عاصم و عماد و عادل كبرو وكل واحد فيهم جواهو حقد وضغينه لي حسن وبقو يكرهو شديد
باعو الارض الخلاها ليهم حسن واشترو ليهم دكان في السوق وتاجرو ومع بعض قدرو يعملو اراضي وبيوت وتجارتم وسعت
بس اخدو زمن طويل لحدي ما عملو حاجاتم دي ولو كان شالو حقهم من ابوهم ما كانو احتاجو الزمن ده كلوو
عاصم كان بحب لبني بت جيرانم وكل يوم بلاقيها ويتونسو بس لبني كانت ماديه جدا اول ما اتقدم ليها حسن قبلت بيو لانو كان جاهز وبقدر يعيشه كويس
عاصم عاش نفسيات كعبه الفتره ديك واصلا حسن عمل كده عشان عارف انو عاصم بحب لبني وداير ينتقم منو لانو وقفو في المحاكم بي حكم انو هو الاخ الكبير
اقراها بالقروش وفعلا لبني ما كذبت خبر طوالي باعت عاصم واتزوجت من حسن
بعدها بي اربعه سنه عاصم اتزوج بت خالو سماهر وجابو سيرين بعد سنتين من زواجم بعد ما اخدت علاجات كتييرا بعداك ربنا رزقه بي سيرين وبعدها ما نجح ليها حمل وكانت طواالي بتجهض
لبني وسماخر ما كانو بحبو بعض و طوااالي في مشاكل وقلنا وقالو ولبني لسانه كعب وطوااالي بتذكر سماهر انو عاصم كان بحبها هي لمن سماهر اتفجرت فيها وسمعته كلام كعب
وكده الامور اتعقدت زياده لي أدهم و سيرين ........
أدهم بقي ما بقعد في البيت وطوااالي برا بجي بالليل ينوم ويطلع الصباح ماف زول بشوفو
وسيرين كمان حياته بقت عباره عن الجامعه وتجي راجعه تقفل غرفته لحدي تاني يوم تطلع الجامعه و هكذا استمر الحال قراب الشهرين
يوم أدهم غير العاده جاء راجع البيت مع المغرب كده لقي ريتال اختو معاها صحباته قاعدين في الصالون سلم عليهم وطلع غرفتو
وحده من صحبات ريتال قالت ليها: بسسم الله اخوك ده مالو
ريتال: سيبك منو اصلا الايام دي ما علي طبيعتو
وحده تانيه تانيه قالت ليها: بس والله اخوك ده مدشدشني عديييل كده كسااار ياخ
ريتال: ههههه انتي ياختي اي زول بتنبرشي فيو يلا ما علينا كنا بنقول في شنوو
في وحده منهم كانت ساااكته ساي وبتقلب الموضوع في راسه وبقت تعاين في بيت تاس ريتال و العز الهم عايشين فيو
ريتال انتبهت ليها
ريتال: يسرا مشيتي وين الواخد عقلك يتهنا بيو
يسرا: ااااا ههههه لا لأ معاكم معاكم
.................
أدهم اتصل علي سيرين وهو كان طوول ما اتكلم معاها عشان ما يعمل ليها مشكله مع ابوها
أدهم: الو
سيرين بي صوت تعبان: ايوا يا ادهم كيفك
ادهم: سيرين مالك عيانه ولا شنو
سيرين: لا ده شوية ارهاق ساي من القرايه
أدهم: سيرين انتي اصلا طوالي بتهملي صحتك كده علييك الله قومي امشي الدكتور وشوفي روحك الحاصل عليك شنو
سيرين: ما تخاف علي انا كويسه حبيبي انت كيف
أدهم: انا كويس الحمدلله بس قلقان عليك الليله اكلتي حاجه؟!
سيرين: .......
أدهم: مالك سكتي انا عارف من الصباح اكلتي حاجه صاح
سيرين: باكل ان شاء الله
ادهم: سيرين انتي عايزه تزعليني منك مش؟
سيرين: أدهم ما تعمل موضوع والله حاكل
ادهم: أسي امشي أكلي وانا شويه وحاتصل عليك
ويتبع.....
