علاء مخلوع: لجين فيقي الساعة 10
لجين من الصدمة جت واقفة: شنو 😱 حي عليا موعد المحاضرة.
علاء: علاش ماعدتلي المنبه😳
لجين: كنت نحسابك حتفيق بدري توصل الاء وتفيقني
علاء: الاء مش درنالها حافلة 😪
لجين: واني شن بيعرفني 😓
علاء: باهي..غير بدلي حوايجك بسرعة خلي نلحقو ع المحاضرة
لجين : هي اتم 10😢 معاش في وقت..حي عليا بنسقط كان ماسلمت البحث 😭
علاء: تي انتي غيري حوايجك وساهل 😣...خلي نطلع نسخن السيارة ع السريع....
خشت لجين للتواليت تجري...طلعت نحت قميص البيجاما ...قعمزت ع الوطا وفتحت الصاكو ادور في عبايتها بتلبسها..تاخد وتقلب محتارة...
فتح علاء الباب بسرعة: شن كملتي 😨 واستاكه لما شافها ....
لجين : مالقيتش عبايتي 😭
علاء بتوتر: احم احم...كيف مالقيتيش عبايتك😣..ترا وريني... وقعد يقلب معاها...
لجين من الربكة والخوف ايديها يصرفقو زي المروحة...
علاء: تي خيرك ترعشي...اقسم بالله لما تسلميه اليوم البحث كان نمشوله في الحوش الدكتور...
لجين: 😢 زعما...
علاء مرر إيده علي ذراعها ع أساس بيطمنها بس حس بقشعريرة في جسمه من لمسته ليها....تلخبط وارتبك...
وقف بغضب: تي وين حطيتيها الزفت 😡
لجين: 😭 كانت اهني والله
علاء: باه البسي اي حاجة هيا سقدينا..
لجين: عادي نلبس قميص وسروال😶
علاء: قهرتك...😡..أنسي...
لجين: 😭 باه كيف اندير ماجبتش غيرها معاي
علاء: اوووف...تو نمشي نشوف المحل اللي جنبنا أكيد فاتح ناخدلك وحدة ونرجع...
لجين: هكي بنتأخرو
علاء بعصبية: لجين 😡 ماتخلنيش نكسرلك رقبتك...انتي جهزي حاجاتك والبحث وتو نجي ع السريع....وطلع...
لجين نحت سروال البيجاما بتلبس الجينز....فتح علاء الباب علي غفلة...
لجين وعلاء عيطو في نفس الوقت 😂
لجين قعمزت ع السرير وغطت رجليها: شنو 😨
علاء امغمض عيونه ومنرفز: كم تلبسي؟😣
لجين: 40😓
علاء: باهي😣....قربع الباب وطلع..
لجين:😂😂 طروح وخلاص..كملت لبسها... وبتاخد وشاحها واالاب من ع الكنبة لقت العباية في شنطة اللاب....😓😓 حي عليا حي 😱😢
~~~~~~~~~~~~~~~~~~~~~~~
فطرت نجاح عزوزتها وأيهم فطر وامشي للروضة..أما ردينة دارتلها عياطات عشان ماتمشيش للروضة مع خوها..
هيثم مقعمز ع السرير وردينة متكعبشة في رقبته: باه نحي خلي بنمشي نتوضا ونصلي...😒
ردينة: لا لا ماتخلنيس بابا😭😭
نجاح تشوف لهيثم بااستغراب: خيرك دودي امريضة انتي
ردينة كشخت علي نجاح و ماردتش عليها
هيثم: عيب عمتو تكلم فيك ردي عليها 😡
ردينة : 😭😭
نجاح غمزتله: خلاص هيثم خليها براحتها..
هيثم نحاها من عليه: اللهم جيبك ياطولة البال اقعدي اهني نخش للحمام ونجي...
ردينة بعبرتها: باه 😢
خش هيثم للتواليت...وردينة امشت تجري وقفت جنب الباب تستني فيه...وتشوف لنجاح بنظرات ع الجنب كلهم شر وحقد 😏
نجاح قعمزت ع الكنبة: دودي نديرلك اعصيدة
ردينة: لا 😏
نجاح: باه كورن فلكس
ردينة: لا 😏
نجاح: باه شن تبي تفطري ☺
ردينة: سي 😏
نجاح: باه براحتك
ردينة:😏
طلع هيثم: نجاح ترا مديلي المنشف..
وقبل مايكمل كلمته مشت دودي تجري مدتهوله: هاك بابا 😘
هيثم: صحيتي...وقعمز جنب نجاح ينشف في شعره...
ردينة تشوفلهم بنرفزة وجت تجري قعمزت بينهم ..تباعد في نجاح علي بوها...
هيثم: انتي خيرك مامشتيش للروضة؟
ردينة: أه😓....مريضة ..بطني توزع فيا
هيثم: 😒
نجاح: تو ندير لابنيتي طاسة حليب فيها عسل وتصح
ردينة: 😏
نجاح غمزت لهيثم: بعد تكمل تعال ساعدني في المطبخ باهي... وصاحبنا حاول تلهيه في حاجة
هيثم: صاحبنا ناوي النكد شكله
نجاح: 😂😂
ردينة تشوفلهم بنظرات شك: 😐
نجاح: احم احم... خلي نمشي نوتي الفطور...
هيثم:دودي بري لدارك تفرجي ع طيور الجنة اني بناخد دوش
ردينة: مس توا كنت في الحمام..علاس ماخديت دوس 😒
هيثم: ردينة 😡 ماتعصبنيش بري لدارك
ردينة خافت: باه...😙😙 مممممما بابا حبيبي اني بس
طلعت ردينة....استني هيثم شويا وامشي لنجاح في المطبخ
نجاح: ههههههه بالله كيف هربت منها...هالبنت ماتزلبح
قعمز هيثم ع الكرسي وحطتله نجاح سفرة الفطور: مش عارف خير دعوتها الهبال اللي ادير فيه 😒
نجاح: هاذي غايرة من البيبي اللي بيجي 😁
هيثم : زعما 😕
نجاح: شوف كيف كارهتني حتي اني...خايفة نفضلوه عليها
هيثم: ممكن.. بس هاذا قبل مايجي هكي...بعد يوصل كيف
نجاح: الله غالب بنسايسوها شوي شوي...وحتي انت ماتعصبش عليها وتحملها...هو تبي الحق المفروض ماخبرناها ع الحمل
هيثم: تي هي اللي خبرتنا مش احني 😁 ...قلنالها وصينا علي بيبي قالت عمتو نجاح حامل
نجاح:😁😁 المهم خليك حذر في التعامل معاها...الصغار صعبين لما يتحسسو
هيثم: خايف تقولك كلمة او اديرلك موقف تزعلك
نجاح: لا لا ماتخافش نعرف كيف نتعامل معاها...
جبدها هيثم من خصرها وقعمزها علي فخده: ربي يخليك ليا يارب..وقرب بيبوسها
نجاح حطت صبعها علي شفافه: هيثم فكنا من هالحركات تو كان تخش علينا تقلب الدنيا
هيثم: والله عقاب فصعونة بنخافو منها😡..
ردينة: بابا؟ بابا وينك؟
هيثم بعد نجاح من عليه بسرعة: اني هنا يابابا 😣
نجاح: صار قتلي مانخافوش منها 😂
هيثم: 😂😂
~~~~~~~~~~~~~~~~~~~~~~~~
لبست لجين عبايتها بسرعة وطلعت قعمزت في الصالة جنب شيبانيها...عشان تضمن ان علاء مايكسرلها رقبتها علي قلة انتباهها...
فتح علاء باب الشقة وخش بسرعة في إيده كيس فيه العباية الجديدة....تفاجأ لماشاف لجين بعبايتها....
ابوعلاء: تو باهي هكي أخرتها البنت علي محاضرتها
علاء شاف للجين بنظرة تهديد ووعيد
لجين: 😓
علاء: لا عندك حق يابوي أني اللي أخرتها فعلا😒..هيا تحركي قدامي
نزلو وركبو في السيارة
لجين قبل مايقول علاء اي حرف بدت تحلف وتتقسم: والله والله...نترزي في صحتي ماكنت تعرف انها قاعدة...والله والله
علاء لا اراديا ابتسم علي حركاتها الطفولية.. تقول طفل ومداير عملة كيف خايفة وتبرر...
لجين: وعلاش تضحك 😒 هاذا اللي صار
علاء:😁 باه...خلاص سامحتك
.وصلو للكلية....ونزلت لجين بسرعة ممكن تلحق ع الدكتور قبل مايروح....
علاء: تو نستناك اهني باهي...كان تبيني اتصلي بيا...
لجين: باه.....ومشت تجري....
ضرب تليفون علاء وكان هيثم.
علاء: ايوه هيثم...
هيثم: اهلا بالعريس 😂
علاء: ضم فمك 😒
هيثم: هههههه... أسمع ربا اتصلت بنجاح وجاية مع ضياء في نفس الرحلة وتبيها مفاجأة للجين
علاء: بالله عليك
هيثم: والله زي مانحكيلك... ونجاح قالت بنديرو اعشي كبير في حوش المرحوم....معناها بعد المغرب جيب لجين وتعالا...
علاء: ضياء هاذا بيجنني كيف يجيب البنت هكي معاه...واهلها وين طالقينها مع واحد غريب
هيثم: انت عارف عندهم عادي ياراجل
علاء: حتي ولو الدين واحد....
هيثم: غير مشيها توا ياشيخ ودير زي ماقتلك
علاء: باهي تم😒..مع المغرب نكون عندكم ...سلام ..
شاف علاء لساعته: خيرها تأخرت هاذي....خلي نمشي نشوفها
نزل علاء وسكر السيارة....كان في كراسي قدام قسم لجين قعمز عليهم يستنا فيها.....
طلعو زوز شباب من القسم....وقفو يهدرزز
الشاب الاول: ريتها بعد الحجاب زادت احلوت اموليا طرف مانحكيلك
الشاب الثاني: اي عجبتني الصراحة كيف التزمت...حتي تصرفاتها تغيرو لاحظت
الشاب الاول..اي والله.... تعرف كان نعرف حوشهم اليوم العزيز تكون عندهم...تخطبها
الشاب الثاني: جمال لبنانيات فيها.... طرف الحق
الشاب الاول: قالو امها لبنانية وبوها متوفي ومعقبلها فلوس ورزق ماتاكله النيران
الشاب الاول: ياوالله نهار سعيد...معناها اليوم بنعكسلها اهني لين تطلع ووراها لين نعرف حوشهم
علاء: 😡
طلعت لجين من القسم فرحانة: علاء !!
وقف علاء وعيونه ع الشباب: شن لقيتيه الاستاذ 😒
لجين: اي الحمد لله وعطيتهوله
علاء: باه.... ومسك إيدها قصدا: هيا نمشو لمكان نفطرو طلعتي من الحوش من غير فطور...ويعلي في صوته
الشباب الزوز نزلو روسهم وخشو في بعضهم....
لجين بفرحة: باه 😍
~~~~~~~~~~~~~~~~~~~~~~
أنت تقرأ
ياريتني
Romansaالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
