علاء:😳
الشاب: اي زي ماسمعتو...أني نبيها بنتك ياعمي
الحاج علي مصدوم وساكت...
يوسف: خلاص يابوي مانقدروش نقولو لا لولد عمها...هو أحق بيها
وقف علاء بعصبية: انت شن تخرف ولد عمها شنو ؟! و علاش ماطلبها من قبل والا توا إحلوت في عينه 😡
الشاب: ماكنتش نعرف إني نبيها الا توا 😏
علاء ضحك بأستهزاء: بالله عليك...ترا سلم ولدي خلينا نكملو أمورنا علي خير
الشاب: تي والله ماهو تام فيها حاجة...أني نبيها البنت
ضياء تعفلق: بضم فمك والا نخربهولك
يوسف: احترم نفسك يافرخ 😡
ضياء: فرخ في عينك...😡 ووقف بيتلاحقه
ابوعلاء مسك ولده من إيده: ضياء 😡 خلاص....شنو ياحاج علي علاش ساكت قول حاجة
الحاج علي حاط إيديه علي راسه: شن تبيني نقول
علاء: قول كلمة حق ياعمي 😨
ابو علاء: البنت طلبناها وماقلتش في حد يبيها
يوسف: وطلع ولد عمها يبيها شن صار يعني 😏
ضياء: انت مايكلم فيك حد😏...نكلمو في عمي علي 😡
يوسف:تي سكر فمك انت 😒
ضياء: تي انت شكلك تبي ترباية....وينوض يتلاحقه وبدو هبك في بعضهم
علاء: ضياء 😡
الحاج علي: يوسف اتحشم ياولد😡
حزوهم من بعض وتفركشت الحكاية..الحاج علي روح بولده وولد خوه وضياء روح مع علاء وبوه...
والفاتحة ماصارش منها....
الاء تلقتهم تجري: شنو نزغرط 😀
علاء مازادش ولا كلمة خش للمربوعة وسكرها عليه...
الاء: خيركم....وخيره علاء؟؟
ضياء: بري جيبي ثلج..خلي نحطه علي عيني
الاء: خيرك أكيدة درت فالطة 😏
ضياء: الاء بري مش وقتك توا 😡
ابوعلاء: ارتحت توا لما فركشتها
ضياء: يابوي هما اللي فركشوها...لا ومعاها الحاج علي يقولك شن بنقول...واضح انه موافق معاهم ....
ابوعلاء تنهد: استغفر الله العظيم من كل ذنب عظيم....برا شوف خوك...وبعدين ساهل تو نشوفو حل...
~~~~~~~~~~~~~~~~~~~~
فتحت نجاح عيونها لقت هيثم متكي ويتفرج عليها....
هيثم بأبتسامة: صباح الورد
نجاح جبدت الغطا علي وجها بخجل: صباح النور
هيثم: 😂 خيرك
نجاح: علاش تشوفلي هكي
هيثم: لا والله شي😂 نستني فيك ليا ساعة تفيقي ياكسولة 😁
نجاح شهقت: كم الساعة توا؟!.😨
هيثم: الساعة 2
نجاح: تبصر 😨
هيثم: والله العظيم 😁.
نجاح: كله منك...كل مانقولك نرقدو تقولي مازال 😪
هيثم: الحديث معاك لايمل الصراحة 😂
نجاح: هيثم 😣
هيثم: هههههههه.باه خلاص سكتت 🙊😁..قرب منها وطبع بوسة علي جبينها: الف مبروك
نجاح: مبروك علينا
هيثم: ربي يقدرني ونسعدك يارب 😊
نجاح ابتسمت : يارب....فطرت؟!
هيثم: معقولة نفطر من غيرك 😍
نجاح: باه اطلب الفطور علي ماخديت دوش....
هيثم: اوكي....وخلي بالمرة نتصل بعلاء نباركله أكيدة فرحان بيطير فاتحته اليوم عاد
نجاح: باركلي ليه...وربي يتممله علي خير
نجاح مشت بتاخد دوش ..وهيثم ضرب علي علاء...
علاء بصوت يذوبك طالع: ألو...مبروك ياعريس
هيثم: الله يبارك فيك...ومبروك ليك حتي إنت...والله تمنيت نكون معاك ياصاحبي
علاء: علي شنو ياحسرة 😪
هيثم: تي كيف صار؟!
علاء: ماصار شي..الحكاية تفركشت 😪
هيثم: تي فهمني شن قاعد تقول 😨
حكاله علاء علي صار كله....كان يتكلم بحسرة وألم وحاس كأنه روحه بتطلع منه...
هيثم: كيف هكي 😱 شن لعب هوا
علاء: مانعرفش والله راسي بينفجر 😣
هيثم: أسمع مسافة الطريق وجايك...نمشو لعمي علي ونتفاهمو معاه
علاء: لا لا اليوم صباحيتك ياراجل مايصيرش
هيثم: لا صباحية لا هم....شويا ونجيك
طلعت نجاح لافة الفوطة علي جسمها: جهزتلك الحمام كان بدوش 😍
هيثم: ناخد دوش ع السريع....وغيري حوايجك بسرعة...نحطك عند أمي... بنمشي لعلاء ضروري
نجاح: علاش شن في ؟!
هيثم: بعدين نحكيلك....ألبسي بسرعة
نجاح: حاضر
~~~~~~~~~~~~~~~~~~~~~
أنت تقرأ
ياريتني
Romanceالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
