لجين إتصلت بربا بتشكيلها يمكن تقدر تخفف عليها...
ربا: يييه بصراحة خالك شخص واطي كيف بدو ياخدك ع لبنان غصبا عنك
لجين: اي شفتي..ع أساس ناقصة هم أني 😢
ربا: وعلاء شو كان رأيو بالموضوع؟!
لجين: قالي مادام فيا نفس مستحيل
ربا: لك يؤبرني 😍 بيجنن
لجين: 😏
ربا: هههههه ليش سكتي أكيد غيرانة
لجين تنهدت: تعبت ياربا... مشكلتي إني نحبه وكل مايصدني نحبه اكثر...نحس في روحي مريضة من حبه 😢
ربتدا: حبيبتي اصبري أكيد رح يجي يوم ويحس فيكي
لجين: هو حاسس بس يستغبي 😢
ربا: اوووف يضرب الحب شو بيزل 😩
لجين: تعرفي بالذات توا لانه قاعد معانا وحاسة بقربه مني زايدة عليا الحالة 😭 أمس حضنته قداش حضنه دافي ياربا😢
ربا😱😱 شو !!
لجين: والله من غير قصد...من قهري لقيت روحي قدام الملحق وأول مافتحلي حضنته 😢
ربا: نيالك 😍😍
لجين: بلا حقارة 🙈
ربا: طيب لوجي اعترفيلو صراحة انك بتحبيه وشوفي ردة فعله
لجين بخوف: لا لا مانقدرش نخاف 😓
ربا: من شو بتخافي؟!
لجين: نخاف منه...لما يتعصب يولي إنسان ثاني 😓
ربا: طيب استغلي حكاية إنو خطيبك 😂 وقربي منو
لجين: اسكتي بالله كان رح يقتلني وقتها 😂 لو تشوفي وجه وقت قلت لخالي هاذا خطيبي
ربا: هههههههه علي بعرفو علي علاء منيح ماخلعلك رئبتك
لجين: 😂
ربا: ضياء قرر أنو يجي بعد يومين ع لبنان
لجين: جد؟! حلو...ربي يهنيكم يارب...والله أتاريه ماهو ساهل هالضياء بيمشيلك غاديكا وبيخطبك
ربا: اي يؤبرني كتير كبر بعيني..😍
لجين بقلة حيلة: العقبة للي في بالي ياااارب
ربا: هههههه ان شاء الله...سكتت شويا وبتردد: لجين....
لجين: نعم
ربا: بدي احكيلك شي كنت مخبيتو عليكي من فترة 😓 بس لازم تعرفيه
لجين باستفهام: شنو!!
ربا: اوعديني بالاول ماتزعلي مني 😓
لجين: انتي عارفة مستحيل نزعل منك قولي...
ربا بتردد: أأأ... أنا ولؤي كان في بينا علاقة 🙈
لجين: 😳
ربا: بس والله العظيم من قبل ماتحبيه وتكونو مع بعض 😓
لجين: ......
ربا: لوجي احكي شي بليز...ليش سكتي
لجين: وعلاش ماقلتيلي من زمان ياربا
ربا: كنت خايفة إخسرك خصوصا انك كنتي كتير بتحبيه 😓 وبعدين انا حكيت لعلاء كل شي
لجين: علاء ؟! وعلاء شن ليه علاقة 😳
ربا: مابعرف بس خفت لؤي يعمل فيكي شي وحكيت لعلاء لحتي يحميك
لجين: معقولة ياربا...علاء أقربلك مني... وتخليني زي العبيطة نحب شخص يلعب بيا
ربا: والله أسفة بس خفت إخسرك بجد 😢
لجين: خلاص خلاص أني تعبانه ولازم نسكر
ربا: لوجي بلييز 😢
لجين: تصبحي علي خير...
~~~~~~~~~~~~~~~~~~~
صباح يوم جديد...
علاء جنب السيارة يستني في لجين....
هيثم: متأكد من قرارك؟!
علاء بنرفزة: هيثم بالله عليك فوتني 😣 أمس تقنع فيا واليوم تقولي متأكد ما متأكد
هيثم: مش قصدي......لكن
علاء بجدية : خلاص سكرلي ع الموضوع... توا بنرفعها للكلية وإنسق كل شي ...بعدين نتصل بيك انت ونجاح...و نكلم ضياء يشهد
هيثم: باهي كلمتها البنت وخديت رأيها !!
علاء: انت عارف رأيها كويس
هيثم بدهشة : اوكي ماقلنا شي لكن ع الاقل شاورها
علاء: أصلا كل شي شكلي بس وانت عارف
هيثم: والله لتوا مافهمت شن هوا اللي شكلي بس
علاء: يعني زواجي منها مش حيتعدي إنه حماية ليها وبس...ولو ربي رزقها بولد حلال كويس نطلقها وتشوف حياتها
هيثم: انت أكيد مجنون ...كيف هكي؟!
علاء: شن اللي كيف هكي!! هلبا يقرو الفاتحة وبعد مايصيرش كل واحد يمشي لحاله
هيثم: استغفر الله العظيم قداش ماانت معاندي 😒
علاء: والله عارف روحي مانقدر نسعدها ياهيثم 😩.. تشوف نصيبها مع غيري خير
هيثم تنهد : ربي يهديك وخلاص
لجين: صباح الخير
علاء وهيثم: صباح النور...
لجين: هيثم قتلك عمتو تعالا عشان تفطر مع خالي
هيثم: فاق هوا 😒
لجين: ايه كلهم فاقو ويستنو فيك...
هيثم: اوكي نستأذنكم
ركبت لجين...وانطلق علاء بالسيارة .....
علاء بتردد: احم احم...لامتي محاضرتك ؟!
لجين : الساعة 11نكمل...
علاء وقف السيارة ع اليمين ولف للجين: أسمعي نبي نقولك علي موضوع مهم
لجين تتأمل في ملامحه بحب: نعم
علاء : احم احم...اليوم بنقرا فاتحتي عليك
لجين: 😳... أه...شنو ...وقلبها بيتقلع من مكانه ماتوقعتش بالسهولة هاذي حيكون علاء ليها
علاء: هاذا الحل الوحيد إن خالك ماياخدكش معاه للبنان
زادت صدمة لجين: مافهمتش 😕
علاء: واضحة يالجين...يعني بحكم حنقعد زوجك حتسقط ولايته عليك ومعاش يقدر يتحكم فيك...وبعد يرجع لبنان اعتبري مافي شي صار... وزي قبل زي تالي انتي زي أختي وأني خوك ان شاء الله.
لجين حست روحها كأن حد طيحها من فوق جبل مصدومة وساكته
علاء: فهمتي عليا...
لجين قعدت تشوفله بنظرات انكسار وعدم فهم واستغراب في نفس الوقت...
علاء ارتبك: السكوت علامة الرضا...بعد المحاضرة نمر عليك ويكون معانا هيثم ونتمو كل شي...
لجين حطت إيدها علي قلبها حاسة بغصة مش مصدقة اللي سمعاته قبل شويا ....معقولة رغم كل حبها ليه االي هوا عارفه ومتأكد منه يقوللها احني زي الخوت...
علاء: ها شن قلتي؟!
لجين من داخل انتهت بس حاولت تبان عادية: أكيد احني زي الخوت...وأني موافقة بس بشرط
علاء: شنو؟!
لجين بكبرياء: بعد يروح خالي نبيك تختفي من حياتي نهائي..الحمد لله توا هيثم موجود ولو استحقيت شي مش حيقصر معاي...يعني مهمتك حتقتصر علي تنفيد وصية بابا بس وهي المحافظة علي أملاكي لين نوصل لل 20 وبعدها حنريحك مني للأبد...وحاولت تمسك دمعة كانت حتنزل من عينها...
علاء قعد يشوفلها ممكن ماتوقعش اللي قالاته: اوكي زي ماتبي...
~~~~~~~~~~~~~~~~~~~
هيثم مع نجاح في المطبخ...
نجاح تغسل في الصواني : بصراحة ماعجبنيش الكلام كيف بيتزوجها وبعد يروح خالها يطلقها 😕
هيثم ياخد منها وينشف: قال هاذا الحل الوحيد للمشكلة ...وبعدين قراية فاتحة بس مش زواج
نجاح: وشن قراية الفاتحة ماهي زواج رسمي
هيثم: لا بيكون ناقص هلبا حاجات ثانية😒.. المهم علاء يبي الموضوع مايطلعش عشان مايأثرش علي لجين لو تقدملها حد بعدين...
نجاح: باه ولجين موافقة !!!!
هيثم: بيكلمها علاء..
نجاح تنهدت: باهي فيها خيرة ان شاء الله... بس خالها أكيد بيعرف
هيثم: بالرسمي...أصلا كل هاذا علي خاطر خالها يسكر فمه
نجاح: لاحول ولاقوة الا بالله
هيثم: تعرفي نتمني زواجهم يكون بجد ....لجين مش حتحصل حد يصونها زي علاء...بس هوا ربي يهديه
نجاح: بس لجين كانت تحب لؤي زعما نساته😕
هيثم: ايح حتي انتي لؤي منو.. معقولة مش ملاحظة إن عندها مشاعر اتجاه علاء
نجاح شهقت: قصدك تبيه 😱
هيثم: صح النوم 😂 ياعمري
نجاح: وباه وعلاش بيطلقها مادام البنت تبيه
هيثم: علاء قاعد مانساش خطيبته الاولي ومايبيش يظلم لجين معاه
نجاح بحزن: ياروحي عليك يالوجي 😩 البنت هاذي الشقا وراها وراها
هيثم: كله من المصايب اللي لبرا منين طلعولنا مانعرفش 😒
نجاح: حالة وخلاص.... اي حقا جيب الصغار اليوم استاحشتهم وخصوصا دودي😍
هيثم باس خدها : من عيوني والله حتي أني استاحشتهم..بعد نكملو من موال الفاتحة نمرو عليهم ونجيبوهم...
نجاح: تسلملي عيونك يارب 😍
هيثم: نقولك تعالي بنخبرك سر 😉
نجاح : سر شنو 😕
هيثم: لحظة نسكر الباب.....سكر الباب وكيف بيلف...
فتحاته ميسون بسرعة: هااااي نجاح...ممكن فنجان قهوة تأبريني
هيثم لوح الفوطة: حتي أني ديريلي قهوة مرة...أمر من فراق بوي 😒😡
ميسون بعدم فهم: 😕
نجاح: 😂
~~~~~~~~~~~~~~~~~~~~~~
بعد مشوار الكلية مر علاء ع المصرف سحب فلوس التعويض...ونحا منهم اللي بيعطيهم لضياء...
امشي لحوشهم....
علاء: السلام عليكم
ابوعلاء: اهلا وعليكم السلام..
علاء قعمز: آآه ياعظامي ....المريشة وين؟!
ابوعلاء: في مدرستها شنو نسيت؟!
علاء ضرب جبينه : اييييه والله حق...زعما شن دايرة في دروسها؟! قبل ديما نراجع معاها
ابوعلاء: الاء ماتخافش عليها من يوم يومها معتمدة علي نفسها وهي مقدرة الظروف اللي تمر بيهم توا
علاء: ان شاء الله فرجت خلاص....غدوة ان شاء الله بنستلمو شقتنا الجديدة ..
ابوعلاء: كيف؟!
علاء: اي الراجل يبيها ب 80000 بنعطيه المبلغ اللي عندي والباقي أقساط...صاحب هيثم وساعدني
ابوعلاء: وباقي الاقساط منين بتجيبهم ؟!
علاء: من مرتبي...عمي عبدالله...رحمة الله عليه قبل مايموت زادهولي وتصور يابوي قالي المحامي موصي إنه مرتبي يكون مدي الحياة حتي لو سيبت الشغل عندهم..
ابوعلاء: الله يرحمه ويغفرله كان راجل ونعم الرجال...معناها خلي نلمو دبشنا وحاجاتنا
علاء: بنرفعو الضروري بس يابوي والباقي مانبو شي
ابوعلاء: ان شاء الله
علاء: احم احم...بنقولك علي موضوع يابوي
ابوعلاء: ان شاء الله خير
علاء بتردد: لالا خير ان شاء الله....الموضوع هوا ************************************
ابوعلاء بصدمة: انت تتكلم بجد؟!
علاء: أي يابوي...خالها بيرفعها كان مانديرش هكي
ابوعلاء بدهشة : خليني من خالها وعمها...يرضي ربي هاذا اللي بديره...عمره ماكان الزواج صفقة وانت إنسان واعي وتعرف ربي كويس
علاء: بس يابوي 😓
ابوعلاء: مافيش بس...يايكون هالزواج مية في المية...ولجين تكون زوجتك بجد ياإما أني مش راضي ياعلاء
علاء: يابوي غير افهمني ......
ابوعلاء قطع عليه بعصبية: مانبيش نفهم شي....هاذا انت علاء العاقل الفاهم تقول هالكلام...كان ضياء نقولو عادي طايش ومافيشي عقل...اما انت ماتوقعتش الصراحة
علاء: باه يابوي كيف الحل!
ابوعلاء: تزوجها مامنعتكش...لكن تزوجها لانك تبيها زوجة وتكون معاك ع الحلوة والمرة مش لسبب أخر... وماني راضي عليك لادنيا ولا أخرة كان طلقتها ياعلاء 😡
علاء بخوف: لا يابوي أرجوك....خلاص والله ماتكون الا راضي...زي ماتبي 😓
ابوعلاء: البنت مكسورة ويتيمة بدل ماتوقف معاها...تلعب بيها
علاء: بس هي موافقة يابوي
ابوعلاء: مضطرة مسكينة لان هاذا الحل الوحيد اللي يخلصها من خالها زي ماقلت...تزوجها وطبطب عليها تكسب فيها أجر
علاء ساكت والحيرة علي وجه مش عارف كيف بيتصرف خصوصا بعد كلم لجين ووافقت..مايقدرش يتراجع توا...اذكر شرطها واطمئن شويا لان بعدين هي اللي حتطلب انه يطلقها وبوه أكيد مش حيعترض
ابوعلاء: امتي بتقروها الفاتحة؟!
علاء: اليوم مع صلاة الظهر..
ابوعلاء: خلاص جيب الشيخ اهني وجيب معاك هيثم.. نبي كل شي قدام عيوني
علاء: حاضر 😓
~~~~~~~~~~~~~~~~~~~~~~
أنت تقرأ
ياريتني
Romanceالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
