا😏... مشت وهي اتمتم
علاء: ريت ريت هالمفعوصة😳
لجين كانت تسمع في الحوار... نحت الفوطة من علي راسها ورمتها ع السرير : عندها حق... باهي هكي حشمتني قدامها 😒
علاء شافلها من فوق لتحت مع ابتسامة خبث: نعم
لجين بعدت وتأشر بصبعها: أسمع علاء فكني منك برا جيبلي حوايجي😓
علاء في حركة سريعة مسكها من إيدها ولفها...يعني ظهرها في صدره....وقرب يبوس في رقبتها ومتقصد يوجعها: صبعك هاذا اخر مرة ترفعيه في وجهي فاهمة...
لجين: اي علاء 😓... علااااااااء...يابارد 😂
شششششششششششششششششششششششششششششششششششششششششششششششششش مشفر 😂
~~~~~~~~~~~~~~~~~~~~~~~~
في ليبيا....
نجاح في المطبخ تجهز في العشي...وردينة مقعمزة فوق الطاولة توازيلها في السلاطة زعميتك....
حست نجاح بوجع بسيط...حطت إيدها علي خصرها .... ردينة تشوفلها وخايفة: خيرك عمتو هاذا البيبي يضلب فيك 😓
نجاح ضحكت في وسط وجعها: لا لا أني كويسة حبيبتي ماتخافيش... خدت كرسي وقعمزت
ردينة: اعيييي البيبي مانبوشي احني 😒
نجاح: علاش دودي...حلو البيبي تلعبو عليه...وتمشي انتي وياه للروضة..خصوصا كان بنوتة تلعبي معاها احويشات وتلبسو زي بعض
ردينة بتفكير: امممممم باه كان جي اوليد...يضربني هو وأيهومي بعدين 😢
نجاح: لا لا مش حنخليهم كم عندي دودي أني 😍😚
هيثم: السلام عليكم
نجاح: اهلا وعليكم السلام
ردينة: باااابا
هيثم: اوووبا...وقامها: شن درتي شطانة اليوم؟!
ردينة بكل براءة: لا لا 😌😌
هيثم: باه كويس... نجوحة قاعد معايا ضياء في المربوعة بالله جهزيلنا العشي
نجاح: حاضر شويا ويكون جاهز...
ردينة: خلاص انت برا وتو نجهزوه أني وعمتو نجاح 😌
هيثم: شنو العنزة سارحة شكلها اليوم
نجاح: 😂ما نحكيلك
هيثم: باه ربي يدوم علينا 😂
ردينة ادف في بوها: هيا بابا اطلع ماتعطلناش 😡
هيثم: باهي باه...اهو طلعت 😨
أنت تقرأ
ياريتني
Romanceالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
