The Superiors: Fallen (Book 6)

30: Tunnel Dilemma

"So, we're gonna wait?"

Napatingin sa langit si Brielle habang tinutuktok ng talim ng kutsilyo ang suwelas ng suot na boots. Nagusot ang mukha niya nang mapansing mukhang uulan pa dahil sa maiitim na ulap.

Tatlong minuto pa lang ang nakalilipas, naroon sila di-kalayuan sa tapat ng steel gate, nag-aabang sa pangako ni Josef na sampung minuto. Mataas bakod ng lugar na para bang may nakakulong na halimaw sa loob ng mga bakod na iyon.

"Ten minutes is impossible, I can't even stand there for a minute," sabi pa niya, at tiningnan ang mukha ng mga kasama niya.

Mukha lang silang nakatambay roon at naghihintay sa kasama nila bago umalis. Nakasandal sa gilid ng van sina Mephist at Razele. Nakatunghod naman sa pintuan ng likod ng van si Markus. Si Aspasia, sinusubukan ang hawak na crossbow na parang may gustogn asintahin.

"Hey, people—H-H-Hey."

Napalingon sa loob ng van si Markus. "Uh, guys . . ."

Mabilis siyang tumayo at tinungo ang pinagmumulan ng nagsasalita.

"Can you—h-h-hear me?"

Paputol-putol ang linya ni Josef. May mga pinindot na buton si Markus at luminaw na rin ang tawag.

"Copy. Copy," sagot ni Markus. "This is Neptune? Do you copy?"

Dumulog na ang iba sa loob ng van at nakinood ng mga nasa monitor.

Nakabukas ang camera ni Josef. Madilim ang nakikita nila pero mukhang ginagamit nito ang maliit na flashlight na kasama sa holster kaya may naaaninag silang kaunting liwanag.

"This is just a plain tunnel," sabi ni Josef na nag-fe-feedback na rin ang echo sa loob ng tunnel. "And I'm sure, this is not the Isola you're talking about."

"Actually, you need to walk another—"

"Wait." Biglang lumipat ang liwanag at na-focus sa isang pader. "I found a way."

Hinalbot ni Brielle ang microphone. "Don't tell me, wawasakin mo 'yang pader?"

Saglit na gumalaw ang ilaw at na-steady rin sa pader. Ilang saglit pa, gumalaw na naman ang ilaw at na-steady ulit sa pader.

"Guess I'm too experienced to know what I'm doing. And not stupid enough to punch this block, just so you know, Miss Warfreak."

"I so hate you, you arrogant son of a bitch, just so you know too," sagot ni Brielle sa kabilang linya.

"Guys, enough," pag-awat sa kanila ni Markus bago balikan si Josef. "Experienced how, Shadow?"

"Sinubukan yata nilang itago ang biosensors dito out of hard rock. You got the tunnel map?"

"Yes, do you want a walkthrough?" tanong ni Markus at binuksan ang tunnel map sa isang monitor.

"No need. I already memorized it. I'm the one walking you through for inspection."

Pare-parehas silang napahimas ng batok sa narinig.

"Napakayabang talaga niyaaaaa," nanggigigil na namang sinabi ni Brielle at halos sakalin si Markus para ilabas ang inis niya. "Gusto ko na talaga siyang patayiiin!"

"G-Gab! Ugh! Stop!"

Wala namang magagawa si Markus kundi tiisin ang pananakit ng asawa niya habang nagtatrabaho.

"See this wall?" tanong ni Josef.

"Yes."

"This is supposed to be hard rock. But it's not." Pinadaan niya ang tulis ng kutsilyo at may tinuklap doon.