علاء بعد علي لجين بهدوء وهمسلها:أسف
لجين تشوفله وساكتة...
علاء يحاول يخفي ارتباكه حط إيديه في جيوبه بتوتر: بننزل نوصي علي اعشي جعت انتي ماجوعتيش....وطلع من الدار
لجين رجليها معاش رفعوها قعمزت ع السرير وإيدها علي قلبها اللي بيتقلع من مكانه وتمرر في صوابعها علي شفافها تحاول تستذكر الاحساس اللي قبل شويا..
نزل علاء للمطعم وصاهم ع العشي وطلب طاسة قهوة قعمز يشرب فيها..وكل تفكيره في اللي صار فوق...
لجين اتصلت بربا..ماعندهاش غيرها تلجأ ليها في وقت زي هاذا بالذات...
لجين: ربا الحقيني 😓
ربا: شو بكي 😕
لجين: علاء ياربا...علاء 😪
ربا: شو ؟ عصب عليكي من جديد 😕
لجين: لا باسني 🙈
ربا: شو 😳.. الف مبروك 😂
لجين: 😓
ربا: نيالك 😍 ...وليش زعلانة
لجين: مش زعلانة... خايفة
ربا: من شو؟!
لجين: من اللي حيصير بعد ال 👄
ربا: لاتخافي أكيد أحلي من ال 👄 اللي رح يصير 😂بعدها 😉
لجين: سخيفة 😏.. نقصد خايفة من علاء نفسه.. طلع كأنه بيهرب مني وعندي إحساس انه نادم علي صار 😪 قالي أسف..معناها أكيدة حاس بالندم وبيكرهني اكثر 😢
ربا: لا لجين لا تبالغي
لجين: باه علاش نزل وخلاني بروحي...
ربا: يمكن عندو شي ضروري
لجين: لا قالي جعت بنمشي نطلب العشي 😪
ربا حاولت تخفي استغرابها من الموضوع: أأأ....حبيبتي لاتفكري هيك...هاي ردة فعل طبيعية ..بئصد انو يمكن خاف يحرجك او يضايئك لانو تسرع فتركك براحتك
لجين: بس هوا يعرف إني نحبه ونبيه كيف بيضايقني لما يقرب مني..والله محتارة وحيرني معاه 😪
ربا: طيب بس يرجع حاولي تحكي معو
لجين: شن تبيني نقوله 😓
ربا: اي شي...مثلا كتير كانت 👄 حلوة او هيك شي 😂
لجين: سخيفة 😏
ربا: ههههههه..اي علي فكرة عندي مفاجأة كتير حلوة الك😌
لجين: مفاجأة شنو؟؟؟سمعت صوت المفتاح في الباب....خلاص ربا بعدين نكلمك ...سلام
علاء حاول يبان عادي: جبت العشي تعالي
لجين:أه....اوكي 😕
علاء قعمز ولجين في جنبه..: طلبت حوت قبل خاطري في محاشي بس انتي ماتحبيش الكوسة.
لجين: عادي كان طلبت ليك واني طلبتلي حوت.
علاء:مرة ثانية ان شاء الله وقعد ياكل بصمت..
لجين تشوفله و في خاطرها" معقولة يتصرف عادي وماكأنه في شي صار 😕..يقهر الصراحة 😣
علاء حس بنظراتها ليه...قام راسه: شن ماعجبكش الحوت؟!
لجين طارتلها من محاولته لتجاهل الموضوع والهروب منه كأنه ماصارش: أصلا مش جعانة...بنمشي ناخد دوش...وناضت
علاء تنهد وحاول يكمل ماكلته
~~~~~~~~~~~~~~~~~~~~~~~~
رجعت نجاح لحوشها...ردينة مقعمزة تتفرج علي طيور الجنة...وأول ماشافت بوها مشتله تجري: بابا حبيبي😍
هيثم: حبيبة بابا..أيهومي وين؟
ردينة: راقد عند احنينة
هيثم: وانتي شن اديري مازال مارقدتي؟
ردينة: نبي نرقد معاك 😚
هيثم: مية مرة قايلك النوم في سريرك
نجاح:خليها هيثم اليوم؟
هيثم: لا وساد من الدلع 😒
ردينة:😭
نجاح: خلاص رودي حبيبتي ..عندي ليك مفاجأة حلوة
ردينة: سنو 😢
نجاح: مش تبي بيبي من السوق☺
ردينة بعدم اهتمام: لا لا خلاص مانبيس 😌
هيثم: شنو 😨 مش قلتي يابابا خودلنا واحد
ردينة: لا بابا خلاص...اعييي البيبي عياط
هيثم: 😕😕
ردينة: أني بيبي بس...😌
هيثم شاف لنجاح بقلة حيلة: البنت هاذي بتجلطني علي فكرة 😣
نجاح: ههههههه... والله بنتك هاذي عسل الصراحة
هيثم لردينة :خلاص توا وصينا عليه وبيجي بعد 8شهور
ردينة : بابا مافيس داعي تكذب عليا😏 قول ان عمتو نجاح حامل وخلاص
هيثم ونجاح شافو لبعض بصدمة 😳" ياهمي معاش في صغار 😂"
نجاح: منين جبتي هالكلام دودي 😕
ردينة: هكي يقولو في التلفزيون 😁
هيثم: بنمشي للدار بالله جيبيلي حبتين بنادول عندي صداع😒
نجاح: ههههههه حاضر
~~~~~~~~~~~~~~~~~~~~~~~
طلعت لجين من الدوش وتفاجأت بعلاء راقد ع الكنبة ويقلب في قنوات التلفزيون... زادت طارتلها...نحت الغطا من ع السرير وامتدت...
علاء: الساعة كم غدوة بتمشي للمكتبة؟!..
لجين: مانعرفش امتي ماتفيق...
علاء: تمام...معناها نمشو بدري خير عشان نلحقو نروحو...
لجين: ...........
علاء:تبي تتفرجي علي حاجة والا نقلب براحتي...
لجين مقهورة وحاسة روحها بتنفجر وبنرفزة: مانبي شي دير اللي يريحك😡 وغطت وجها
علاء: نفيقك الفجر؟
لجين:.....
علاء: نكلم فيك..
لجين:.........
علاء قعمز يشوفلها بحيرة علاش ماتردش عليه معقولة لحقت ترقد...لاحظ رجفتها تحت الغطا عرف انها تبكي...
مسح علي وجه بتعب... وناض لعندها قعمز علي طرف السرير: لجين!
لجين: ........
علاء: باه علاش تبكي نبي نفهم ؟
لجين بصوت مخنوق: ماليكش علاقة بيا
علاء: تعرفي الكلمة هاذي تنرفز فيا فكيني منها 😡
نحت لجين الغطا بنرفزة وكانو دموعها مغرقات عيونها: ايوه...انت ديما يهمك نفسك وبس عمرك مافكرت فيا ولادرت حساب ليا او لمشاعري....تحسابني لعبة تلعب بيا زي ماتبي 😭 اني كرهتك ياعلاء كرهتك
علاء قعد يشوفلها شويا لف إيده علي خصرها وحضنها
لجين هرب عليها الضي و معدل ضربات القلب زادت 😂
علاء: لجين عارف ان تصرفاتي أحيانا تجرح فيك..بس والله مش قصدي.. أني اللي مانعرفش نتصرف..😪 سامحيني
لجين ضرباته بقوة علي ظهره: حرام عليك والله حرام عليك 😭
علاء: أه ظهري 😣
لجين: وجعتك؟ أسفة 😢
علاء ابتسم علي حنيتها: لا عادي.. تسمحيلي نرقد جنبك
لجين: لا 😒
علاء: ههههههههه...امتد ع السرير وخداها في حضنه: نبي منك تعطيني وقت يالجين...خلينا نبدو مع بعض بشكل صح عشان لانجرحك ولا تجرحيني
لجين: باه نبيك توعدني
علاء: نوعدك بشنو؟
لجين: تكون جنبي علي طول...حتي لو ماقدرتش تحبني..المهم خليك جنبي معاش عندي غيرك في الدنيا😢
علاء: حاضر نوعدك...باهي هكي
لجين: باهي... وزادت دفنت راسها في صدره..
~~~~~~~~~~~~~~~~~~~~~~
في الصباح....
فتح علاء عيونه وكانت لجين راقدة بطريقة غريبة متكمكمة بالبطانية وحاطة رجل علي رجل...
علاء:😂😂 خيرها هاذي...لجين...لجين
لجين: امممممممم
علاء: تي فيقي..تجكتري حتي في النوم 😁
لجين فتحت عيونها: شنو؟
علاء نحا الغطا وناض: هيا وقت ع الكلية....صحصحي
قعمزت لجين تتكسل : الساعة كم توا؟
علاء: الساعة 7 فاتنا الفجر كله منك😒...
لجين: شن دخلني أني 😳
علاء: مش عارف بس شكلي انسجمت في النومة 😁
لجين وجها تحمرط: باه هيا خش للتواليت...عشان نخش بعدك🙈
فطرو وغيرت لجين حوايجها عشان تلحق ع الكلية....
علاء: خلي ننزل نسخن السيارة
لجين: اوكي..
في السيارة...
فتحت لجين الباب وركبت....
علاء: هاذا شنو؟
لجين: هالطنبور اللي مدايرتيه 😡
لجين: أه...شنو؟
علاء: اللي في راسك...
لجين: هاذا شعري
علاء: نزليه تحت شوي....الحركة هاذي ناهي عليها الرسول..هالطنبور اللي اديرو فيه تقول جامع 😒.
لجين: اول مرة نعرفها ...خلاص مرة ثانية معاش نديرها
علاء: انزلي توا قدامي فكيه 😡
لجين: علاء وقت عليا توا😣..
فتح علاء الباب : انزلي قتلك 😐
نزلت لجين وهي تبرطم ومش عاجبها.....رجعو للدار ....
وقفت ع المراية وفكت الوشاح تساوي في شعرها
قعمز علاء ع الكرسي يستني فيها....
لجين: هكي كويس
علاء: زيدي نزليه 😒
لجين: هكي 😒
علاء وقف: هاتي جاي...ظفرهولها قرن ودخله في حوايجها
لجين : إيدك امصقعة ..اي 😣
علاء: وينه امصقعة وزاد حطها علي ظهرها بمكر
لجين كأنها ترقص: علاء نحي نحي 😣
علاء: 😁 هيا وقت.....
لجين: لحظة نلف الوشاح....
علاء: هاتي نلفهولك...معاش نحزو كان بنستناك 😒
لفهولها ع السريع مع الحرص علي تدخيل الشعر كله من قدام...
لجين: تي باهي خلاص ماطالع شي 😣
علاء: نتأكد شن فيها.... بعد ماكمل باس جبينها: هكي أحلي
لجين بفرحة: جد؟
علاء: أكيد...هيا بسرعة تأخرنا...وطلع
لجين بصوت واطي: يااااس ياااااس
علاء : هياااا😣
لجين: أه.....هيا هي 😁
~~~~~~~~~~~~~~~~~~~~~
مر اليوم عادي بدون احداث مهمة.....خدت لجين كل المراجع اللي تبيهم من المكتبة.....وبعد الغدي تسقدو طول عشان يوصلو قبل الظلام لمدينتهم....
لجين طول الطريق راقدة وتعبانة ...
مع المغرب وصلو.....
علاء: لجين فيقي....
لجين تحك في عيونها: شنو؟
علاء: فيقي هيا وصلنا ياخميرة نوم 😒...انتي بصراحة ماتترافقيش في السفر..
لجين تتاوب: نحس في روحي مازال نعسانة
علاء: باه بترقدي اهني يعني...انزلي كملي نومتك لداخل.
لجين: السلام عليكم
ابوعلاء والاء: وعليكم السلام
ابوعلاء: أنستو يابنتي
الاء: علاء وين...
لجين: قاعد تحت يجيب في الشناطي .
الاء: زعما جابلي اللي وصيته عليه..
لجين: أكيد...هوا يقدر يزعل للوشة
علاء: السلام عليكم
ابوعلاء: وعليكم السلام...الحمد لله ع سلامتكم
علاء: الله يسلمك
لجين: نستأذنكم بنمشي نرقد
ابوعلاء: خودي راحتك يابنتي ...
مشت لجين لدار الاء...
علاء باارتباك :احم احم لا ارقدي اهني في الدار الثانية
لجين: ماشي....خشت للدار وارتمت ع السرير بتعب ورقدت...
حط علاء الشناطي بااستغراب من تعب لجين الواضح....سكر عليها باب الدار وطلع....
علاء: شن تعشيتو والا نمشي نجيب جاهز؟
ابوعلاء: ارتاح ياولدي انت كيف واصل من السفر...
علاء: لا عادي...نبي نمر علي هيثم..تو نجيبيلكم معاي....
الاء: نبي شاورما...
علاء: حاضر من عيوني
~~~~~~~~~~~~~~~~~~~~~~~
قبل مايمشي علاء للمطعم مر علي هيثم....
هيثم: اووو أنست...
علاء: الله يأنسك..شن الاخبار
هيثم: الاخبار عندك 😉
علاء: ماعنديش مانخبرك 😒
هيثم: 😁 باه
علاء:شن اخبار دودي؟
هيثم: البنت هاذي غلبتني الحق...تصور ياراجل نزلبحو فيها ونسايسو علي خاطر حمل نجاح وكيف بنقولولها الخبر...تقولي بكل بساطة يابابا مافيس داعي تكذب عليا قول عمتو نجاح حامل وخلاص😓..
علاء: 😂😂 البنت هاذي ابداع
هيثم: بتهبلني الحق 😒
علاء: يارب نحصل بنوتة ملسنة زيها
هيثم: شد حيلك بس ولجين تجيبلك احلي بنوتة 😉
علاء: جو الخبث فكنا منه 😒
هيثم: خلينا نتكلمو بجد...قصدي لامتي بيقعد وضعكم هكي متزوجين ومش متزوجين...انت راجل تعرف ربي... واكيد تعرف ان هالوضع حرام
علاء: عارف والله عارف.... وقاعد نحاول ننسي الماضي ونشوف الحاضر يمكن يكون أحلي
هيثم: وهاذا الصح ...وربي يوفقك
علاء: ان شاء الله... تعرف كنت ظالمها لجين هي في داخلها نظيفة بس يمكن مالقتش من يوجهها صح.. وفي نفس الوقت عمرها الصغير ليه دور لتصرفاتها الطايشة...
هيثم: خلاص ساعدها وخليك جنبها
علاء: وهاذا اللي بيصير وان شاء الله ربي ينزل المودة والحب بينا...
هيثم: تعرف انها تموت فيك..
علاء: نعرف والله العظيم نعرف....ونبي نحاول نبادلها نفس الشعور غير نبي شوي وقت.....
هيثم: ربي يهدي سركم
علاء: ان شاء الله... هي سلام توا ...خلي بنمشي نجيب اعشي للحوش...
هيثم: سلام....غدوة نجيب نجاح غاديكا ان شاء الله
علاء: وانت طيب...هي تصبح ع خير
~~~~~~~~~~~~~~~~~~~~~~~
روح علاء للحوش......
الاء: تي وينك علوش متت بالجوع 😣
علاء: خدتني الهدرزة مع هيثم...سامحوني....لجين مازال راقدة؟!
الاء: اي شكلها تعبانة من الطريق
علاء: غريبة...
ابوعلاء: شن تميتو أموركم؟
علاء: اي خدت الكتب اللي لازمنيها...
ابوعلاء: باه كويس
علاء قعمز: هيا تعالي للوش خلي ناكلو
ابوعلاء: ومرتك؟
علاء: كولو انتم..وتو انحيلها حصتها
الاء: خلي نمشي نجيب عصير ونجي..
قعمزو ياكلو...ضرب تليفون علاء وكان ضياء...
علاء: ايوه...تي وين؟ باهي اللي اذكرت عندك أهل؟
ضياء: ههههههه شن الجو؟
ابوعلاء: منو هاذا المظلول 😏
ضياء: سلملي عليه الحويج 😂
علاء: امتي بتروح ياولد؟
ضياء: ان شاء الله غدوة كان سخر ربي
علاء: شن تميت موضوعك؟
ضياء: كل شي امشي تمام التمام...واحسن من التمام معاها 😁
علاء: باهي كويس
ضياء: خلاص بنسكر... المكالمة غالية هلبا 😁
علاء: مع السلامة...وغدوة كلمني وقولي امتي توصل الطائرة عشان نستناك
ضياء: ان شاء الله
ابوعلاء: شن امتي مروح؟!
علاء: قال غدوة...
الاء: بيجينا شياط الريق كنا مرتاحين 😪😒
علاء: 😁 .عيب عليك هاذا خوك يابنت....وقف: خلي بنحط هاذم في المطبخ...ماتغسلي شي للوش...مع الفجر تو نغسلهم...بنمشي نرقد توا نعسان بكل.....
الاء: حاضر....
غسل علاء إيديه وطق علي باب الدار بتردد......
لجين: تفضل....
علاء: احم احم... فقتي
لجين: اي بنكتب البحث
علاء: توا 😕
لجين: اي ضروى نزبطه عشان غدوة يقعدلي ع السحب
علاء: هاتي نساعدك في شي....
لجين: لا لا ارتاح انت اكيد تعبان من الطريق....
علاء جبد شرشف من الدولاب وامتد ع السرير....
لجين: بترقد اهني؟!
علاء: ماتبيش نرقد اهني قصدك
لجين: لا لا لا مش قصدي
علاء: اها نحسابك 😒....نجيبلك تتعشي
لجين: ماخاطريش...
علاء: ع العموم كل شي قاعد في المطبخ كان تبي تاكلي
لجين: باه...قعمزت ع الكنبة وتشتغل ع اللاب...اما علاء خداته نومة من التعب..
.لجين كملت شغلها...ومشت للمطبخ خدت طاسة عصير.. .ورجعت للدار ...
علاء فاق علي صوت الباب: قاعدة ساهرة؟!
لجين: لا خلاص كملت....
علاء: باه تعالي ارقدي.....
لجين: علاء قصدك بنعيش اهني معاكم....
قعمز علاء ع السرير: مانعرفش بس انتي شن اللي يريحك؟!
لجين: انت عارف شن نبي؟!
ابتسم علاء: خلاص معناها بنعيشو اهني
لجين: وحوايجي وحاجاتي...
علاء: غدوة نمشو نجيبوهم....
لجين: جد؟!
علاء: حيرتيني معاك انتي شن تبي؟ مش هاذا اللي تبيه .
لجين هزت راسها بابتسامه: اي
علاء: خلاص تعالي ارقدي واطفي علينا هالضي بنرقد
ناضت لجين من مكانها بفرحة طفت الضي وامتدت جنب علاء اللي رجع رقد من جديد.....قربت منه بشويا وباست خده بحب: ربي يخليك ليا.....غطت وجها ورقدت ....
فتح علاء عيونه وابتسم....بعدين سكرهم من
جديد.....
أنت تقرأ
ياريتني
Romanceالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
