عاصم كسر الباب ولقي سيرين مغمي عليها اتخلعو وجرو عليها وسماهر بقت تصحي فيها
سماهر: وب علي وب علي بتي مالا سيرين يا سيرين فتحي عيونك يا بتي ما تحرقي قلبي عليك
عاصم: البسي توبك سريع نوديها المستشفي
ودوها المستشفي وبقو قاعدين منتظرين الدكتور يطلع
بعد الدكتور طلع مشو عليو
عاصم: اها يا دكتور البت دي حاصل عليها شنو
الدكتور: تغريبا اتعرضت لي انهيار عصبي و جسمها ضعيف ما قدر يتحمل بس عملنا ليها فحوصات لسه ما طلعت نشوف النتيجه حاتطلع شنو بس اسي جيب لينا الادويه دي من الصيدليه
بعد الدكتور مشي سماهر كانت زعلاانه من عاصم قالت ليو : اسمعني هنا ده يا عاصم انا ما مستعده اخسر بتي عشانكم لو ما عايزن تعرسوها لي ادهم ما تعرسوها ليو لكن كل واحد فيكم يجي يملطش فيها و يضربه انا ما بسمح ليكم و لو لزم الامر انا بسوق بتي وبمشي لي اخواني في دبي 😡😡
ودخلت لي بتها الغرفه
عاصم ما رده علي مرتو لانو عارف انها قلبها واجعه علي بتها مشي يجيب الادويه وهو راجع لقي اخوانو و وداد مرة اخوهو عماد داخلين سلمو عليو و سألوهو من حالة سيرين
عاصم: الحمدلله اسي كويسه بس اتعرضت لي حالة انهيار عصبي
عادل: والله سيرين دي يحصل ليها حاجه بسببكم انا ما برحكم عارفين يعني شنو ما برحمكم
عماد: حاتعمل شنو يعني؟!
عادل: وقسما بالله أقلب الطربيزه علي الكل
عاصم: اووع تتهور وتعمل حاجه نندم عليها كلنا انا عارف انك بتحب سيرين بس عايزك تعرف انو نحن بنعمل كده لي مصلحته
عماد: اي لي مصلحته و بعدين خالد ولدي اولي بيها انا هسي بطلب يدها لي خالد ولدي
وداد الكلام ما عجبه😏 وصلو الغرفه ولقو سيرين نايمه
وداد: سلامته سيرين يا سماهر
سماهر الله يسلمك يا وداد تسلمي
عاصم: اسمعيني هنا يا سماهر عماد اخوي ده طلب يد سيرين لي خالد ولدو و انا موافق
سماهر بي خلعه: سجمي يا عاصم كيف يعني موافق
وداد: ومالو خالد ولدي فيو عيب ولا فيو عيب سيد الرجال لي حدهم
سماهر: لا خالد ما فيو عيب بس سيرين ما اظن توافق بيو
وداد: ولي ما توافق بيو عيبو شنو عشان ما توافق بيو هي لاقياو وين كمان عشان تدلع
سماهر: ليي لاقيه وين بتي مالا بايرا ولا بايرا والله تلقي الزيو وتلقي الاحسن منو كان اتكلمي كويس يا وداد
وداد: انا ولا انتي اليتكلم كويس وزاتو خالد ولدي ما شاورناو ده كلام قالو عماد ساي
سماهر: لا ياختي وفرو علي نفسكم الشوره سيرين ما حاتوافق
وداد في نفسها( ها المره الخرفانه بتكم البتحب ود حسن دي زاتو نحن ما دايرنها قال شنو قال ما توافق قال احسن زاتو)
عماد: هوي اسكتو الاتنين القول قولنا نحن ما قول الحريم سامعين ولا لأ
عادل ما اتكلم زي الكان بفكر في حاجه
اللحظه دي الكتور جاء داخل
الدكتور: السلام عليكم
كلهم: وعليكم السلام و رحمة الله و بركاته
الدكتور: اها مرضيتنا كيف بقت؟
عاصم: والله يا دكتور لسه ما صحت
الدكتور: لا لازم تصحي بعد ده خمس دقايق كان ما صحت نادوني
سماهر: طيب يا دكتور اها الفحوصات طلعت
الدكتور: لسه شويه وتطلع
...............
ادهم كان بتصل علي سيرين وماف رد منها كرر اتصالتو وبرضو ما كان في رد قلق شديد و ما عارف يعمل شنو
بقي لافي جوا الغرفه ومتحير ما عارف يعمل شنو
ريفال اختو جات شايله ليو عصير ولاحظت انو ادهم متوتر
ريفال: دودي يا دودي مالك لافي حوالين نفسك كده
ادهم: ماف حاجه ختي العصير ده و اطلعي بس
ريفال ختت العصير و بي حركه سريعه نطت ليو في السرير واتعلقت في رقبتو من ورا
ريفال: علي انا دي انا روفه اختك احكي لي مالك
ادهم: عليك يا ريفال خليني انا ما فايق ليك
ريفال: كده يا ادهم طيب انا طالعه
ونزلت من السرير مشت علي الباب ادهم وقفه: طيب تعالي بس ان شاء الله القي عندك حل
ريفال طوالي جات راجعه: بتلقاو ان شاء الله بس احكي
ادهم: سيرين
ريفال: قلبي كان حاسس يا بيبي اها مالا سيرين
ادهم: قبيل مشيت ليها الجامعه وسوقتها مشينا كفتريا و شربنا عصير وبعداك وصلتها
ريفال: طيب حلو اها وانت مالك عامل في نفسك كده
ادهم: بعد وصلتها قريب لي بيتم خالد ود عمي عماد شافنا واتناقشنا انا و هو نقاش حاد شويه واسي بتصل عليها ما بترد ما عارف الحاصل عليها شنو خايف يكون عمل فيها حاجه
ريفال: اهاااا يعني انت مقلق
ادهم: بالضبط كده وما عارف اتصل علي منو
ريفال: طيب انا عندي حل
ادهم: اها الحقيني بيو سريع
ريفال: انا عندي رقم خالتو سماهر نتصل عليها و نعرف الحاصل شنو
ادهم: بس انتي عارفه خالتي سماهر شايله معانا تقيل
ريفال: .........
ويتبع.........
