ربيعة: الحقني علاء.....بويا طاح علينا لاكلمة ولانص كلمة
علاء: ياساتر 😨.... هي جايك لحظة بس... الاء بنمشي نشوف ربيعة ونجي
الاء: خيرها ؟!
علاء: بعدين نقولك.....وطلع يجري
الاء: ان شاءالله خير
لجين: شكله يحبها هلبا صح؟! 😏
الاء: اي بصراحة ربيعة بنت كويسة...لايقين علي بعض😊
لجين: ربي يهنيهم 😒... اعطيني الطواسي نصبو القهوة....
دخلت الاء القهوة للي في المربوعة...اما لجين قعمزت في الصالة جنب ربا متعفلقة.
ربا: شو بيكي؟!
لجين: مافيا شي...هيا امتي بنروحو قلقت 😑
نجاح: مسكين علاء متحمل كل هالمسؤوليات في راسه أخته وبوه والحوش أكيد آجار...الشاب هاذا كل يوم يكبر في عيني...
ربا: اي والله بيعئد علاء يؤبرني 😙
لجين نخصتها بقوة.. ربا: ايييي شو بيكي 😕
لجين: نشتك اوووف 😒
ربا: شو 😕
الاء: معليش عطلت عليكم 😊
نجاح؛ لا عادي ياحلوة....شن اخبار دراستك الاء؟!
الاء: الحمد لله علاء متابع معايا أول بأول وقالي كان تنجحي بناخدلك تعليقة ذهب 😀
نجاح ابتسمت لبساطة أحلامهم...وندمت مية مرة في خاطرها إنها في يوم ما كان كل همها المادة والفلوس وهاذا السبب اللي حرمها من أنها تكون زوجة وأم زيها زي أي بنت في صدئيني
لم....
ربا: بدي إسألك للوش...ضياء أخوكي هوا كمان خاطب او بس علاء
الاء ضحكت: ههههههه ضياء يخطب مستحيل...ضياء عكس علاء تماما....ومستحيل بنت تربطه...😁
ربا: 😕
هما قاعدين يتكلمو خشت عليهم ربيعة تبكي...
الاء وقفت: ربيعة ...شن فيك؟! 😓
لجين قعدت تشوفلها بتركيز تبي تشوف من هي البنت اللي قدرت تفوز بعلاء وقلبه وفي قرارة نفسها حقدت عليها لسبب هي للان مش فاهماته او تبي تتهرب منه...
ربيعة: بوي يا الاء بوي😢....انتبهت للموجودين: السلام عليكم
نجاح: وعليكم السلام...
الاء: اهدي ربيعة... غير قعمزي بس
ربيعة قعمزت في جنب لجين: صحيتي... سامحوني رعشتكم.... بويا عنده السكر وديما يهبطله فجأة بس هالمرة غير....حسيته حتي نفس معاش يتنفس.. 😢خويا متزوج ومايسكنش معانا ماعرفتش شن ندير اتصلت بعلاء...
نجاح: ان شاء الله خير...ماتخافيش تو يديرو الازم في المستشفي
الاء: هوا وين توا؟!
ربيعة: علاء جابني اهني ورفعه للعيادة 😢 مانعرفش شن صار فيه...
نجاح: ان شاء الله خير
ربيعة: يارب .... صبتلها الاء طاسة امية شربت وهدوها البنات شويا..
الاء: نعرفكم هاذي ربيعة خطيبة خوي علاء....ربيعة هاذي ربا ولجين ونجاح ....الحوش اللي يشتغل عندهم علاء
ربيعة شافت للجين: انتي لجين؟! اهلين 😊
لجين استغربت: اهلين بيك😕" شن قصدها انتي لجين...معقولة علاء حاكيلها عليا...باهي علاش؟! وشن حاكيلها بالزبط"
قعدو يهدرزو ويتعرفو علي بعض...نجاح وربا كانو منسجمات في الهدرزة اما لجين طول الوقت ساكته...
ضرب تليفون ربيعة وكان علاء...ربيعة: ايوه علاء طمني😓....... باهي الحمد لله.😪..ربي يطمنك يارب.😊..امروحين والا مازال؟! ......... اها اوكي....رد بالك علي روحك...
لجين قلبت وجها للجيهة الثانية بنرفزة.....وربا انتبهتلها
عبدالله من برا: هيا يابنات
لجين ناضت أول وحدة وكأنها تستني في اللحظة اللي تبعد فيها علي ربيعة...
سلمو عليهم وطلعو للسيارة.....تلاقو مع هيثم جاي لعلاء ومعاه ولده ...
نجاح ابتسمت لما شافاته ونزلت عيونها....وهيثم نفس الشي
عبدالله: اهلين هيثم..شن اخبارك؟!
هيثم: الحمد لله بخير...مشكور
عبدالله: منو هاذا ولدك؟!
هيثم: اي ولدي....ويشوف لنجاح كأنه مايبيهاش تفهم غلط..
قامت نجاح عيونها بصدمة"متزوج😳"
هيثم انتبه لنظراتها....استغرب وفرح في نفس الوقت لان تقريبا فهم سبب صدمتها
عبدالله: ربي يصون....والفترة الجاية جهز نفسك عندي سفرة للبنان عشان ترجع لعملك
هيثم: ان شاء الله
عبدالله: هي توا تصبح علي خير
هيثم: تلاقي الخير 😊
~~~~~~~~~~~~~~~~~~~~
فاتت الليلة علي أبطالنا بشكل مختلف.....
أنت تقرأ
ياريتني
Romanceالقصة منقولة من صفحة عالفيس اسمها 'قصص من عالمي' القصة رومنسية وفيها مشاعر مختلطة. طبعا القصة جزئين . الأول اسمها ياريتني . الثاني إسمها نسيت أنساك. إن شاء الله حنبدا انزل الجزء الأول ولو ف تفاعل حنزل الجزء للثاني
