أحببتك بقدر تلك ***النجوم*** التي تجمل السماء
ليتني حولك وقربك ..
أريدك .. أريدك بكل نقاصك ،،
أريدك بكل ما هو خطأ بك
فالرضا دائمآ بقلبي عليك أيآ كانت حالتك.
عيناك موطن ليي ومنك الأمان
وجمال الفجر يقتبس من وجنتيك
حتي إسمك قادر أن يتحكم بملامحي ، كيف لو عيناي بعينك.
عشقك لي بداية لسعادتي و منتهاها
فكن بخير من أجلي.
..............................
لبني: ممكن تفهمني البحصل ده شنو؟؟!
ادهم: يا امي ماف حاجه بس انا والله عايز اتزوجه
لبني: يعني يا ادهم ما لقيت في بنات الدنيا الا البت دي
ادهم: يا امي اعمل شنو انا قلت ليك بحبها وبصراحه كده لو ما اتزوجتها ما حاتزوج تاني
لبني: يعني انت بتلوي دراعي صاح طيب يا ادهم اتفاهم مع ابوك
ادهم: خلاص يا امي ما عايزه ولا عايز غيرا
اللحظه دي جاء داخل ابو ادهم اسمو ( حسن)
حسن: في شنو يا لبني صوتكم عالي كده
لبني جات جاريه عليو
لبني: شفت يا حسن ولدك قال الا يعرس سيرين بت عاصم ود عمك
حسن: والله وقسما بالله تقعد جمبي كده وما تعرس بت عاصم يا ولد انت جنيت ولا شنو!!!
ادهم: يا ابوي نحن مشاكلكم دي ما عندنا زنب فيها انا وسيرين بنحب بعض ولو ما عرستها ما حاعرس تاني
لبني: يا الغبيان انت فاكر لمن ما تعرسه وتقعد كده هي كمان حاتقعد زيك بكره دي يعرسو ليها ويخلو خشمك ملح ملح
ادهم: يا امي سيرين ما حاتعرس غيري انا اوعدك بي كده
حسن: حاتعرسه غصبآ عننا ولا شنو كمان
...........
ادهم و سيرين كانو ضحيه لي مشاكل عائليه زواجم دخل في دائرة المستحيل لانو اتفرضت سورة عليهم حاجات هم ما ليهم زنب فيها
ادهم اخواتو ريفال و ريتال و ايهم
اما سيرين وحيدة امها و ابوها
سماهر ام سيرين: يا بت يا سيرين اسمعيني هنا ده الزفت الاسمو ادهم ده تنسيو خالص تطلعيو من راسك انتي فاهمه ولا لأ
سيرين: يا ماما حرام عليكم والله انا وادهم بنحب بعض لي تحرمونا من بعض
هنا ابوها اتدخل وبي نهره قويه كده
عاصم: يا بت هيي ما عايز كتر كلام في الموضوع ده الولد ده تنسيو وتشيلي من راسك والا قسما عظما الجامعه احميك ليها واحبسك في البيت ده
سيرين سكتت وخافت يحرموها من الجامعه دخلت غرقته وبقت تبكي بحرقه
طلعت تلفونه واتصلت بي ادهم وهي بتبكي
سيرين: ادهم
ادهم: عيون وروح أدهم
أدهم: مالك بتبكي حبيبي
سيرين: ماما و بابا رافضين زواجنا نهائي
ادهم: وامي وابوي كمان يا سيرين وانا زمان كلمتك انو في مشاكل كتييره وكبيرا حاتواجهنا لازم نكون اقوياء بما فيهو الكفايه عشان نتصدي ليها
سيرين: أنا خايفه يجبروني اتزوج واحد تاني
أدهم: ان شاء الله ما بحصل ماف زول حايتزوجك غيري اتطمني بس عايزك تمسحي دموعك دي وكوني قويه
سيرين: حاااضر
أدهم طمن سيرين بي انو ما حاتتزوج غيرو لكن هو زاتو عايز اليطمنو
في اليوم داك جو اعمام سيرين وقعدو مع عاصم
عماد: اوووع يا عاصم تغلط
الغلطه دي ود حسن ده ما عندو مكان بيناتنا
عاصم: لا لأ اتطمن والله بتي اجدعه البحر ولا اديها لي ولد حسن
عادل: وحاتستفيد شنو انتو قايلين لمن تحرمو ادهم و سيرين من بعض حسن حايرجع ليكم حقكم ههههه يبقي بتغشو في نفسكم و تكونو جنيتو علي المساكين ديل
عماد: يا عادل هوووي بتنا ما بنديها ليهم مش كفايه اكل حقوقنا كلها ونحن صغار كمان عايزنا نديو بتنا
عادل: يا عاصم اسمعني الاولاد ديل ما عندهم زنب في مشاكلكم دي ما تحرموهم من بعض ياخ
عاصم: يا عادل عليك الله خلي المثاليه الإنت فيها دي وشوف الموضوع من كل النواحي
عماد: ايوا كلامك صاح يا عاصم اسي يا عادل نفترض جدلا انو نحن وافقنا هل حسن برضي انو ولدو يتزوج سيرين؟
عادل: انتو وافقو و حسن خلو علي انا
......يتبع ......
