فاقت لجين علي رنين تليفونها المزعج وكانت ربا....شافت للرقم بنص عين 👀 ترددت شويا...حطاته ع السايلنت ودفنت راسها تحت المخدة...
ردينة فتحت الباب وخشت تجري: صباح الخير ياعلووووسة 💃💃
لجين نحت المخدة وابتسمت: شنو ؟!
ردينة: اي إنتي علوسة صح ؟! بس وين عمو علاء؟!
قعمزت لجين وهي تمسح علي شعرها: هاتي عطيني بوسة يافرخة 😙
ردينة: 😂...قعدت تشوف يمينها ويسارها وقربت من لجين نقولك سر 🙊
لجين بأنتباه: قولي
ردينة: راهو بابا وعمتو نجاح......
نجاح: دودي 😱
ردينة: سنو خلعتيني 😨
نجاح: بري بابا ينادي فيك 😒
ردينة قرنت حواجبها: وينه ماسمعتاس 😕
نجاح: أني سمعته بري شوفيه
ردينة تنهدت: باه....تو بعدين نقولك اخويلة لجين باهي 😊
لجين: باه 😁
نجاح: رايقة اليوم خير من أمس
لجين: دودي غيرتلي جوي تهبل ....نحت الغطا وخشت للتواليت
نجاح ترتبلها في سريرها وانتبهت للموبايل: ربا تتصل بيك راه
لجين فاتحة الدوش: شنو ماسمعتكش ؟!
نجاح ردت: أيوه ربا
ربا: صباح الخير عمتو...وينها لجين😩
نجاح: تاخد في دوش حبيبتي شويا وتعاودلك
ربا: اوكي بس تطلع خليها تحكي معي ضروري بليز
نجاح: حاضر
ربا: تسلميلي يارب....سلام
كملت لجين وتنشف في شعرها...
نجاح: بننزل اندير الفطور تعالي...واي حقا قتلك ربا اتصلي بيها ضروري
لجين: ..........
نجاح: سمعتيني
لجين: أه...اي اي ....تو نكلمها..خدت الموبايل قلباته يمين ويسار كل مرة بتتصل وتتراجع...أخر شي حسمت رأيها واتصلت
ربا: لجين؟! ليش ماعم تردي علي اتصالاتي 😢
لجين: زعلانة 😒
ربا: خلص والله أنا أسفة 😢
لجين: ........
ربا: رح تحكي والا والله العظيم مابحياتك بتسمعي صوتي 😢
لجين: أمس أني وعلاء تزوجنا
ربا: شو 😳
لجين تقول ماصدقت تربعت ع السرير وحكت لربا كل اللي صار ......
ربا: معئول 😳
لجين: مش عارفة نحس في روحي نحلم كل شي صار بسرعة..
ربا: معناها جية خالك طلعتي منها بفايدة 😁
لجين تنهدت: مانعرفش لو زواجي منه فايدة ليا او حيقضي عليا نهائي 😩
ربا: لا لا... علاء كثير طيب والله.. مستحيل يضرك...
لجين: نعرف...بس صده ليا هو اللي قاتلني
ربا: رح يحبك أنا متأكدة وحتئدري تزيحي الغمامة اللي علي عيونو
لجين: بس خالي بيسافر اليوم...ومفروض نطلقو بعد يمشي
ربا: يييييي بالسرعة هي
لجين: هكي كان الاتفاق
ربا: 😕😕 أكيد في حل...خليني فكر
لجين: فكري بشوي عليك وبعدين كلميني...بنغير حوايجي ورايا محاضرة
ربا: رح تروحي مع زوجك 😉😁
لجين: ههههههه 😒 بايخة....سلام توا
ربا: اوكي ....سلام
~~~~~~~~~~~~~~~~~~~~~~
علاء: تي قولي كيف ندير في عمري؟!
هيثم شاد ضحكته: الله غالب سايره وخلاص
علاء: شن بنساير فيه... هاذي حاجة مش ساهلة يبيها تسكن معانا...فاهم شن معناها
هيثم: أكيد هاذي مرتك وين بتسكن ؟!
علاء بعصبية: هيثم ماتنرفزنيش...انت عارف كل شي
هيثم: ياعلاء حاول ليش لا...رب ضارة نافعة بالك البنت تكون ليك نعم الزوجة
علاء: مانقدرش افهمني...قلبي وروحي متعلقات بغيرها تي افهموني الزفت
هيثم: وباه لامتي بتعيش علي ذكراها ان شاء الله ..هي تزوجت وعاشت حياتها وانت تبكي ع الاطلال يعني
علاء: مافيش حد يبي يفهمني 😣... خلاص خلاص...المهم بنقولك اليوم مش حنجي غاديكا بنرفع الحاجات للشقة الجديدة ونشطبوها
هيثم: مرتك عندها محاضرة علي من عابي بيرفعها 😁
علاء: 😒 ... وسكر عليه
هيثم: 😂
ضياء كان يستمع للمحادثة من بعيد: قصدك تزوجت لجين هكي وهكي
علاء يلف في علب الكرتون باللصقة: ضياء موضوع مش شورك هذا
ضياء: عارف...بس استغربت...قصدي لجين بنت كوسة
علاء: مافيش حد قال عكس هكي...لكن أني مانصلحش ليها ضياء: من أما ناحية ترا ؟!
علاء: من هلبا نواحي...حتي ود بينا مافي...والمودة هاذي أساس الزواج
ضياء: ممكن من ناحيتك انت بس
علاء: خلاص بالله سكرلي هالموضوع
ضياء: نقولك حاجة ...أول مااعترفتلي ربا بقصتها حسيت بالنفور منها مانكذبش عليك وانصدمت وقلت بيني وبين نفسي مستحيل نكمل معاها..علي الرغم من إني بينت العكس ...بس لما قعمزت وشاورت عقلي وفكرت شن ممكن نخسر لو تباعدت عليها لقيت روحي حنخسر هلبا أشياء وأولهم شعور الحب اللي حسيته معاها هي دون عن كل البنات اللي عرفتهم...والود اللي تحكي عليه توا...والمشاعر اللي كونتها اتجاهها في وقت قصير ...فقررت نتنازل عن المهم في سبيل الاهم ..وربي غفور رحيم احني مانغفروش يعني ...عشان هكي نقترح عليك تنازل شويا يمكن تكسب حاجات أهم مية مرة من التنازلات اللي قدمتها.... وفي النهاية تكون مبسوط
علاء سكت شويا: شكله ربا لحستلك عقلك ع الاخر انت 😒
ضياء: نحبها 😂
علاء حط إيده علي كتف خوه: حارب علي خاطر هالكلمة العالم كله وأوصل لحبيبتك...
ضياء: 👍 تبي حاجة من غاديكا؟!
علاء: سلامتك....
ضياء: خلي بنمشي نمر علي بزق الليف جماعتي بالك يبو حاجة.عارفهم كان يلقو نرفعهم معاي في الشنطة 😂
~~~~~~~~~~~~~~~~~~~
أنت تقرأ
ياريتني
Romanceالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
