سيرين كلمت امها ابوها بي سفرة ادهم وانو بعد يجي قال حايعمل العقد
سماهر: انا قلبي ده ماااا متطمن
سيرين: ولا انا يا ماما
عاصم: لي يعني ما متطمنين
سماهر: اشمعنه يخلوهو يسافر اسي ومن بتين ابوهو بسفرو لي شغل غايتو الموضوع ماااا داخل لي راسي
سيرين: والله يا ماما معاك حق
عاصم بي ضيق كده: والله يكون ريحوني انا اصلا ما موافق عليو ولا عاجبني شديد بس عشان خاطرك يا سيرين انا وافقت
سماهر: انا زاتي ما عاجبني يا عاصم بس نقول شنو خليها في النهايه ده اختيارا
.................
ادهم جهز شنطتو واستعد للسفر وضرب لي سيرين
سيرين: خلاص بقيت ماشي بعد ده😢
ادهم: اي والله حبيبي بس بحاول ما اتاخر ان شاء الله كلها كم يوم واجيك راجع
سيرين: طيب بنتظرك
ادهم: بس اخدي علاجاتك واكلي كويس
سيرين: حاااضر بس لمن تصل طمني
ادهم: ان شاء الله
الساعه 3صباحا كان حضورو في المطار وشال شنطو و طالع من البيت لبني بقت تحضن فيو وتبكي 😭
ادهم: يا امي مالك انتي بتعملي كده كلها كم يوم وراجع انوشاذ الله
لبني ما شغاله بيو بس شغاله تبكي
ادهم: ويين ريفال و ريتال عايز اسلم عليهم قبل ما امشي
ايهم: شكلهم نايمين
ادهم: طيب سلمو عليهم
يلا مع سلامت الله
ركبو العربيه واتحركو وودوهو المطار وودعوهو ورجعو ادهم بفكر في نفسو ومتردد يضرب لي سيرين خايف يصحيها بس في اللحظه دي هي اتصلت عليو
طوالي رده
ادهم: سيرين والله كنت اسي بفكر اتصل عليك وخايف اصحيك من النوم
سيرين: يعني كنت حاتسافر من غير ما تودعني
ادهم: لا والله بس ما كنت عايز ازعجك
سيرين: عليك الله يادهم ما تتاخر علي
ادهم: حاااضر حبيبي ما بتاخر ان شاء الله اخدي بالك من نفسك
سيرين: حاضر وانت كمان اخد بالك من نفسك
ادهم: ان شاء الله يلا انا بعد ده حاطلع علي الطياره
سيرين: لا الله الا الله
ادهم: محمدا رسول الله
ريفال صحت من النوم وزعلت لمن ما لقت ادهم حاولت تتصل عليو بس تلفونو كان مقفول
........
ادهم وصل روسيا واستقبلوهو اتنين من اصحاب ابوهو وكانو كلهم قاعدين في ميز مع بعض وساقوهو معاهم
ادهم كان تعبان ورقد نام ولمن صحي لقي......
ويتبع......
