FANBOY MATERIAL {nAmJiN}

4.ရှုပ်​ထွေးခြင်း

"A-to-the G-to-the U-to-the S-T-D"

ကျွန်တော် Kim Seokjin မနက်မိုးလင်းမျက်လုံးနှစ်လုံးပွင့်တာနဲ့ လုပ်စရာအလုပ်က နှစ်မျိုးတည်းရှိတယ်။

တစ်မျိုးက ကျွန်တော့် idol ကြီး Min Suga ၏ ဂန္တဝင် သီချင်း​တွေကို Volume အကုန်ဖွင့်တာနဲ့ နောက်တစ်မျိုးမှာ​တော့ အဲ့ဒီ့သီချင်း​တွေကိုလိုက်ဆိုရင်း မျက်နှာသစ်နေတာကြောင့် ခေါ်မကြားအော်မကြားဖြစ်​နေရ​ကောင်းသလားရယ်လို့ မေမေ့ဆီမှ ဆူခံထိတာသာဖြစ်တယ်။

Min Suga ဆိုတဲ့လူကြီးရဲ့ သီချင်း​တွေဟာလည်း လူတစ်ကိုယ်လုံးကိုတင်မက စိတ်အစဉ်ကိုပါလွှမ်းမိုးနိုင်စွမ်းရှိ​လေတာမို့ လိုက်ဆိုချင်နေမိတာတော့ ကျွန်တော်လည်းမတတ်နိုင်။

"ဟဲ့အကောင် Kim Seokjin နင်ဟာလေ မနက်မိုးလင်းလို့ မျက်လုံးနှစ်လုံးပွင့်တာနဲ့ ငါ့ဆီက အဆဲသံကိုနှစ်ခါမကြားရရင်မနေနိုင်ဘူး။ အိပ်ရာနှိုးတော့တစ်ခါ ခုတစ်ခါ။ သွား၊ ဟိုဘက်အိမ်ကို။ Joonie ကိုသွားခေါ်ခဲ့။ မနက်စာစားဖို့။"

ကျွန်တော့် Genius Min လေးရဲ့သီချင်းကိုပိတ်ပစ်ပြီး သားလိမ္မာအထွေးလေးအား ပြောချင်တာများ တရစပ်ပြောချသွား​လေရဲ့။

"လာမှာပေါ့လို့။ Joonie Hyung ဒီမှာမနက်စာစားမယ့်နေ့တိုင်းကျွန်တော်ပဲသွားခေါ်နေကျဟာကို။ မျက်နှာသစ်နေလို့လေ။ လာခဲ့မယ်။"

နှုတ်ခမ်းကို အနည်းငယ်ဆူ​ထော်လိုက်ပြီး ဖြေရှင်းချက်ပေးတော့မှ ကျေနပ်သွားဟန်နဲ့ အခန်းအပြင်ကိုပြန်ထွက်သွားတဲ့ ​မေ​မေ့ကို သိပ်​တော့မ​ကျေနပ်။ Min Suga ​ကြောင့် ကြည်လင်​နေတဲ့ မနက်ခင်း​လေးကို ဖျက်ဆီးပစ်လိုက်ပြီ​လေ။

မထူး​တော့တာနဲ့ မျက်နှာသစ်ပြီး တွေ့ကရာ Hoodie တစ်ထည်ကိုကောက်စွပ်ကာ ဟိုဘက်အိမ်သို့ထွက်လာလိုက်တယ်။

"Hyung ရေ၊ မနက်စာလာစားတဲ့။ အမေကခေါ်ခိုင်းလိုက်တယ်။"

အိမ်ထဲမဝင်ခင် တံခါးဝကနေအော်​ပြောရင်း ဝင်လာခဲ့ပြီးမှ အိမ်ရှေ့ခန်းမှာထိုင်နေတဲ့ ဧည့်သည်တစ်ယောက်ကိုတွေ့လိုက်ရတာမို့ အနည်းငယ်အားနာသွားမိသည်။